ព័ត៌មានអន្ដរជាតិ
លោក អូបាម៉ា ចេញមុខព្រមាន បើបន្តកំចាយឈាមជនស៊ីវិល អ៊ីស្រាអែលនឹងខាតបង់
អតីតប្រធានាធិបតីអាមេរិក លោក បារ៉ាក់ អូបាម៉ា បានចេញមុខព្រមានអ៊ីស្រាអែលថា យុទ្ធសាស្ត្រឆ្លើយតបចំពោះការវាយប្រហារទៅលើក្រុមហាម៉ាស់ ដោយមិនអើពើនឹងតម្លៃមនុស្សជាតិ នឹងគ្មានផលចំណេញអ្វីឡើយ ជាពិសេសអ៊ីស្រាអែលនឹងបាត់បង់សម្ព័ន្ធភាពជាមួយអន្តរជាតិ។
ការព្រមានរបស់លោក អូបាម៉ា កើតឡើងចំពេលមានការស្លាប់ជនស៊ីវិលយ៉ាងច្រើនសន្ធឹកសន្ធាប់ ពីអំពើឃោរឃៅ និងការបំផ្លាញហេដ្ឋារចនាសម្ព័ន្ធដោយកងកម្លាំងការពារអ៊ីស្រាអែល (IDF) នៅក្នុងតំបន់ហ្គាហ្សា។
នៅក្នុងអត្ថបទមួយដែលបានចេញផ្សាយនៅលើ Medium កាលពីថ្ងៃចន្ទ លោក Obama បានគាំទ្រការអំពាវនាវរបស់ប្រធានាធិបតី ចូ បៃដិន ដែលសហរដ្ឋអាមេរិកនឹងបន្តឱ្យគាំទ្រសម្ព័ន្ធមិត្តរបស់ខ្លួន ក្នុងការបង្រ្កាបក្រុមហាម៉ាស់ និងដើម្បីដោះលែងចំណាប់ខ្មាំងដែលត្រូវបានចាប់ខ្លួន ក្នុងការវាយប្រហារកាលពីថ្ងៃទី៧ ខែតុលា។
ទោះជាយ៉ាងណាក៏ដោយ លោក អូបាម៉ា សង្កត់ធ្ងន់ថា វាជារឿងសំខាន់ដែលយុទ្ធសាស្ត្ររបស់អ៊ីស្រាអែល “គួរតែគោរពតាមច្បាប់អន្តរជាតិ ធ្វើយ៉ាងណាកាត់បន្ថយការស្លាប់ និងការឈឺចាប់របស់ជនស៊ីវិល” ។ មិនត្រឹមតែដោយសារតែវាជាភាពត្រឹមត្រូវខាងសីលធម៌ និងឆ្លុះបញ្ចាំងពីតម្លៃធម្មជាតិនៃជីវិតមនុស្សគ្រប់រូបប៉ុណ្ណោះទេ ប៉ុន្តែដោយសារតែវា “មានសារៈសំខាន់សម្រាប់ការកសាងសម្ព័ន្ធភាព និងការបង្កើតមតិអន្តរជាតិ ដែលទាំងអស់នេះមានសារៈសំខាន់សម្រាប់សន្តិសុខរយៈពេលវែងរបស់អ៊ីស្រាអែល” ។
ដោយសារប្រជាជនប៉ាឡេស្ទីនរាប់ពាន់នាក់ត្រូវបានសម្លាប់ រួមទាំងកុមារ និងរាប់រយពាន់នាក់បានភៀសខ្លួន លោកអូបាម៉ាបានអះអាងថា ការបង្រ្កាបលើតំបន់ហ្គាហ្សាអាចបង្កឱ្យកូនចៅប៉ាឡេស្ទីនគុំគួនអ៊ីស្រាអែលតជំនាន់៕
ប្រែសម្រួល៖ សន្យា
ប្រភព៖ RT
ចុចអាន៖ លោក អូបាម៉ា៖ ទង្វើរបស់អ៊ីស្រាអែល នៅហ្គាហ្សា នឹងធ្វើឲ្យប្រជាជនប៉ាឡេស្ទីន គុំកួន តជំនាន់
ចុចអាន៖ អ៊ីស្រាអែលមានះមិនផ្គត់ផ្គង់ប្រេងឱ្យតំបន់ហ្គាហ្សា និងប្រាប់ UN ឱ្យសុំពីក្រុមហាម៉ាស់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត