ព័ត៌មានអន្ដរជាតិ

រឿងរ៉ាវដ៏រន្ធត់នៅពីក្រោយហាងប៊ូហ្វេនៅ វៀតណាម ធ្វើឲ្យភ្ញៀវបាក់ស្បាតលែងហ៊ានទៅទទួលទាន

បានផុស

១១ ខែ មុន

នៅ

ថ្ងៃចន្ទ ៦ វិច្ឆិកា ២០២៣

ដោយ

ភោជនីយដ្ឋានប៊ូហ្វេនៅវៀតណាមមួយកន្លែង ត្រូវបានគេទម្លាយពីការពិតដ៏ស្មោកគ្រោកនៅខាងក្រោយហាង គឺជាសំរាមកដ៏កខ្វក់ចោលក្លិនសាយភាយ និងគំនចានដាក់ក្នុងបន្ទប់ទឹកគួរឲ្យខ្ពើមរអើម។

កាលថ្ងៃទី ២៤ ខែតុលា ឆ្នាំ ២០២៣ នៅលើប្រព័ន្ធផ្សព្វផ្សាយសង្គមវៀតណាមជាច្រើនដូចជាគេហទំព័រ SAOstar បានចែករំលែកនូវរូបភាពពីក្រោយហាងបុហ្វេមួយកន្លែង រហូតទាក់ទាញការរិះគន់យ៉ាងខ្លាំងក្លា។ នេះជារូបភាពនៅខាងក្រោយភោជនីយដ្ឋានអាហារប៊ូហ្វេនៅទីក្រុងហាណូយ ដែលបង្ហាញពីស្ថានភាពគ្មានអនាម័យរហូតដល់ភ្ញៀវដែលធ្លាប់តែទៅបរិភោគឃើញហើយលែងហ៊ានទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមព័ត៌មានក្នុងការបង្ហោះ ក្នុងរូបថតនេះត្រូវបានថតនៅភោជនីយដ្ឋានអាហារប៊ូហ្វេដែលមានឈ្មោះថា TL ជាហាងប៊ូហ្វេសាច់អាំង។ អតិថិជនអាចញ៉ាំអ្វីទាំងអស់ដែលពួកគេចង់បានក្នុងតម្លៃ ៩៩,០០០ ដុង ។ ចៃដន្យអតិថិជនម្នាក់ទៅបន្ទប់ទឹកខាងក្រោយហាង ហើយបានឃើញទិដ្ឋភាពគួរឲ្យស្អប់ខ្ពើមបំផុតនៅក្នុងផ្ទះបាយ ទើបរូបគេប្រញាប់ថតទុក។

ចំណែកគ្រឿងផ្សំត្រូវបានរាយប៉ាយពេញផ្ទៃ ទាំងសាច់ និងបន្លែ ស្ថានភាពគឺដូចជាគំនសំរាមបេះដាក់។ ចំណែកកម្រាលឥដ្ឋមានក្លិនស្អុយ និងមានក្លិនឆ្អាបត្រី។ មិនមែនត្រឹមតែពេលចូលបន្ទប់ទឹកក្បែរផ្ទះបាយ គាត់ក៏បានរកឃើញធុងមួយនៃគ្រឿងផ្សំដែលមើលទៅដូចជាម្ហូបដែលដាក់នៅក្នុងបន្ទប់ទឹក។ ដែលមិនអាចដឹងច្បាស់ តើវាជាការការបោះចោលឬក៏វាត្រៀមជាស្រេចដើម្បីបម្រើដល់អតិថិជននោះទេ។

ទោះយ៉ាងណាក៏ដោយ បន្ទាប់ពីរូបភាពនៅខាងក្រោយភោជនីយដ្ឋានអាហារប៊ូហ្វេត្រូវបានផ្សព្វផ្សាយ និងចែករំលែកយ៉ាងទូលំទូលាយ។ វាទទួលបានការចាប់អារម្មណ៍ និងបង្កើតការមិនពេញចិត្តក្នុងចំណោមមនុស្សជាច្រើន។ ពួកគេទាំងអស់គ្នាបានចូលទៅបញ្ចេញមតិជុំវិញភាពកខ្វក់របស់ហាង។ នេះប៉ះពាល់ដោយផ្ទាល់ទាំងសុខភាព និងសុវត្ថិភាពរបស់អ្នកប្រើប្រាស់ ព្រមទាំងអំពាវនាវឲ្យមានការស៊ើបអង្កេតជាបន្ទាន់។

យ៉ាងណាមិញ ក្រោយរឿងនេះត្រូវបានគេផ្សព្វផ្សាយតាមប្រព័ន្ធអ៊ីនធឺណិត នៅល្ងាចថ្ងៃទី២៣ ខែតុលា ស្លាកសញ្ញាភោជនីយដ្ឋានប៊ូហ្វេត្រីវដកចេញភ្លាមៗ ហើយត្រូវបានជំនួសដោយផ្លាកថ្មី។ ក្រោយមក គណៈកម្មាធិការបានបញ្ជូនមន្ត្រីទៅស៊ើបអង្កេត ហើយបានរកឃើញថា ភោជនីយដ្ឋាន TL ទើបតែបើកបានប៉ុន្មានសប្តាហ៍ប៉ុណ្ណោះ និងមានអាជ្ញាប័ណ្ណអាជីវកម្មចុះបញ្ជី។ មុនពេលបិទហើយផ្លាស់ទីទៅឆ្ងាយ ឥឡូវនេះ ហាងត្រូវបានជួសជុលឡើងវិញ និងគ្រប់គ្រងដោយម្ចាស់ផ្សេង៕