ព័ត៌មានអន្ដរជាតិ
៤១ខេត្តនៅថៃ គ្របដណ្តប់ដោយខ្យល់ពុល គ្រោះថ្នាក់
មួយរយៈចុងក្រោយ ប្រទេសថៃហាក់ដូចជាញាំញីដោយខ្យល់ពុលខ្លាំង ខណៈពេលនេះ ខេត្តចំនួន៤១ ក្នុងចំណោមខេត្តទាំង៧៧ ភាគច្រើននៅតំបន់ទំនាបកណ្តាល ត្រូវគ្របដណ្ដប់ដោយកម្រិតខ្យល់ពុលដ៏គ្រោះថ្នាក់។
ទីភ្នាក់ងារអភិវឌ្ឍន៍បច្ចេកវិទ្យាអវកាស និងព័ត៌មានវិទ្យា (Gistda) បានរាយការណ៍ថា តំបន់ខ្លះក្នុងប្រទេសថៃ បានជួបប្រទះកំហាប់ភាគល្អិត PM2.5 ក្នុងកម្រិតមិនមានសុវត្ថិភាពចាប់ពី ៣៨.១ដល់ ១១២.៣មីក្រូក្រាម ក្នុងមួយម៉ែត្រគូបនៃខ្យល់ នារយៈពេល២៤ម៉ោងចុងក្រោយ។
ខេត្តចំនួនបី ដែលគ្របដណ្តប់ដោយ PM2.5 កម្រិតពណ៌ក្រហមដែលជាកម្រិតធ្ងន់ធ្ងរបំផុតប៉ះពាល់ខ្លាំងដល់សុខភាព មានដូចជា Samut Songkhram ឈានដល់ ១១២.៣មីក្រូក្រាម ក្នុងមួយម៉ែត្រគូបនៃខ្យល់, ខេត្ត Samut Sakhon ៩២.៧មីក្រូក្រាម ក្នុងមួយម៉ែត្រគូបនៃខ្យល់ និង Nakhon Pathom ៧៦.៧មីក្រូក្រាម ក្នុងមួយម៉ែត្រគូបនៃខ្យល់។
ចំណែកកម្រិត PM2.5 នៅទីក្រុងបាងកកជាមធ្យមគឺ៥៥មីក្រូក្រាម ឯស្រុក Don Muang ឡើងដល់កម្រិតខ្ពស់៧០មីក្រូក្រាម ក្នុងមួយម៉ែត្រគូបនៃខ្យល់។
កាលពីសប្តាហ៍មុន នាយកដ្ឋានត្រួតពិនិត្យការបំពុល (PCD) នៃប្រទេសថៃ ក៏បានព្រមានដែរថា ប្រទេសនេះកំពុងជាប់ក្នុងរដូវផ្សែងធូលី ហើយកំហាប់ភាគល្អិត PM2.5 នឹងឈានដល់កម្រិតគ្រោះថ្នាក់ ដល់ថ្ងៃទី១២ខែមករា។
នាយកដ្ឋានខាងលើ បានដាស់តឿនឲ្យគ្រប់គ្នា ត្រូវតាមដានព័ត៌មាននិងមានការប្រុងប្រយ័ត្នជាប់ជានិច្ច។ តាមការបញ្ជាក់ គុណភាពខ្យល់មិនល្អនៅក្នុងរាជធានីរបស់ថៃ គឺបណ្តាលមកពីការកកស្ទះចរាចរណ៍ ខណៈផ្សែងពុលគ្រោះថ្នាក់ គឺកើតចេញពីការដុតកាកសំណល់ ឬការដុតព្រៃយកដីធ្វើកសិកម្ម។
សូមបញ្ជាក់ជាថ្មី PM2.5 គឺជាសារធាតុបំពុលបរិយាកាសដែលមានទាំងមីក្រូភាគល្អិតរឹង និងដំណក់ទឹកតូចៗបំផុតប្រហែល ១០ ណាណូម៉ែត្រ ទៅ ២.៥ មីក្រូម៉ែត្រ ហើយវាអាចបង្កការគំរាមកំហែងខ្លាំងបំផុតដល់រាងកាយ ជាពិសេសចំពោះអ្នកមានបញ្ហាសួត និងផ្លូវដង្ហើម៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ សប្តាហ៍ក្រោយ ខ្យល់ពុលនៅថៃ នឹងឈានដល់កម្រិតគ្រោះថ្នាក់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង