ព័ត៌មានអន្ដរជាតិ
សប្តាហ៍ក្រោយ ខ្យល់ពុលនៅថៃ នឹងឈានដល់កម្រិតគ្រោះថ្នាក់
កាលពីថ្ងៃសុក្រទី៥ខែមករា នាយកដ្ឋានត្រួតពិនិត្យការបំពុល (PCD) នៃប្រទេសថៃ បានព្រមានថា បច្ចុប្បន្ន ប្រទេសនេះកំពុងជាប់ក្នុងរដូវផ្សែងធូលី ហើយកំហាប់ភាគល្អិត PM2.5 នឹងឈានដល់កម្រិតគ្រោះថ្នាក់ ត្រឹមថ្ងៃទី១២ខែមករា។
គិតត្រឹមថ្ងៃសុក្រ កំហាប់ភាគល្អិត PM2.5 នៅទីក្រុងបាងកក និងតំបន់ជុំវិញ ស្ថិតនៅក្នុងចន្លោះកម្រិតមធ្យម ទៅមិនល្អ ប៉ុន្តែគុណភាពខ្យល់នៅភាគខាងជើង និងឦសាន គឺនៅតែល្អដដែល។
ទោះបីជាយ៉ាងណាក៏ដោយ នាយកដ្ឋានខាងលើ បានដាស់តឿនឲ្យគ្រប់គ្នា ត្រូវតាមដានព័ត៌មាននិងមានការប្រុងប្រយ័ត្នជាប់ជានិច្ច ព្រោះថា បញ្ហាខ្យល់ពុលនេះ អាចកាន់តែធ្ងន់ធ្ងរនៅសប្តាហ៍ក្រោយ។
គិតចាប់ពីថ្ងៃទី២៩ខែធ្នូ ដល់ថ្ងៃទី៣ខែមករា, ទីតាំងមានគុណខ្យល់គ្រោះថ្នាក់ចំនួន១២០៧កន្លែងនៅប្រទេសថៃ ត្រូវបានរកឃើញ ដោយក្នុងនោះមាន៣៨%ជាវាលស្រែ, ១៣%ជាចម្ការអំពៅ, ១១%ជាព្រៃ និង៦%ជាចម្ការពោត។
តាមការបញ្ជាក់ គុណភាពខ្យល់មិនល្អនៅក្នុងរាជធានីរបស់ថៃ គឺបណ្តាលមកពីការកកស្ទះចរាចរណ៍ ខណៈផ្សែងពុលគ្រោះថ្នាក់ គឺកើតចេញពីការដុតកាកសំណល់ ឬការដុតព្រៃយកដីធ្វើកសិកម្ម។
យ៉ាងណា នេះមិនមែនជាបញ្ហាថ្មីឡើយសម្រាប់ប្រទេសថៃ ដោយកាលពីចុងឆ្នាំមុន ប្រហែល៤០%នៃប្រទេស គឺត្រូវបានគ្របដណ្ដប់ដោយកម្រិតខ្យល់ពុល និងធូលីគ្រោះថ្នាក់ដ៏ក្រាស់។
PM2.5 គឺជាសារធាតុបំពុលបរិយាកាសដែលមានទាំងមីក្រូភាគល្អិតរឹង និងដំណក់ទឹកតូចៗបំផុតប្រហែល ១០ ណាណូម៉ែត្រ ទៅ ២.៥ មីក្រូម៉ែត្រ ហើយវាអាចបង្កការគំរាមកំហែងខ្លាំងបំផុតដល់រាងកាយ ជាពិសេសចំពោះអ្នកមានបញ្ហាសួត និងផ្លូវដង្ហើម៕
ប្រែសម្រួល៖ Vann Vann
ប្រភព៖ Nation
ចុចអាន៖ សឹងពាក់កណ្តាលប្រទេសថៃ ត្រូវគ្របដណ្តប់ដោយខ្យល់ពុល ដ៏គ្រោះថ្នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង