ព័ត៌មានអន្ដរជាតិ

កងទ័ពជនជាតិភាគតិច មីយ៉ាន់ម៉ា បើកការវាយប្រហារលើបន្ទាយទ័ពជើងទឹករបស់រដ្ឋាភិបាលយោធា

បានផុស

២ years មុន

នៅ

ថ្ងៃពុធ ១០ មករា ២០២៤

ដោយ

សម្ព័ន្ធក្រុមប្រដាប់អាវុធជនជាតិភាគតិចមីយ៉ាន់ម៉ាបានបើកការវាយប្រហារទៅលើបន្ទាយទ័ពកងទ័ពជើងទឹករបស់រដ្ឋាភិបាលយោធាក្នុងរដ្ឋរ៉ាក់ឃីនភាគខាងលិចប្រទេស ដែលជាបន្ទាយទ័ពជើងទឹកដ៏ធំបំផុតមួយរបស់ប្រទេស មានទីតាំងស្ថិតនៅក្នុងផ្នែកមួយនៃតំបន់កំពុងដំណើរការគម្រោងវិនិយោគរបស់ចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារនេះត្រូវបានធ្វើឡើងកាលពីថ្ងៃអង្គារ ដោយកងទ័ពអារ៉ាកាន់នៅក្នុងក្រុង Kyaukphyu រដ្ឋរ៉ាក់ឃីន ខណៈកងទ័ពជើងទឹក Danyawaddy ក៏ដកអាវុធធុនតូច និងកាំភ្លើងធំបាញ់តបតវិញផងដែរ ។ នេះបើយោងតាមអ្នកភូមិម្នាក់ដែលសុំមិនបញ្ចេញឈ្មោះ ដោយសារហេតុផលសុវត្ថិភាពផ្ទាល់ខ្លួន ។

ប្រភពដដែលបន្តថា បន្ទាយកងទ័ពជើងទឹក Danyawaddy គឺជាផ្នែកមួយនៃទីក្រុងកំពង់ផែទឹកជ្រៅ Kyaukphyu ដែលស្ថិតនៅក្នុងតំបន់សេដ្ឋកិច្ចពិសេសដែលចិនកំពុងធ្វើការអភិវឌ្ឍនៅឡើយ ខណៈអ្នកភូមិបាននិយាយថា ការប្រយុទ្ធគ្នាកាលពីខែធ្នូកន្លងទៅបានរារាំងដំណើរការទាំងគម្រោងកំពង់ផែ និងផ្លូវដែកដែលរដ្ឋាភិបាលយោធាបានអនុម័តនៅឆ្នាំ២០២៣ ។

គួរបញ្ជាក់ថា ប្រទេសចិនបានអំពាវនាវជាញឹកញាប់ទាំងរដ្ឋាភិបាលយោធា និងក្រុមឧទ្ទាមប្រឆាំងឲ្យការពារគម្រោងអភិវឌ្ឍន៍របស់ខ្លួននៅក្នុងប្រទេសមីយ៉ាន់ម៉ា ក៏ដូចជារក្សាស្ថិរភាពនៅតំបន់ព្រំដែនផងដែរ ខណៈការវាយប្រហារកាលពីដើមសប្ដាហ៍កន្លងទៅនេះ គឺជាការវាយប្រហារលើកដំបូងរបស់កងទ័ពអារ៉ាកាន់លើបន្ទាយទ័ពជើងទឹកក្នុងក្រុង Kyaukphyu ស្របពេលដែលកងទ័ពមួយនេះចិញ្ចឹមចិត្តដណ្តើមកាន់កាប់បន្ទាយទ័ពទាំងអស់នៅក្នុងទីក្រុង Paletwa ដែលជាទីក្រុងមួយស្ថិតនៅភាគខាងលិចរបស់រដ្ឋឈីន ៕

ប្រែសម្រួលដោយ ៖ គង់ សំអាន

ប្រភព ៖ MGR Online

ចុចអាន ៖ កងទ័ពជនជាតិភាគតិច មីយ៉ាន់ម៉ា វាយដណ្ដើមបានទីក្រុងជាប់ព្រំដែន ចិន បន្ថែមទៀត