ព័ត៌មានអន្ដរជាតិ
ជនដៃដល់យកដុំថ្មលបវាយពីក្រោយក្បាលសមាជិកសភាបក្សកាន់អំណាច កូរ៉េខាងត្បូង ១៥ ដងក្នុងពេល ១០ វិនាទី
សមាជិកសភាមកពីគណបក្សអំណាចប្រជាជន (PPP) ដែលជាបក្សកាន់អំណាចរបស់កូរ៉េខាងត្បូងគឺលោកស្រី Bae Hyun-jin កាលពីវេលាម៉ោង ៥ ល្ងាចថ្ងៃព្រហស្បតិ៍ត្រូវជនដៃដល់មិនស្គាល់អត្តសញ្ញាណមួយរូបយកដុំថ្មលបវាយបែកក្បាលនៅសង្កាត់ Gangnam ភាគខាងត្បូងទីក្រុងសេអ៊ូល ។ នេះបើយោងតាមការចុះផ្សាយដោយសារព័ត៌មាន The Korea Times នៅថ្ងៃទី២៦ ខែមករានេះ ។
យោងតាមជំនួយការរបស់សមាជិកសភារូបនេះបានឲ្យដឹងថា អ្នកថ្មើរជើងភេទប្រុសម្នាក់ បានដើរសំដៅទៅរកលោកស្រី Bae ហើយសួរថា “តើអ្នកជាតំណាងរាស្រ្តឈ្មោះ Bae Hyun-jin ពិតមែនទេ?” ហើយមិនទាន់នឹងឆ្លើយតបផង ជនដៃដល់បានយកដុំថ្មទំហំប៉ុនកណ្ដាប់ដៃមនុស្សវាយទៅលើលោកស្រីតែម្ដង ខណៈមូលហេតុមិនទាន់ត្រូវបានគេដឹងនៅឡើយទេ ។
ចំណែកតាមរយៈខ្សែវីដេអូពីកាម៉េរាសុវត្ថិភាពដែលការិយាល័យរបស់លោកស្រី Bae ផ្ដល់ឲ្យទីភ្នាក់ងារ Yonhap បានបង្ហាញថា ជនដៃដល់បានយកដុំថ្មវាយតំណាងរាស្រ្តវ័យ ៤០ រូបនេះចំនួន ១៥ ដងក្នុងរយៈពេលប្រហែល ១០ វិនាទី រហូតទាល់តែសាក្សីនៅក្បែរនោះចាប់ទាញដៃ និងឃាត់ជនដៃដល់ ខណៈជនដៃដល់ដែលពាក់ម៉ាស ស្លៀកខោខូវប៊យ និងពាក់អាវក្រៅមិនរត់ទៅណានោះទេ រហូតទាល់តែជំនួយការរបស់លោកស្រី Bae ចាប់ឃាត់ខ្លួនប្រគល់ទៅឲ្យប៉ូលិស និងបានសារភាពថា រូបគេមានអាយុ ១៥ ឆ្នាំ ។
ដោយឡែកលោកស្រី Bae បានយកដៃខ្ទប់ឈាម និងត្រូវបានបញ្ជូនទៅកាន់មន្ទីរពេទ្យសាកលវិទ្យាល័យ Soonchunhyang ប៉ុន្តែស្ថានភាពរបស់លោកស្រីគឺមិនគំរាមកំហែងដល់អាយុជីវិតនោះឡើយ ក្រោមការពិនិត្យដោយលោកវេជ្ជបណ្ឌិត Park Sukh-que គ្រូពេទ្យផ្នែកសរសៃប្រសាទរបស់មន្ទីរពេទ្យ ខណៈបច្ចុប្បន្នលោកស្រីកំពុងសម្រាកព្យាបាលនៅក្នុងបន្ទប់អ្នកជំងឺ ។
លោក Park បានប្រាប់អ្នកយកព័ត៌មានថា “បច្ចុប្បន្នសមាជិកសភាបក្សកាន់អំណាចរូបនេះស្ថិតក្នុងស្ថានភាពល្អប្រសើរ ក្រោយដេរមុខរបួសនៅផ្នែកខាងក្រោយក្បាលប្រវែងប្រហែល ១ សង់ទីម៉ែត្រ ប៉ុន្តែមុខរបួសនៅមានសភាពហើមបន្តិច ហើយមិនប៉ះពាល់ដល់ផ្នែកឆ្អឹងក្បាលនោះទេ ។ ទោះយ៉ាងណាក្រុមគ្រូពេទ្យក៏នឹងបន្តតាមដានស្ថានភាពខួរក្បាលរបស់លោកស្រីផងដែរ ដោយសារតែលោកស្រីត្អូញឈឺក្បាល និងមានរបួសសើរស្បែកលើផ្ទៃមុខ និងជុំវិញភ្នែក” ។
ទន្ទឹមនឹងនោះ លោកនាយករដ្ឋមន្ត្រី Han Duck-soo បានណែនាំអាជ្ញាធរអនុវត្តច្បាប់បើកស៊ើបអង្កេតលើករណីនេះឲ្យបានហ្មត់ចត់ ហើយបានចាត់ទុកការវាយប្រហារភេរវកម្មប្រឆាំងនឹងអ្នកនយោបាយថាជា “អំពើឧក្រិដ្ឋកម្មធ្ងន់ធ្ងរដែលអង្រួនមូលដ្ឋានប្រជាធិបតេយ្យ” ។ លោកនាយករដ្ឋមន្ត្រីថែមទាំងបានអំពាវនាវឲ្យអាជ្ញាធរយកចិត្តទុកដាក់លើការធានាសុវត្ថិភាពដល់ឥស្សរជនសំខាន់ៗ រួមទាំងសមាជិករដ្ឋសភា និងទប់ស្កាត់ឧក្រិដ្ឋកម្មស្រដៀងគ្នានេះកុំឲ្យកើតមានឡើង នៅមុនការបោះឆ្នោតសកលនាមេសាខាងមុខនេះ ។
គួរបញ្ជាក់ថា ការវាយដុំលើលោកស្រី Bae Hyun-jin ដែលជាអតីតពិធីការិនីនិយាយព័ត៌មានតាមទូរទស្សន៍បានកើតមានឡើងប្រហែល ៣ សប្ដាហ៍ប៉ុណ្ណោះ បន្ទាប់ពីលោក Lee Jae-myung មេដឹកនាំគណបក្សប្រជាធិបតេយ្យ (DP) ដែលជាបក្សប្រឆាំងត្រូវជនដៃដល់នាមត្រកូល Kim ហក់ចាក់កញ្ចឹង ក អំឡុងពេលចុះទៅទីក្រុងកំពង់ផែ Busan ភាគអាគ្នេយ៍កាលពីថ្ងៃទី២ ខែមករាកន្លងទៅ ៕
សូមទស្សនាវីដេអូ!
ដោយ ៖ សុខ ជីវ័ន្ត
ចុចអាន ៖ សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ