Connect with us

ព័ត៌មានអន្ដរជាតិ

អាមេរិក ព្រមានលោក ពូទីន កុំមកចេះជ្រៀតជ្រែកការបោះឆ្នោតរបស់ខ្លួន

បានផុស

នៅ

សហរដ្ឋអាមេរិកកាលពីថ្ងៃសុក្របានចេញការព្រមានខ្លាំងៗទៅដល់ប្រធានាធិបតីរុស្ស៊ីលោក វ្ល៉ាឌីមៀរ ពូទីន ថា “សូមនៅឲ្យឆ្ងាយពីការបោះឆ្នោតរបស់យើង” បន្ទាប់ពីលោកហារមាត់ស្ដីស្រឡាញ់ពេញចិត្ត ក៏ដូចជាចង់ឲ្យលោក ចូ បៃដិន ឈ្នះឆ្នោតជាប្រធានាធិបតីអាណត្តិទី ២ ។ នេះបើយោងតាមការចេញផ្សាយដោយសារព័ត៌មានអង់គ្លេស The Guardian កាលពីថ្ងៃទី១៦ ខែកុម្ភៈកន្លងទៅ ។

លោក John Kirby

អ្នកនាំពាក្យក្រុមប្រឹក្សាសន្តិសុខជាតិរបស់សេតវិមានលោក John Kirby បាននិយាយក្នុងសន្និសីទសារព័ត៌មានមួយថា “លោក ពូទីន ដឹងយ៉ាងច្បាស់នូវអ្វីដែលរដ្ឋបាលរបស់យើងកំពុងធ្វើ ដើម្បីទប់ទល់នឹងឥទ្ធិពលដ៏អាក្រក់របស់រុស្ស៊ីនៅជុំវិញពិភពលោក ជាពិសេសពួកគេដឹងកាន់តែច្បាស់នូវអ្វីដែលយើងកំពុងអនុវត្តនៅក្នុងប្រទេសអ៊ុយក្រែន” ។

អ្នកនាំពាក្យរូបនេះបានលើកឡើងទៀតថា “យើងបានបង្ហាញម្តងហើយម្តងទៀតថា យើងមានឆន្ទៈក្នុងការជំរុញអ្វីដែលរុស្ស៊ីកំពុងធ្វើកម្រិតណា ជាពិសេសនៅអ៊ុយក្រែនតែម្ដង ហើយលោក ពូទីន គ្រាន់តែនៅឆ្ងាយពីការបោះឆ្នោតរបស់យើង គឺវាចប់រឿងហើយ” ។

យោងតាមសេចក្ដីរាយការណ៍របស់ទីភ្នាក់ងារព័ត៌មាន Reuters កាលពីថ្ងៃទី១៥ ខែកុម្ភៈបានឲ្យដឹងថា លោក ពូទីន បានថ្លែងក្នុងបទសម្ភាសន៍ជាមួយទូរទស្សន៍រដ្ឋរុស្ស៊ីកាលពីថ្ងៃពុធថា លោកពេញចិត្តពេញថ្លើមលើលោក ចូ បៃដិន ជាងលោក ដូណាល់ ត្រាំ សម្រាប់ការបោះឆ្នោតប្រធានាធិបតីនាខែវិច្ឆិកាខាងមុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បញ្ជាក់ថា ការឈ្នះឆ្នោតអាណត្តិទី២ របស់លោក បៃដិន គឺល្អប្រសើរសម្រាប់ប្រទេសរុស្ស៊ី ព្រោះលោកមានទស្សនៈ និងការប្រមើលមើលវែងឆ្ងាយ ។ លោក បៃដិន ជាមនុស្សមានបទពិសោធន៍ និងជាអ្នកនយោបាយចាស់ទុំ ។ ប៉ុន្តែទោះបីជាយ៉ាងណាក៏ដោយ រដ្ឋាភិបាលទីក្រុងមូស្គូបានត្រៀមខ្លួនរួចជាស្រេចដើម្បីធ្វើការជាមួយមេដឹកនាំអាមេរិករូបណាក៏ដោយឲ្យតែម្ចាស់ឆ្នោតអាមេរិកផ្ដល់សេចក្ដីទុកចិត្ត”។

គួរបញ្ជាក់ថា បច្ចុប្បន្នលោក ដូណាល់ ត្រាំ គឺជាបេក្ខជនមកពីគណបក្សសាធារណរដ្ឋដែលកំពុងឈានមុខគេនឹងត្រូវតតាំងជាមួយលោក ចូ បៃដិន នៅក្នុងការបោះឆ្នោតប្រធានាធិបតីនាខែវិច្ឆិកាខាងមុខនេះ ខណៈលោក ត្រាំ តែងតែចំអកឡកឡឺយថាឲ្យលោក បៃដិន ជាហូរហែ ជាពិសេសទាក់ទិននឹងបញ្ញាស្មារតី ក៏ដូចជាកាយសម្បទាមិនទាន់គ្រប់គ្រាន់សម្រាប់អាណត្តិប្រធានាធិបតីលើកទី ២ ៕

ដោយ ៖ សុខ ជីវ័ន្ត

ចុចអាន ៖ មេដឹកនាំពិភពលោកដាក់បន្ទុកលោក ពូទីន ចំពោះករណីស្លាប់មេបក្សប្រឆាំង ខណៈ រុស្ស៊ី ក៏ចេញបកស្រាយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ២ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៥ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៥ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៥ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម