ព័ត៌មានអន្ដរជាតិ
ប៉ូលិស ថៃ ចាប់ខ្លួនអ្នកលក់គ្រាប់កាំភ្លើងជើងចាស់វ័យ ៦៦ ឆ្នាំម្នាក់ រឹបអូសបានជិត ៣២,០០០ គ្រាប់
ប៉ូលីសក្រុងបាងកកនៅថ្ងៃអង្គារនេះបានចាប់ខ្លួនអតីតអ្នកលក់គ្រាប់កាំភ្លើងជើងចាស់មួយរូបក្រោមបទចោទប្រកាន់ លក់គ្រាប់កាំភ្លើងខុសច្បាប់តាមអនឡាញ ខណៈពេលចុះឃាត់ខ្លួននោះ កម្លាំងសមត្ថកិច្ចក៏បានរឹបអូសគ្រាប់កាំភ្លើងចំនួន ៣១,៨០០ គ្រាប់នៅឯផ្ទះរបស់ជនសង្ស័យក្នុងសង្កាត់ Klong Toey ។ នេះបើតាមការចេញផ្សាយដោយកាសែត Bangkok Post នៅថ្ងៃទី៥ ខែមីនា ។
លោកឧត្តមសេនីយ៍ឯក Theeradet Thumsuthee ស្នងការនគរបាលក្រុងបាងកកបានថ្លែងប្រាប់នៅថ្ងៃអង្គារថា កម្លាំងសមត្ថកិច្ចបានចាប់ខ្លួនជនសង្ស័យម្នាក់ឈ្មោះ San Panjitkaeo វ័យ ៦៦ ឆ្នាំ អំឡុងពេលកំពុងផ្ញើគ្រាប់កាំភ្លើងដែលវេចខ្ចប់រួចហើយទៅឲ្យអ្នកទិញនៅឯប៉ុស្តិ៍ផ្ញើអីវ៉ាន់មួយកន្លែងលើវិថី Soi Pridi Banomyong 14 ក្នុងសង្កាត់ Watthana កាលពីថ្ងៃចន្ទ ទី៤ ខែកុម្ភៈ ។
ទន្ទឹមនោះ ប៉ូលិសក៏បានចាប់ឆែកឆេររថយន្តភីកអាប់របស់ជនសង្ស័យដែលចតនៅខាងក្រៅប៉ុស្តិ៍ផ្ញើអីវ៉ាន់នោះផងដែរ ហើយបានរកឃើញគ្រាប់កាំភ្លើងប្រហែល ២,៥០០ គ្រាប់ទៀត ខណៈការឆែកឆេរផ្ទះជនសង្ស័យជាបន្តបន្ទាប់នៅផ្លូវ Ekamai ក៏បានប្រទះឃើញគ្រាប់កាំភ្លើងប្រភេទផ្សេងៗគ្នាចំនួន ៣១,៨០០ គ្រាប់បន្ថែមទៀត ហើយក្នុងនោះមានគ្រាប់ប្រភេទ 22LR ចំនួន ២១,១៥០ គ្រាប់ផងដែរ ។
បន្ទាប់ពីចាប់ឃាត់ខ្លួនរួចហើយ ជនសង្ស័យដែលមានឈ្មោះ San Panjitkaeo ត្រូវបានចោទប្រកាន់ពីបទកាន់កាប់ និងលក់អាវុធដោយខុសច្បាប់ ខណៈជនសង្ស័យរូបនេះក៏បានសារភាពប្រាប់ប៉ូលិសផងដែរថា បន្ទាប់ពីបិទក្រុមហ៊ុនលក់គ្រឿងសំណង់ គាត់បានធ្វើការជាអ្នកលក់ឲ្យក្រុមអ្នកផ្គត់ផ្គង់គ្រាប់កាំភ្លើងអស់រយៈពេល ១ ឆ្នាំ ។
ក្រោយមកជនសង្ស័យបានបញ្ជាទិញគ្រាប់កាំភ្លើងពីប្រភពខុសច្បាប់ ហើយលក់ទៅឲ្យអតិថិជនដែលធ្វើការនៅក្រុមហ៊ុនចាស់របស់រូបគេ ខណៈការប្រកបមុខរបរដែលសង្គមស្អប់ខ្ពើមក្នុងរយៈពេល ៧ ខែចុងក្រោយនេះ ជនសង្ស័យអះអាងថា កើបលុយបានជាង ១០ ម៉ឺនបាត (ជិត ២,៨០០ ដុល្លារ) ក្នុងមួយខែ ៕
ដោយ ៖ សុខ ជីវ័ន្ត
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ