ប៉ូលិស ថៃ បង្ក្រាបល្បែងស៊ីសងខុសច្បាប់តាមអនឡាញខ្នាតយក្ស រឹបអូស​របស់ទ្រព្យមានតម្លៃជិត ៩ លានដុល្លារ

ប៉ូលិសបង្ក្រាបឧក្រិដ្ឋកម្មបច្ចេកវិទ្យាថៃបានប្រកាសពីជោគជ័យលើការកាច់បំបាក់ធ្មុងបណ្ដាញល្បែងស៊ីសងខុសច្បាប់តាមអនឡាញខ្នាតយក្សមួយដែលមានអ្នកភ្នាល់រហូតដល់ជាង ២០ ម៉ឺននាក់ ខណៈកម្លាំងសមត្ថកិច្ចក៏បានរឹបអូសរបស់ទ្រព្យក្នុងតម្លៃជិត ៩ លានដុល្លារផងដែរ ។ នេះបើយោងតាមការចេញផ្សាយដោយសារព័ត៌មាន Thai PBS កាលពីថ្ងៃទី១ ខែមីនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបានចាប់ខ្លួនជនសង្ស័យចំនួន ៤ នាក់ រួមទាំងមេការ និងមន្ត្រីហិរញ្ញវត្ថុ បន្ទាប់ពីមានការសហការវាយឆ្មក់លើទីតាំងចំនួន ១២ កន្លែងក្នុងទីក្រុងបាងកក ហើយភាគច្រើនទីតាំងទាំងនោះគឺជាវីឡា និងខុនដូនៅតំបន់ Phahonyothin, Asoke, Sukhumvit, Lat Phrao និង Pathumwan ។

ចំណែករបស់ទ្រព្យដែលសមត្ថកិច្ចថៃរឹបអូសបានរួមមាន រថយន្តទំនើបចំនួន ៧ គ្រឿង មានតម្លៃជាង ១ លានដុល្លារ ប្រាក់តម្កល់នៅធនាគារជាង ៦៤ ម៉ឺនដុល្លារ គ្រឿងអលង្ការជាមាសជិត ៤០ ម៉ឺនដុល្លារ បន្តោងព្រះពុទ្ធតម្លៃ ២ លានដុល្លារ ស្លាកយីហោតម្លៃជិត ១.៤ លានដុល្លារ និងអចលនទ្រព្យមានតម្លៃ ៣.៥ លានដុល្លារ ។

ប៉ូលិសអះអាងទៀតថា បណ្តាញហ្គេមអនឡាញ ដែលមានឈ្មោះថា “fullplays39” មានលំហូរសាច់ប្រាក់ប្រចាំខែ ប្រមាណជា ១៣ លានដុល្លារ ខណៈកម្លាំងសមត្ថកិច្ចក៏កំពុងតាមប្រមាញ់ និងចាប់ខ្លួនបុគ្គលចំនួន ១៦ នាក់ទៀតផងដែរ បន្ទាប់ពីពួកគេលួចបើកគណនីភ្នាល់ខុសច្បាប់ ៕

ដោយ ៖ សុខ ជីវ័ន្ត

ចុចអាន ៖ អនាគតប្រធានាធិបតី ឥណ្ឌូណេស៊ី ឡើងស័ក្តិដល់ផ្កាយ ៤ តែពលរដ្ឋរិះគន់​យ៉ាងចាស់ដៃ