ព័ត៌មានអន្ដរជាតិ
ផ្ទុះរឿងអាស្រូវ! ទាហានថៃ រងទារុណកម្មខ្លាំងពេក គិតខ្លីចង់បញ្ចប់ជីវិត ដោយផឹកទឹកលាងបង្គន់
រឿងរ៉ាវដ៏រន្ធត់មួយ បានកើតឡើងនៅក្នុងជួរកងទ័ពថៃ បន្ទាប់ពីទាហានម្នាក់ឈ្មោះ Phanuwat បានសម្រេចចិត្តចេញមុខទម្លាយការពិត ទាំងទឹកភ្នែក និងបានបង្ហាញវីដេអូ ព្រមទាំងរូបថតស្នាមរបួសពេញខ្លួន ដើម្បីជាភស្តុតាងតបតទៅនឹងមេកើយ ដែលព្យាយាមបដិសេធទទួលខុសត្រូវ។
តាមការផ្សាយរបស់សារព័ត៌មានថៃ Amarin នាថ្ងៃទី២២ ខែមិថុនា ឆ្នាំ២០២៦ ការទម្លាយរឿងនេះ បានធ្វើឡើងក្រោមការជួយជ្រោមជ្រែងពី Gun Jompalang ដែលជាសកម្មជនសង្គមល្បីឈ្មោះ ដោយបាននាំជនរងគ្រោះទៅជួបអ្នកសារព័ត៌មាន ដើម្បីទាមទាររកយុត្តិធម៌។
ជនរងគ្រោះ បានរៀបរាប់ទាំងឈឺចាប់ថា ខ្លួនត្រូវបានក្រុមទាហានរៀមច្បង និងមេកងម្នាក់ ដាស់ឱ្យក្រោកឡើងទាំងកណ្តាលអធ្រាត្រ រួចបង្ខំឱ្យវារទៅលើដីដោយយកដៃខ្វែងទៅខាងក្រោយ។ មិនត្រឹមតែប៉ុណ្ណោះ ពួកនោះបានយកខ្សែក្រវាត់វាយដំលើរូបលោក ថែមទាំងយកស្ព្រាយ៍បាញ់ ហើយដុតភ្លើងលាបលើរាងកាយ ជាពិសេសនៅត្រង់ផ្នែកខាងក្រោម រហូតបង្កើតជាមុខរបួសរលាកខ្លាំង។ ទោះបីជាមានរបួសពេញខ្លួនយ៉ាងណាក៏ដោយ ក៏លោកនៅតែត្រូវគេបង្ខំឱ្យទៅធ្វើការធ្ងន់ៗបន្តទៀត ដែលធ្វើឱ្យលោកមានសម្ពាធផ្លូវចិត្តខ្លាំង រហូតដល់ថ្នាក់ធ្លាប់គិតខ្លីផឹកទឹកលាងបង្គន់ ដើម្បីបញ្ចប់ជីវិតរត់គេចពីបញ្ហាទាំងនេះទៀតផង។
អ្វីដែលកាន់តែខ្លោចចិត្តនោះ គឺទាហានរងគ្រោះរូបនេះ គឺជាឪពុកទោល ដែលត្រូវចិញ្ចឹមកូនប្រុសអាយុ ៣ឆ្នាំម្នាក់ឯង បន្ទាប់ពីបែកបាក់ជាមួយភរិយា មុនពេលចូលបំពេញកាតព្វកិច្ចយោធា។ កូនប្រុសតូចរបស់លោក មានជំងឺបេះដូងខុសធម្មតា និងកំពុងតែត្រៀមខ្លួនចូលវះកាត់ ដោយបច្ចុប្បន្នមានតែម្តាយជរារបស់លោកម្នាក់ឯងប៉ុណ្ណោះជាអ្នកមើលថែជំនួស។ បញ្ហាគ្រួសារផង និងការធ្វើបាបក្នុងបន្ទាយផង បានធ្វើឱ្យលោកធ្លាក់ខ្លួនមានជំងឺបាក់ទឹកចិត្ត និងត្រូវលេបថ្នាំជាប្រចាំ។
មេកងរបស់ Phanuwat កាលពីដំបូងឡើយ បានច្រានចោលការចោទប្រកាន់ ដោយអះអាងថា ទាហានរូបនេះនិយាយកុហក បង្កើតរឿងដើម្បីដោះសារ ព្រោះតែខ្លួនបានលួចរត់ចេញពីបន្ទាយ។ មេកងរូបនោះ បានទទូចទាំងជឿជាក់ថា រឿងបែបនេះមិនបានកើតឡើងនៅក្នុងកងពលរបស់ខ្លួនទេ។ ប៉ុន្តែ បន្ទាប់ពី Gun Jompalang បញ្ជូនវីដេអូ និងភស្តុតាងជាក់ស្តែងទៅឱ្យ បន្តិចក្រោយមក មេកងរូបនោះក៏បានផ្ញើសារត្រឡប់មកវិញ ដោយព្រមទទួលស្គាល់ការពិតទាំងអៀនខ្មាស និងបានសុំទោសចំពោះហេតុការណ៍ដែលកើតឡើង។
ចំណែកឯខាងកងទ័ពជើងទឹកថៃ ក៏បានចេញមុខបញ្ជាឱ្យពិនិត្យមើលករណីនេះភ្លាមៗ និងបានប្រកាសថា ខ្លួនមិនគាំទ្ររាល់ទម្រង់នៃអំពើហិង្សានៅក្នុងបន្ទាយយោធាដាច់ខាត៕
ប្រែសម្រួល៖ ឈាង
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន