Connect with us

ព័ត៌មានអន្ដរជាតិ

ក្រុមហ៊ុនអចលទ្រព្យយក្ស ចិន និងស្ថាបនិករងការចោទប្រកាន់ពីបទក្លែង​បន្លំប្រាក់ ៧៨ ពាន់លានដុល្លារ

បានផុស

នៅ

ក្រុមហ៊ុនអចលនទ្រព្យយក្សរបស់ចិន Evergrande និងស្ថាបនិករបស់ខ្លួនគឺលោក Hui Ka Yan ត្រូវបានចោទប្រកាន់ពីបទក្លែងបន្លំប្រាក់ចំណូលចំនួន ៧៨ ពាន់លានដុល្លារ ។ ​នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី​១៩ ខែមីនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយតករទីផ្សារហិរញ្ញវត្ថុរបស់ប្រទេសចិនបានពិន័យអាជីវកម្មរបស់ក្រុមហ៊ុនអចលន​ទ្រព្យ Hengda ចំនួន ៥៨៣.៥ លានដុល្លារ ។ ចំណែកស្ថាបនិកក្រុមហ៊ុនលោក Hui ត្រូវបានពិន័យជាប្រាក់ចំនួន ៦.៥ លានដុល្លារ និងប្រឈមមុខការហាមឃាត់ពីទីផ្សារហិរញ្ញវត្ថុរបស់ប្រទេសចិនអស់មួយជីវិតផងដែរ ។

កាលពីខែមករា ក្រុមហ៊ុន Evergrande ត្រូវបានតុលាការហុងកុងបង្គាប់ឲ្យរំលាយចោល ខណៈគណៈកម្មការនិយតកម្មមូលបត្រចិន (CSRC) បានដាក់ការស្តីបន្ទោសជាច្រើនទៅលើលោក Hui ដែលធ្លាប់ជាបុរសមានបំផុតរបស់ប្រទេសចិន ចំពោះការចោទប្រកាន់ថាបាន ក្លែងបន្លំលទ្ធផលប្រចាំឆ្នាំរបស់ក្រុមហ៊ុន Hengda ក្នុងឆ្នាំ ២០១៩ និង ២០២០ ។

ទន្ទឹមនោះ ការប្រកាសនេះធ្វើឡើងប៉ុន្មានថ្ងៃប៉ុណ្ណោះ បន្ទាប់ពី CSRC បានប្តេជ្ញាថានឹងបង្ក្រាបការក្លែងបន្លំមូលបត្រ និងការពារអ្នកវិនិយោគខ្នាតតូចៗ ហើយចាប់តាំងពីពេលនោះក្រុមហ៊ុន Evergrande មានបំណុលជាង ៣០០ ពាន់លានដុល្លារ ។

ទន្ទឹមនោះ បញ្ហានៅក្នុងទីផ្សារអចលនទ្រព្យរបស់ប្រទេសចិនកំពុងមានផលប៉ះពាល់យ៉ាងធ្ងន់ធ្ងរស្រាប់ផង ខណៈដែលវិស័យនេះមានប្រហែលមួយភាគបីនៃប្រទេសដែលមានសេដ្ឋកិច្ចធំបំផុតទីពីររបស់ពិភពលោក ។ ឧស្សាហកម្មនេះបាននឹងកំពុងប្រឈមមុខនឹងការគាបសង្កត់ផ្នែកហិរញ្ញវត្ថុដ៏ធំ ចាប់តាំងពីឆ្នាំ ២០២១ នៅពេលដែលអាជ្ញាធរបានដាក់ចេញនូវវិធានការណ៍ដើម្បីទប់ស្កាត់ចំនួនអ្នកអភិវឌ្ឍន៍អចលនទ្រព្យធំៗ អាចខ្ចីប្រាក់បាន ហើយចាប់​តាំង​ពី​ពេល​នោះ​មក ក្រុមហ៊ុន​អចលន​ទ្រព្យ​ធំ​ៗ​ជា​ច្រើន​បាន​ជំពាក់​បំណុល​គេធ្ងន់ ក ។

គួរបញ្ជាក់ថា ការ​វិនិយោគ​អចលន​ទ្រព្យ​នៅ​ប្រទេស​ចិន​បាន​ធ្លាក់​ចុះ ៩ ភាគរយក្នុង​ខែ​មករា និង​ខែ​កុម្ភៈ បើប្រៀបធៀប​នឹង​ឆ្នាំ​មុន ខណៈការសាងសង់ថ្មីក៏ចាប់ផ្តើមធ្លាក់ចុះ ៣០ ភាគរយផងដែរ ដែលជាការធ្លាក់ចុះដ៏អាក្រក់បំផុតក្នុងរយៈពេលជាងមួយមកឆ្នាំនេះ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៣ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៩ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម