Connect with us

ព័ត៌មានអន្ដរជាតិ

ថៃ ព្រមានក្រុមមនុស្ស៤ប្រភេទ ប្រឈមហានិភ័យ ស្លាប់ដោយសារកម្តៅក្តៅខ្លាំង

បានផុស

នៅ

អាកាសធាតុខែប្រាំងនៅថៃ គឺក្តៅសឹងឆេះទៅហើយ ខណៈប៉ុន្មានឆ្នាំថ្មីៗ ប្រទេសនេះត្រូវរងគ្រោះធ្ងន់ធ្ងរដោយសារតែសីតុណ្ហភាពហក់ឡើងខ្ពស់ ហើយកាលពីថ្ងៃអាទិត្យទី១៧ខែមីនា លោកស្រីវេជ្ជបណ្ឌិត Atchara Nithiapinyasakul ប្រធាននាយកដ្ឋានសុខាភិបាល ប្រាប់ Bangkok Post ថា ក្រុមមានហានិភ័យ៤ប្រភេទ ដូចជាមនុស្សចាស់ អ្នករស់នៅជាមួយជំងឺរ៉ាំរ៉ៃ ជនពិការ និងមនុស្សធាត់ គួរតែចៀសវាងធ្វើសកម្មភាពខ្លាំងពេក និងក្រៅផ្ទះ។

(រូបថត៖ SKY)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី​ថា ពួកគេ​គួរតែ​ព្យាយាម​ការពារ​ខ្លួនកុំឲ្យមានជំងឺដាច់សរសៃឈាមខួរក្បាល និង​ការ​ខ្សោះ​ជាតិ​ទឹក ពោលគឺត្រូវ​នៅ​ក្នុង​កន្លែង​មាន​ម្លប់ និង​ផឹក​ទឹក​ឲ្យ​បាន​ច្រើន តាមដែលអាចធ្វើទៅបាន។

ប្រទេសថៃ កំពុងមានក្តីព្រួយបារម្ភព្រោះថា ចំនួនមនុស្សស្លាប់ ដោយសារជំងឺដាច់សរសៃឈាមខួរក្បាល បានកើនឡើងជាលំដាប់ ចាប់តាំងពីឆ្នាំ២០១៩មក ហើយឆ្នាំនេះក៏អាចមានអ្នកបាត់បង់ជីវិតច្រើនដែរ។

(រូបថត៖ SKY)

យោងតាមក្រសួងសុខាភិបាលថៃ កាលពីឆ្នាំមុន មនុស្សចំនួន៣៧នាក់បានស្លាប់ដោយសារកម្តៅ ដោយភាគច្រើន​ជា​កសិករនិង​កម្មករធ្វើការខាងក្រៅ ហើយ១០%ក្នុងនោះ ជាមនុស្ស​មាន​ជំងឺ​រ៉ាំរ៉ៃ និង​ធ្លាប់ពិសារ​គ្រឿង​ស្រវឹង​លើស​កម្រិត។

ការព្រមាននេះ កើតឡើងចំពេលប្រទេសថៃ ត្រូវរងគ្រោះដោយអាកាសធាតុក្តៅ ខណៈសីតុណ្ហភាពហក់ឡើងដល់កម្រិតខ្ពស់បំផុតមិនធ្លាប់ជួបប្រទះសោះ ក្នុងប្រវត្តិសាស្រ្តរយៈពេល៧៣ឆ្នាំ។

(រូបថត៖ SKY)

នាយកដ្ឋានឧតុនិយមថៃ (TMD) បានឲ្យដឹងនៅថ្ងៃអាទិត្យទី១៧ខែមីនាថា ខេត្ត Mae Hong Son, Uttaradit, Sukhothai, Tak និង Udon Thani នឹងក្លាយជាខេត្តក្តៅបំផុតចំនួន៥ក្នុងឆ្នាំ២០២៤ ពោលគឺសីតុណ្ហភាពនឹងឡើងដល់ ៤៤អង្សាសេឬខ្ពស់ជាងនេះទៅទៀត។ ទីតាំងក្តៅបំផុត គឺជាតំបន់ខ្ពង់រាប Mae Hong Son, Tak និង Lampang ដែលជាកន្លែងមានការកាប់បំផ្លាញព្រៃឈើធំធេង ដោយសីតុណ្ហភាពនៅទីនោះនឹងឈានដល់ចន្លោះ ៤៤.៦  ទៅ ៤៤.៩ អង្សាសេ។

សូមបញ្ជាក់ អាកាសធាតុដ៏ក្ដៅគគុកនៅឆ្នាំនេះ គឺបណ្តាលមកពីឥទ្ធិពល El Nino ដែលកំពុងវាយប្រហារពាសពេញពិភពលោក ដោយបង្កឲ្យមានគ្រោះរាំងស្ងួត ភ្លៀងធ្លាក់ខ្លាំង និងសីតុណ្ហភាពខ្ពស់ក្នុងកំណត់ត្រាថ្មីៗ៕

អត្ថបទ៖ សុខ សុវណ្ណ

ចុចអាន៖ ថៃ ក្តៅសឹងឆេះ ខណៈសីតុណ្ហភាព ហក់ឡើងខ្ពស់បំផុត ក្នុងប្រវត្តិសាស្រ្ត ៧៣ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១១ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម