Connect with us

ព័ត៌មានអន្ដរជាតិ

គ្រូពេទ្យរុស្ស៊ី បង្កើតប្រវត្តិសាស្រ្តពិភពលោក វះកាត់យកសាច់មហារីក ១៧០ដុំ ពីខ្លួនមនុស្ស ដោយជោគជ័យ

បានផុស

នៅ

ជាលើកដំបូងលើពិភពលោក! វេជ្ជបណ្ឌិតនៅមជ្ឈមណ្ឌលព្យាបាលជំងឺមហារីកឈានមុខរបស់រុស្ស៊ី បានទទួលជោគជ័យ យកសាច់មហារីកចំនួន១៧០ដុំ ចេញពីសួតរបស់អ្នកជំងឺអាយុ៣៧ឆ្នាំម្នាក់ ក្នុងការវះកាត់ចំនួន៦លើក ដែលមួយលើកៗ ត្រូវចាយរយៈពេលរាប់ម៉ោង។

(រូបថត៖ Morsa)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Metastas កើតឡើង នៅពេលដុំមហារីក ដុះរាលដាលចេញពីកន្លែងដំបូង ហើយបង្កបង្កើតបានជាដុំមហារីកថ្មីៗ ក្នុងសរីរាង្គមនុស្ស។ មនុស្សភាគច្រើនគឺស្លាប់ដោយសារ Metastas នេះឯង មិនមែនស្លាប់ដោយសារសាច់មហារីកដើមទេ។

យោងតាមរបាយការណ៍របស់មជ្ឈមណ្ឌលជាតិស្រាវជ្រាវជំងឺមហារីក Petrov មានមូលដ្ឋាននៅទីក្រុង St. Petersburg និងផ្សាយបន្តដោយសារព័ត៌មាន RT, អ្នកជំងឺដែលមិនបញ្ចេញឈ្មោះ ត្រូវបានបញ្ជូនទៅកាន់មជ្ឈមណ្ឌលនេះ ជាមួយដុំសាច់មហារីកយ៉ាងច្រើននៅក្នុងសួត ក្រោយការធ្វើរោគវិនិច្ឆ័យនៅឆ្នាំ២០២០។

(រូបថត៖ MD)

អស់រយៈពេល៤ឆ្នាំ អ្នកជំងឺបានឆ្លងកាត់ការព្យាបាលដោយប្រើគីមីនៅទីក្រុងមូស្គូ បន្ទាប់មកមានការដកដុំសាច់ចេញ ព្រមទាំងបន្តការព្យាបាលដោយប្រើសារធាតុគីមី នៅប្រទេសអាល្លឺម៉ង់ទៀតផង ហើយជាលទ្ធផលដំបៅលែងលូតលាស់បន្តទៀត។

ទោះបីជាយ៉ាងណាក៏ដោយ យោងតាមការព្យាបាលនៅប្រទេសអាល្លឺម៉ង់ ក្រុមវេជ្ជបណ្ឌិត មិនបានយកសាច់មហារីក១០ទៅ១៥ដុំ ក្នុងអំឡុងពេលវះកាត់មួយលើកបានឡើយ។

លោក Yevgeny Levchenko ប្រធានផ្នែកវេជ្ជសាស្ត្របាននិយាយថា “ការយកសាច់មហារីកពី៣០ឬ៥០ ចេញពីផ្នែកខាងក្រោមនៃសួត គឺពិតជាបង្ករបួសដ៏ធំសម្រាប់រាងកាយ ហើយមនុស្សត្រូវការពេលវេលាដើម្បីឲ្យវាជាសះស្បើយសិន។ នេះហើយជាមូលហេតុ ដែលការដកយកសាច់ដុំមហារីកចេញ ត្រូវឆ្លងកាត់ការវះកាត់ចំនួនប្រាំមួយលើក ដាច់ដោយឡែកពីគ្នា។

(រូបថត៖ evansvillesurgical)

សូមបញ្ជាក់ ការសិក្សារបស់ទីភ្នាក់ងារស្រាវជ្រាវជំងឺមហារីកអន្តរជាតិ នៃអង្គការសុខភាពពិភពលោក ហៅកាត់ IARC បានរកឃើញថា ចំនួនករណីជំងឺមហារីកថ្មីនៅទូទាំងពិភពលោក នឹងកើនឡើងដល់៣៥លាននាក់ក្នុងឆ្នាំ២០៥០ ពោលគឺកើនឡើង៧៧% បើធៀបនឹងតួលេខឆ្នាំ២០២២ ព្រោះបណ្តាលមកពីកត្តាជាច្រើនដូចជាគ្រឿងស្រវឹង ថ្នាំជក់ ភាពធាត់និងខ្យល់ពុល។

ផ្អែកលើទិន្នន័យពីប្រទេសចំនួន១៨៥, IARC បង្ហាញថា ឆ្នាំ២០២២ មានមនុស្សកើតជំងឺមហារីកប្រមាណ២០លាននាក់ ហើយក្នុងនោះមាន៩.៧លាននាក់ ត្រូវបាត់បង់ជីវិត។ តាមការរកឃើញបុរសម្នាក់ក្នុងចំណោម៩នាក់ និងស្ត្រីម្នាក់ក្នុងចំណោម១២នាក់ បានស្លាប់ដោយសារជំងឺនេះ។

ប្រទេសដែលមានការអភិវឌ្ឍខ្លាំង ត្រូវបានគេរំពឹងថា នឹងមានអ្នកកើតជំងឺមហារីកច្រើនជាងគេបំផុត ពោលគឺនឹងកើនឡើង៤.៨លានករណី ក្នុងឆ្នាំ២០៥០ បើធៀបនឹងឆ្នាំ២០២២ ហើយក្នុងចំណោមករណីទូទាំងសកលលោក ជំងឺមហារីកសួត គឺមានច្រើនជាងគេបំផុត ជាពិសេសកើតលើបុរស រីឯស្រ្តីឯណោះវិញ ភាគច្រើនកើតជំងឺមហារីកសុដន់៕

អត្ថបទ៖ សុខ សុវណ្ណ

ចុចអាន៖ ដំណឹងល្អ! ថ្នាំព្យាបាលជំងឺមហារីក តម្លៃត្រឹម ១ដុល្លារ ជិតដាក់លក់លើទីផ្សារហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣១ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៣ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៣ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានអន្ដរជាតិ៣ ម៉ោង មុន

អាមេរិក ជប៉ុន និងកូរ៉េខាងត្បូង រួមដៃគ្នាធ្វើកិច្ចសហប្រតិបត្តិការដោះស្រាយ​ការបាញ់មីស៊ីលរបស់ កូរ៉េខាងជើង

ព័ត៌មានជាតិ៤ ម៉ោង មុន

ទូតអង់គ្លេស៖ រាជរដ្ឋាភិបាលថ្មីរបស់សម្ដេច ហ៊ុន ម៉ាណែត មានសកម្មភាពមមាញឹក ពិសេសការជំរុញពាណិជ្ជកម្ម

Sokha Hotels

ព័ត៌មានពេញនិយម