ព័ត៌មានអន្ដរជាតិ

នាយករដ្ឋមន្ត្រីអ៉ីស្រាអែល Netanyahu ប្តេជ្ញាពីជ័យជម្នះ ក្រោយអ៉ីរ៉ង់វាយប្រហារ

បានផុស

១ year មុន

នៅ

ថ្ងៃអាទិត្យ ១៤ មេសា ២០២៤

ដោយ

នាយករដ្ឋមន្ត្រីអ៉ីស្រាអែល លោក Benjamin Netanyahu នៅថ្ងៃអាទិត្យនេះបានប្តេជ្ញាពីប្រទេសរបស់លោកនឹងទទួលបានជោគជ័យ បន្ទាប់ពីទាហានបាននិយាយពីការបាញ់ទម្លាក់យន្តហោះគ្មានមនុស្សជិះ និងមីស៊ីលជាង៣០០គ្រាប់ដែលប្រទេសអ៉ីរ៉ង់បានបាញ់ក្នុងការវាយប្រហារសងសឹកជំរុញឲ្យមានការភ័យខ្លាចពីជម្លោះកាន់តែសាយភាយនៅមជ្ឈិមបូព៌ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារសងសឹករបស់រដ្ឋាភិបាលទីក្រុងតេអេរ៉ង់កាលពីយប់ថ្ងៃសៅរ៍ (ទី១៣ ខែមេសា) បានកើតឡើង បន្ទាប់ពីការវាយប្រហារតាមផ្លូវអាកាសរបស់អ៉ីស្រាអែលទៅលើស្ថានទូតអ៉ីរ៉ង់នៅទីក្រុង Damascus កាលពីថ្ងៃទី១ ខែមេសា បានសម្លាប់ឆ្មាំការពារបដិវត្តន៍៧នាក់។

ប្រទេសអ៉ីរ៉ង់បានពឹងផ្អែកទៅលើតំណាងរបស់ខ្លួនទូទាំងតំបន់ដើម្បីធ្វើការវាយប្រហារអ៉ីស្រាអែល ដែលជាការបង្ហាញពីការគាំទ្ររបស់ខ្លួនដល់ក្រុមសកម្មប្រយុទ្ធ ហាម៉ាស់ នៅក្នុងសង្គ្រាមហ្គាហ្សាជាមួយអ៉ីស្រាអែល ហើយក៏គ្មានសញ្ញាណាមួយពីភាពធូរស្រាលឡើយ ទោះបីជាមានកិច្ចខិតខំប្រឹងប្រែងសម្របសម្រួលយ៉ាងណាក៏ដោយ។

«យើងស្ទាក់ចាប់ យើងវាយបក រួមដៃគ្នា យើងនឹងទទួលបានជ័យជម្នះ»។ លោក Netanyahu បានសរសេរមនៅលើ X។

ទាហានអ៉ីស្រាអែលបាននិយាយថា កម្លាំងប្រដាប់អាវុធរបស់ខ្លួនបានបាញ់ទម្លាក់ជាង៩០%នៃយន្តហោះគ្មានមនុស្សជិះ និងមីស៊ីលរបស់អ៉ីរ៉ង់ ហើយបានកំពុងពិភាក្សាគ្នាពីជម្រើសបន្ទាប់ទៀត។

ការវាយប្រហារនេះបានជំរុញឲ្យមានការព្រួយបារម្ភយ៉ាងខ្លាំងពីការរីកសាយភាយនៅក្នុងតំបន់ ស្របពេលសហរដ្ឋអាមេរិកបានសន្យាគាំទ្រអ៉ីស្រាអែល។ សង្គ្រាមនៅតំបន់ហ្គាហ្សាដែលអ៉ីស្រាអែលបានចូលឈ្លានពាន បន្ទាប់ពីក្រុមហាម៉ាស់បានវាយប្រហារមួយគាំទ្រដោយអ៉ីរ៉ង់កាលពីថ្ងៃទី៧ ខែតុលា ឆ្នាំមុន៕