ព័ត៌មានអន្ដរជាតិ

ថៃ នឹងរៀបចំការបោះឆ្នោតជ្រើសរើសព្រឹទ្ធសភាថ្មី ចាប់តាំងពីរដ្ឋប្រហារ

បានផុស

២ years មុន

នៅ

ថ្ងៃពុធ ២៤ មេសា ២០២៤

ដោយ

Chheang

រដ្ឋាភិបាលថៃបានប្រកាសកាលថ្ងៃទី២៣ ខែមេសាថា ព្រឹទ្ធសភានឹងត្រូវជ្រើសតាំងជាថ្មីនាអំឡុងខែមិថុនាខាងមុខ ហើយនេះក៏ជាការបោះឆ្នោតព្រឹទ្ធសភាជាលើកដំបូងបំផុតផងដែរ ក្រោយពីមានរដ្ឋប្រហារយោធាកាលពីមួយទសវត្សរ៍មុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខុទ្ទកាល័យនាយករដ្ឋមន្ត្រីថៃ សេដ្ឋា ថាវីស៊ីន បានគាំទ្រគម្រោងដំណើរការបោះឆ្នោតដ៏ស្មុគស្មាញមួយនេះ ហើយយល់ព្រមធ្វើប្រជាមតិ ដោយសួរនាំប្រជាពលរដ្ឋថៃថាតើពួកគេនឹងគាំទ្រការផ្លាស់ប្ដូរព្រឹទ្ធសភាដែលត្រូវបានជ្រើសដោយរដ្ឋាភិបាលយោធាកាលពីឆ្នាំ ២០១៧ ដែរឬទេ ។

ចំនួនសមាជិកព្រឹទ្ធសភា នឹងត្រូវកាត់បន្ថយមកត្រឹម ២០០ នាក់ ដោយនាពេលបច្ចុប្បន្នមានដល់ទៅ ២៥០ នាក់ឯណោះដែលនេះសុទ្ធសឹងតែធ្លាប់ត្រូវបានតែងតាំងដោយរដ្ឋាភិបាលយោធាកាលពីឆ្នាំ ២០១៤ ។ ការបោះឆ្នោត នឹងរើសយកសមាជិកព្រឹទ្ធសភាថ្មីចេញពីវិស័យចំនួន ២០ ខុសៗគ្នាដូចជា វិស័យអប់រំ យុត្តិធម៏ សេវាកម្មសុខភាពសាធារណៈ ឧស្សាហកម្ម កីឡា និងសិល្បៈជាដើម ។

ការបោះឆ្នោតព្រឹទ្ធសភានៅថៃ នឹងធ្វើឡើងជា ៣ ដំណាក់កាលនៅថ្ងៃទី៩ ទី១៦ និងទី២៦ ខែមិថុនា ហើយលទ្ធផលវិញ អាចនឹងប្រកាសនៅថ្ងៃទី២ ខែកក្កដា ។

ពាក់ព័ន្ធនឹងការបោះឆ្នោតខាងលើ ក្រុមអ្នករិះគន់បាននិយាយថា ដំណើរការនេះគ្មានប្រជាធិបតេយ្យ និងរបៀបរបបស្មុគស្មាញដែលមិនចាំបាច់ទាល់តែសោះ ។ លោក Parit Wacharasindhu អ្នកនាំពាក្យមកពីគណបក្សចលនាឆ្ពោះទៅមុខបានរៀបរាប់ថា “នេះមិនមែនជាការបោះឆ្នោតទេ ព្រោះសមាជិកនៃព្រឹទ្ធសភាមិនមែនយកចេញពីសាធារណជនដោយផ្ទាល់នោះទេ” ៕

ដោយ ៖ ឈាង

Related Topics:ប្រទេសថៃ