លោក ហ្សេលេនស្គី ផ្អាកដំណើរទស្សនកិច្ចនៅបរទេសទាំងអស់

អ្នកនាំពាក្យប្រធានាធិបតីអ៊ុយក្រែន បានចេញសេចក្តីប្រកាសកាលពីថ្ងៃពុធទី១៥ខែឧសភាថា លោក វ្ល៉ាឌីមៀរ ហ្សេលេនស្គី បានផ្អាកការធ្វើដំណើរទស្សនកិច្ចនៅបរទេសទាំងអស់ ដែលគ្រោងធ្វើឡើងនៅចុងសប្តាហ៍ ខណៈហេតុផលនៅពីក្រោយរឿងនេះត្រូវបានគេជឿថា គឺដោយសារតែការវាយលុករបស់រុស្ស៊ី នៅតំបន់ព្រំដែន Kharkov។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីអ្នកនាំពាក្យ Sergey Nikiforov, មេដឹកនាំអ៊ុយក្រែន បានសម្រេចចិត្តរៀបចំកាលបរិច្ឆេទថ្មី សម្រាប់ដំណើរទស្សនកិច្ចលក្ខណៈអន្តរជាតិ នាពេលខាងមុខ ហើយលោកប្រធានាធិបតី ក៏​​ថ្លែង​អំណរគុណ​ដល់​អ្នក​គាំទ្រទី​ក្រុង​កៀវផងដែរ ​សម្រាប់​ការ​យោគយល់​។

តាមគម្រោង លោក ហ្សេលេនស្គី ត្រូវ​ធ្វើ​ដំណើរ​ទៅកាន់​ប្រទេស​អេស្ប៉ាញ ​នៅ​ថ្ងៃ​សុក្រ ហើយ​ជួប​ជាមួយ​ស្តេច Felipe។ ក្រោយមក លោកនឹងបន្តធ្វើទស្សនកិច្ចនៅព័រទុយហ្គាល់ ដើម្បីចុះហត្ថលេខាលើកិច្ចព្រមព្រៀងសហប្រតិបត្តិការសន្តិសុខទ្វេភាគីជាមួយទីក្រុង លីសបោន ។

សេចក្តីប្រកាសនេះ កើតឡើងចំពេលក្រសួងការពារជាតិរុស្ស៊ី បានរាយការណ៍ពីប្រតិបត្តិការសឹកនៅក្នុងតំបន់ Kharkov របស់អ៊ុយក្រែន ខណៈកាល​ពី​ថ្ងៃ​ពុធ ទាហានទី​ក្រុងមូស្គូ​ បាន​ដណ្តើម​យក​ភូមិ Glubokoye និង Lukyantsy ដែលស្ថិត​នៅ​ជិត​ព្រំដែន​អ៊ុយក្រែន-រុស្ស៊ី។

ស្របពេលជាមួយគ្នានោះ រដ្ឋមន្ត្រីការពារជាតិអ៊ុយក្រែនអ៊ុយក្រែន Rustem Umerov ក៏ទទួលស្គាល់ដែរថា ទីក្រុងកៀវ កំពុងប្រឈមមុខនឹងស្ថានភាពលំបាកបំផុត ព្រោះកងទ័ពរបស់ខ្លួនកំពុងតស៊ូដើម្បីការពារទឹកដីទាំងដែលស្ទើរជំនួយ។

សូមបញ្ជាក់ថា តំបន់ Kharkov ត្រូវបានកងកម្លាំងអ៊ុយក្រែន ប្រើយ៉ាងញឹក ដើម្បីបើកការវាយប្រហារដោយកាំភ្លើងធំនិងយន្តហោះគ្មានមនុស្សបើក លើតំបន់ព្រំដែនរុស្ស៊ី ភាគច្រើនកំណត់គោលដៅអគារលំនៅដ្ឋាន ដែលបណ្តាលឲ្យមានជនស៊ីវិលរាប់សិបនាក់រងរបួស៕

អត្ថបទ៖ សុខ សុវណ្ណ

ចុចអាន៖ អ៊ុយក្រែន បញ្ចប់តំណែងប្រមុខឆ្មាំជាតិ ក្រោយមន្ត្រីក្រោមឱវាទ ប៉ុនប៉ងធ្វើឃាតលោក ហ្សេលេនស្គី