ព័ត៌មានអន្ដរជាតិ
អ៊ុយក្រែន បញ្ចប់តំណែងប្រមុខឆ្មាំជាតិ ក្រោយមន្ត្រីក្រោមឱវាទ ប៉ុនប៉ងធ្វើឃាតលោក ហ្សេលេនស្គី
កាលពីសប្តាហ៍មុន ទីភ្នាក់ងារសន្តិសុខអ៊ុយក្រែន (SBU) បានចាប់ខ្លួនមន្ត្រីពីរនាក់នៃរដ្ឋបាលសន្តិសុខរដ្ឋ ដោយចោទប្រកាន់ពីបទប៉ុនប៉ងធ្វើឃាតលោកប្រធានាធិបតី និងមន្ត្រីទីក្រុងកៀវកំពូលៗផ្សេងទៀត ហើយមកដល់ថ្ងៃសុក្រទី១០ខែឧសភា លោក វ្ល៉ាឌីមៀរ ហ្សេលេនស្គី ស្រាប់តែបណ្តេញប្រមុខឆ្មាំជាតិ ចេញពីតំណែងតែម្តង។
សេចក្តីប្រកាសនេះ ត្រូវបានបង្ហោះលើគេហទំព័រប្រធានាធិបតីផ្ទាល់ ថ្វីត្បិតតែហេតុផលនៅពីក្រោយការបណ្តេញលោកឧត្តមសេនីយ៍ទោ Sergey Rud មិនត្រូវបានបញ្ជាក់ក៏ដោយ។
ទោះបីជាយ៉ាងណាក៏ដោយ តាមការចុះផ្សាយរបស់ RT, ដើមចមនៅពីក្រោយរឿងនេះ គឺទំនងជាពាក់ព័ន្ធសកម្មភាពរបស់មន្ត្រីក្រោមឱវាទលោក Rud។
កាលពីសប្តាហ៍មុន SBU បានអះអាងនៅក្នុងការបង្ហោះលើឆានែល Telegram ថា ជនសង្ស័យទាំងពីរដែលម្នាក់ជាប្រធានរដ្ឋបាលសន្តិសុខរដ្ឋ ឈ្មោះ Andrey Guk និងសហការីឈ្មោះ Derkach គឺកំពុងរៀបចំផែនការសម្លាប់ប្រធានាធិបតីអ៊ុយក្រែន, ប្រធាន SBU លោក Vasily Malyuk និងប្រមុខចារកម្មជាតិ Kirill Budanov ព្រមទាំងអ្នកផ្សេងទៀត។
អ្នកទាំងពីរ គឺជាភ្នាក់ងារនៃបណ្តាញមួយរៀបចំនិងបញ្ជាចេញពីទីក្រុងមូស្គូ ហើយកំពុងធ្វើការឃ្លាំមើលលោក ហ្សេលេនស្គី ព្រមទាំងមន្ត្រីរដ្ឋាភិបាលផ្សេងទៀតជាមួយចេតនាបើកដៃឲ្យមានការវាយប្រហារដោយមីស៊ីល និងដ្រូន kamikaze លើពួកគេ។
ចំពោះការធ្វើឃាតវិញ បើតាមការចុះផ្សាយរបស់ BBC, ពួកគេបានរៀបផែនការសម្លាប់ មុនពិធីបុណ្យអ៊ីស្ទើរនៅថ្ងៃទី៥ខែឧសភា ជាមួយនឹងការផ្តាច់ជីវិតលោក ហ្សេលេនស្គី ដើម្បីធ្វើជាកាដូដល់លោក ពូទីន មុនពិធីសម្ពោធចូលកាន់តំណែងរបស់គាត់ ជាប្រធានាធិបតីរុស្ស៊ី អាណត្តិទី៥។
យ៉ាងណា ជនសង្ស័យទាំងពីរ ត្រូវបានចោទប្រកាន់ពីបទក្បត់ជាតិ និងរៀបចំការវាយប្រហារភេរវកម្ម ហើយឥឡូវ ត្រូវប្រឈមនឹងការជាប់ពន្ធនាគារអស់មួយជីវិត៕
អត្ថបទ៖ សុខ សុវណ្ណ
ចុចអាន៖ អ៊ុយក្រែន ចាប់បានមន្ត្រីផ្ទៃក្នុង២នាក់ ប៉ុនប៉ងធ្វើឃាតលោក ហ្សេលេនស្គី
-
សេដ្ឋកិច្ច៤ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៥ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
សេដ្ឋកិច្ច១ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៥ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៤ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៥ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៤ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)