ព័ត៌មានអន្ដរជាតិ

មហាជនផ្ទុះការរិះគន់ទង្វើចាក់សោក្មេងស្រីអាយុ១ឆ្នាំក្នុងបង្គន់លើយន្តហោះ

បានផុស

៧ ខែ មុន

នៅ

ថ្ងៃសុក្រ ៣០ សីហា ២០២៤

ដោយ

ឧបទ្ទវហេតុមួយដែលស្ត្រីពីរនាក់ចាក់សោកុមារតូចដែលកំពុងយំនៅក្នុងបង្គន់នៅលើយន្តហោះបានបង្កឱ្យមានការជជែកវែកញែកតាមអ៊ីនធឺណិតនៅក្នុងប្រទេសចិនអំពីរបៀបគ្រប់គ្រងកុមារនៅកន្លែងសាធារណៈ។ នេះបើយោងាតាមការចេញផ្សាយរបស់សារព័ត៌មាន CNN នៅថ្ងៃទី៣០ខែសីហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧប្បត្តិហេតុនេះបានបង្កឲ្យមានការវែកញែកនៅលើបណ្តាញសង្គមរបស់ប្រទេសចិន បន្ទាប់ពីស្ត្រីម្នាក់ ឈ្មោះ Gou Tingting ក្នុងចំណោមស្ត្រីពីរនាក់ បានបង្ហោះវីដេអូដែលខ្លួននាងកំពុងដឹកក្មេងស្រីនៅខាងក្នុងបន្ទប់ទឹក។ ក្នុងការបង្ហោះនោះ ស្រ្តីបានបង្ហាញខ្លួនឯងថា គាត់ព្យាយាមជួយអ្នកដទៃនៅលើយន្តហោះ ប៉ុន្តែត្រូវបានជួបនឹងប្រតិកម្មតបវិញភ្លាមៗ។ ទោះយ៉ាងណាក្រោយមក ក្រុមហ៊ុនអាកាសចរណ៍បាននិយាយថា ជីដូនរបស់ក្មេងស្រីនេះបានអនុញ្ញាតឱ្យស្ត្រីទាំងពីរនាក់អប់រំចៅរបស់គាត់។

គួរបញ្ជាក់ថា ហេតុការណ៍នេះបានកើតឡើងកាលពីថ្ងៃទី២៤ខែសីហា នៅលើជើងហោះហើររបស់ក្រុមហ៊ុនអាកាសចរណ៍ Juneyao Airlines ពីទីក្រុង Guiyang ភាគនិរតីប្រទេសចិនទៅកាន់ទីក្រុង Shanghai។ ពីរថ្ងៃបន្ទាប់ពីឧបទ្ទវហេតុនេះ ក្រុមហ៊ុនអាកាសចរណ៍បាននិយាយនៅក្នុងសេចក្តីថ្លែងការណ៍ថា ក្មេងស្រីដែលទើបចេះដើរតេះតះនោះ កំពុងធ្វើដំណើរជាមួយជីដូនរបស់នាងបានចាប់ផ្តើមយំអំឡុងពេលហោះហើរ ខណៈជីដូនរបស់ក្មេងស្រីនេះបានយល់ព្រមឱ្យស្ត្រីពីរនាក់នាំក្មេងស្រីទៅបង្គន់។

យោងតាមវីដេអូមួយដែលត្រូវបានបង្ហោះដោយលោកស្រី Gou នៅលើប្រព័ន្ធផ្សព្វផ្សាយបណ្តាញសង្គមចិន បានបង្ហាញស្រ្តីម្នាក់ទៀតប្រាប់ក្មេងស្រីថា នាងអាចចេញពីបន្ទប់បាន លុះត្រាតែនាងឈប់យំ។ ចំណែកប្រព័ន្ធផ្សព្វផ្សាយក្នុងស្រុក រាយការណ៍ថា ក្មេងស្រីអាយុ១ឆ្នាំ ទោះបីជាក្រុមហ៊ុនអាកាសចរណ៍មិនបានផ្តល់ព័ត៌មានលម្អិតនោះក៏ដោយ។ភ្លាមៗបន្ទាប់ពីនាងបង្ហោះវីដេអូនេះ ប្រតិកម្មតបវិញភ្លាមៗ ដោយមនុស្សជាច្រើនបានរិះគន់នាង Gou ថាខ្វះការយល់ចិត្ត និងសម្លុតកុមារតូច។

ឆ្លើយតបនឹងការរិះគន់ អ្នកនាង Gou បាននិយាយថា៖«ចូលចិត្តធ្វើសកម្មភាពជាជាងធ្វើជាអ្នកឈរមើល»។ នាងបានសរសេរនៅលើ Douyin ដែលស្មើនឹង TikTok របស់ប្រទេសចិនថា៖«ខ្ញុំគ្រាន់តែចង់ធ្វើឱ្យកុមារស្ងប់ ហើយទុកឱ្យអ្នករាល់គ្នាសម្រាក»។ នាងក៏បានពន្យល់ផងដែរថា អ្នកដំណើរមួយចំនួនបាន «រើទៅខាងក្រោយយន្តហោះ ដើម្បីគេចពីសំលេងរំខាន» ខណៈដែលអ្នកផ្សេងទៀតបានយកក្រដាស់ជូតមាត់ញុកចូលក្នុងត្រចៀករបស់ពួកគេ។

អ្នកប្រើប្រាស់ម្នាក់បានសរសេរនៅលើបណ្តាញសង្គម Weibo «កុមារមិនអាចគ្រប់គ្រងអារម្មណ៍របស់ពួកគេបានទេនៅពេលពួកគេមានអាយុមួយឬពីរឆ្នាំ។ តើមានអ្វីខុសជាមួយការយំ? តើអ្នកមិនធ្លាប់យំទេឬ?» ។ ចំណែកម្នាក់ទៀតមានការព្រួយបារម្ភអំពីផលប៉ះពាល់ផ្លូវចិត្តលើក្មេងស្រីនោះ ដោយនិយាយថា «យើងគួរតែគិតអំពីរបៀបដែលកន្លែងសាធារណៈអាចទទួលយកបានល្អជាងមុន និងអាចទទួលកុមារតូចៗបាន»។ ប៉ុន្តែមានអ្នកខ្លះបានការពារស្ត្រីទាំងនោះថា ទង្វើរបស់ពួកគេសមស្របតាមការយល់ព្រមរបស់ជីដូនរបស់ក្មេងស្រី។

បន្ទាប់ឧបទ្ទវហេតុនេះមានការជជែកវែកញែកកាន់តែខ្លាំងឡើងអំពីវិធីគ្រប់គ្រង ក្មេងៗដែលខូចចិត្តដែលបង្ករឿងចលាចលនៅតាមទីសាធារណៈដូចជាដោយការស្រែក ឬបំផ្លាញទ្រព្យសម្បត្តិសាធារណៈតាមរយៈការប្រើពាក្យ «ខ្លាឃ្មុំ» ជាឧទាហរណ៍ណែនាំមនុស្សមួយចំនួននៅក្នុងប្រទេសចិនគិតថា កុមារខ្លះអាចប្រព្រឹត្តតាមរបៀបដ៏ឃោរឃៅ។

ទាក់ទងបញ្ហាអកប្បកិរិយាកុមាររថភ្លើងសាធារណៈមួយចំនួនបានចាប់ផ្តើមដំណើរការបន្ទប់ដាច់ដោយឡែកសម្រាប់កុមារខណៈមានទស្សនៈចម្រុះលើបញ្ហានេះនៅកន្លែងផ្សេងទៀតក្នុងពិភពលោក ជាឧទាហរណ៍ ប្រទេសកូរ៉េខាងត្បូងបានកំណត់តំបន់គ្មានកុមាររាប់រយកន្លែងនៅក្នុងភោជនីយដ្ឋាន សារមន្ទីរ និងរោងកុន ប៉ុន្តែសមាជិកសភាបានអំពាវនាវឱ្យរដ្ឋាភិបាលកម្ចាត់តំបន់ទាំងនេះ ដោយលើកឡើងពីតម្រូវការក្នុងការបង្កើតសង្គមឡើងវិញ ដែលកាន់តែមានការទទួលយកកុមារ ជាពិសេសដោយសារតែប្រទេសនេះកំពុងចំបាប់ជាមួយនឹងអត្រាកំណើតទាប។

លើសពីនេះក្រុមហ៊ុនអាកាសចរណ៍សកល រួមទាងក្រុមហ៊ុនអាកាសចរណ៍ទួរគី-ហូឡង់ Corendon Airlines និង Scoot ដែលមានមូលដ្ឋាននៅប្រទេសសិង្ហបុរី ក៏បានផ្តល់ជម្រើសសម្រាប់អ្នកដំណើរក្នុងការបង់ប្រាក់បន្ថែមទៀតដើម្បីអង្គុយនៅក្នុងកន្លែងគ្មានកុមារ៕