ព័ត៌មានអន្ដរជាតិ

អ៊ីស្រាអែលនិងហេសបូឡាលីបង់ផ្តើមប្រយុទ្ធគ្នាទ្រង់ទ្រាយធំ

បានផុស

១០ ខែ មុន

នៅ

ថ្ងៃអាទិត្យ ២២ កញ្ញា ២០២៤

ដោយ

ទីបំផុត អ៊ីស្រាអែលនិងហេសបូឡាលីបង់បានបើកការបាញ់ប្រហារគ្នាទៅវិញទៅមកយ៉ាងខ្លាំងនៅថ្ងៃទី២២ញ្ញា បន្ទាប់ពីភាគីអ៊ីស្រាអែលបានបាញ់ប្រហារដោយប្រើយន្តហោះបំផ្លាញទីតាំងមូលដ្ឋានទ័ពរាប់សិបកន្លែងរួមទាំងការសម្លាប់មេទ័ពកំពូលរបស់ក្រុមសកម្មប្រយុទ្ធហេសបូឡាចាប់តាំងពីថ្ងៃទី២០កញ្ញា។

តាមសេចក្តីរាយការណ៍របស់ទីភ្នាក់ងារព័ត៌មានរ៉យទ័រ ក្នុងការវាយប្រហារគ្នានោះ យន្តហោះចម្បាំងអ៊ីស្រាអែលបានទម្លាក់គ្រាប់បែកខ្លាំងបំផុតក្នុងរយៈពេលជិតមួយឆ្នាំនៃសង្រ្គាមនៅទូទាំងភាគខាងត្បូងនៃប្រទេសលីបង់ ខណៈដែលក្រុមហេសបូឡា បានអះអាងការវាយប្រហារដោយគ្រាប់រ៉ុក្កែតលើគោលដៅយោធានៅភាគខាងជើងនៃប្រទេសអ៊ីស្រាអែល។

យោធាអ៊ីស្រាអែលបាននិយាយថា ខ្លួនបានវាយប្រហារជុំវិញគោលដៅចំនួន២៩០កន្លែងនៅថ្ងៃទី២១ខែកញ្ញា រួមទាំងទីតាំងបាញ់គ្រាប់រ៉ុក្កែតរាប់ពាន់គ្រាប់ ហើយបាននិយាយថា ខ្លួននឹងបន្តវាយប្រហារគោលដៅនៃចលនាគាំទ្រដោយអ៊ីរ៉ង់។

អ៊ីស្រាអែលបានបិទសាលារៀន និងរឹតបន្តឹងការប្រមូលផ្តុំនៅតំបន់ភាគខាងជើងនៃប្រទេស និងតំបន់ Golan Heights ដែលកាន់កាប់ដោយអ៊ីស្រាអែលនៅព្រឹកព្រលឹមថ្ងៃទី២២ខែកញ្ញា។

យោធា បាននិយាយថា ស៊ីរ៉ែនបានបន្លឺឡើងពេញមួយយប់ នៅពេលដែលគ្រាប់រ៉ុក្កែត និងមីស៊ីលផ្លោងជាច្រើនគ្រាប់ត្រូវបានបាញ់ចេញពីប្រទេសលីបង់ និងអ៊ីរ៉ាក់ ដែលភាគច្រើនត្រូវបានស្ទាក់ចាប់ដោយប្រព័ន្ធការពារដែនអាកាសរបស់អ៊ីស្រាអែល។

ប្រព័ន្ធផ្សព្វផ្សាយរបស់អ៊ីស្រាអែលបានរាយការណ៍ថា អគារជាច្រើនត្រូវបានវាយប្រហារដោយផ្ទាល់ ឬដោយការទម្លាក់គ្រាប់បែក ហើយរថយន្តសង្គ្រោះបាននិយាយថាពួកគេបានព្យាបាលអ្នករបួសស្រាលមួយចំនួន។

ក្នុងពេលភ្លាមៗនៃការវាយប្រហារគ្នានេះ គ្មានចំនួនអ្នកស្លាប់និងរបួសធ្ងន់ធ្ងរត្រូវបានគេរាយការណ៍នៅឡើយ។ ប៉ុន្តែការបាញ់ប្រហារក្នុងរយៈពេល២ថ្ងៃរបស់អ៊ីស្រាអែល មនុស្សយ៉ាងហោច៤០នាក់រួមទំាងកុមារ ស្រ្តី ជនស៊ីវិល និងមេបញ្ជាការក្រុមហេសបូឡា ត្រូវបានសម្លាប់ក្នុងប្រទេសលីបង់៕

ព័ត៌មានអន្ដរជាតិ៥ ថ្ងៃ ago

Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ

សេចក្ដីជូនដំណឹង៥ ថ្ងៃ ago

អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច