ជា​លើក​ដំបូង! ប្រជាជន​សិង្ហបុរី កើន​ឡើង​ដល់​ចំនួន​៦​លាននាក់

ប្រជាជនសិង្ហបុរីសរុបមានចំនួន ៦,០៤លាននាក់ គិតត្រឹមខែមិថុនា​ឆ្នាំ​២០២៤ ដោយ​​កើនឡើង២%ធៀបនឹងឆ្នាំមុន។ នេះបើយោងតាម​របាយការណ៍​សង្ខេប​ពី​ចំនួនប្រជាជន​ដែលចេញផ្សាយដោយនាយកដ្ឋានប្រជាជាតិ និងចំណេះដឹងរបស់​សិង្ហបុរី​កាលពីថ្ងៃ​ទី​២៤​ខែ​កញ្ញា។

កំណើន​​​នេះ​ ​ជា​ចម្បង​ក៏​​ដោយ​សារ​តែ​ការ​កើន​ឡើង​នៃ​ប្រជាជន​ដែល​មិន​មាន​លំនៅឋាន​អចិន្ត្រៃយ៍​នៅ​ក្នុង​សិង្ហបុរី ចំនួន​៥% ដែល​កើន​ពី​ ១,៧៧​លាន​នាក់​​ឡើង​ដល់ ១,៨៦​លាននាក់។ អ្នកកាន់ប័ណ្ណការងារ​ជំនាញ​មធ្យម​ បានរួមចំណែកភាគច្រើនក្នុងកំណើន​​នេះ បន្ទាប់មកគឺពលករចំណាកស្រុកតាមផ្ទះ។

ចំណែក​ឯ​ចំនួន​ប្រជាជនសិង្ហបុរី បានកើនឡើង ០,៧% ដល់ ៣,៦៤​លាននាក់។

ដោយ​ឡែក​ ប្រជាជន​វ័យ​ចំណាស់​ដែល​មាន​អាយុ​ចាប់​ពី​៦៥​ឆ្នាំ​​នៅ​សិង្ហបុរី ក៏​បានបន្ត​កើន​ឡើង​ផង​ដែរ ក្នុង​​កំណើន ១៩,៩% គិតត្រឹមខែមិថុនា បើធៀបនឹង ១២,៤% កាលពី​១​ទសវត្សរ៍មុន។

សិង្ហបុរី មាន​អត្រា​កំណើត​ថ្មី​ចំនួន​ ២៨ ៨៧៧​នាក់​នៅ​ក្នុង​ឆ្នាំ​២០២៣ ធ្លាក់ចុះពីចំនួន ៣០ ៤២៩​នាក់ក្នុងឆ្នាំ​២០២២ ខណៈ​អត្រា​មានកូនសរុបរបស់​ប្រជាជន​បានឈានដល់កម្រិតទាប​​បំផុត​ជាប្រវត្តិសាស្ត្រគឺ ០,៩៧​នាក់​ក្នុង​ស្ត្រី​ម្នាក់​ ​កាលពីឆ្នាំមុន៕

ដោយ៖ ឈាង