ព័ត៌មានអន្ដរជាតិ

អ៊ីរ៉ង់ធ្លាក់ចូលក្នុងជម្លោះកាន់តែធ្ងន់ធ្ងរជាមួយអ៊ីស្រាអែល

បានផុស

២ years មុន

នៅ

ថ្ងៃពុធ ២ តុលា ២០២៤

ដោយ

កងទ័ពឆ្មាំបដិវត្តន៍អ៊ីរ៉ង់បានគំរាមវាយប្រហារដ៏ធ្ងន់ធ្ងរបំផុតប្រឆាំងនឹងអ៊ីស្រាអែល ប្រសិនបើ អ៊ីស្រាអែលតបតសងសឹកចំពោះការវាយប្រហារដោយកាំជ្រួចដោយសាធារណរដ្ឋអ៊ីស្លាមនៅថ្ងៃទី១ខែតុលា ខណៈពេលដែលអ៊ីស្រាអែលបានវាយប្រហារដោយថ្មើជើងចូលលីបង់ និង វាយប្រហារក្រុមហ៊ូទីដែលគាំទ្រដោយអ៊ីរ៉ង់។

អ៊ីរ៉ង់បង្ហាញមីស៊ីល និងក្បួនទ័ពនៅថ្ងៃដំបូងដែលអ៊ីស្រាអែលផ្លោងដាក់ក្រុមហេសបូឡាលីបង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គភាពឆ្មាំបដិវត្តន៍អ៊ីស្លាម (IRGC) បាននិយាយនៅក្នុងសេចក្តីថ្លែងការណ៍មួយ ដែលធ្វើឡើងដោយទីភ្នាក់ងារសារព័ត៌មាន Fars ថា ខ្លួននឹងវាយប្រហារឱ្យបានខ្លាំងកា្ល ប្រសិនបើរបប អ៊ីស្រាអែល មានប្រតិកម្មចំពោះប្រតិបត្តិការរបស់អ៊ីរ៉ង់។

IRGC បាននិយាយថា ការវាយប្រហារនេះគឺ«អនុលោមតាមធម្មនុញ្ញអង្គការសហប្រជាជាតិ»។

ខណៈពេលដែលអ៊ីស្រាអែលបង្កើតសមរភូមិនៅក្នុងទឹកដីលីបង់ប្រឆាំងសកម្មប្រយុទ្ធហេសបូឡាអស់រយៈពេលជាង២សប្តាហ៍ និងទើបសម្រេចលើកទឹកថ្មជើងចូលវាយលុកកាលពីថ្ងៃទី១ខែតុលា អ៊ីរ៉ង់បានបាត់បង់ការអត់ធ្មត់រហូតបាញ់មីស៊ីលចូលទឹកដីអ៊ីស្រាអែល។

អ៊ីរ៉ង់បាននិយាយថា ការបាញ់ប្រហារបានកើតឡើង បន្ទាប់ពីរយៈពេលនៃការអត់ធ្មត់ បន្ទាប់ពីការវាយប្រហារលើអធិបតេយ្យភាពរបស់អ៊ីរ៉ង់ ដែលសំដៅទៅលើសម្លាប់មេដឹកនាំក្រុមហាម៉ាស់ Ismail Haniyeh នៅទីក្រុងតេអេរ៉ង់កាលពីចុងខែកក្កដា។

ប្រព័ន្ធផ្សព្វផ្សាយរដ្ឋក្នុងប្រទេសអ៊ីរ៉ង់ បានរាយការណ៍ថា កាលពីល្ងាចថ្ងៃទី១ខែតុលា កងកម្លាំងអ៊ីរ៉ង់បានបាញ់កាំជ្រួចមីស៊ីលដែលសំដៅទៅលើមជ្ឈមណ្ឌលពាណិជ្ជកម្មរបស់អ៊ីស្រាអែល Tel Aviv ។

អាមេរិកបានព្រមានពីការវាយប្រហារដោយកាំជ្រួចផ្លោងរបស់អ៊ីរ៉ង់ដែលនឹងកើតមានមកលើអ៊ីស្រាអែល ហើយបាននិយាយថា វានឹងមានផលវិបាកយ៉ាងធ្ងន់ធ្ងរសម្រាប់ក្រុងតេអេរ៉ង់។

ប្រព័ន្ធផ្សព្វផ្សាយអ៊ីរ៉ង់បានថតវីដេអូតាមអ៊ីនធឺណិតនៃអ្វីដែលពួកគេនិយាយថា ជាមីស៊ីលដែលត្រូវបានបាញ់មកលើអ៊ីស្រាអែល៕

ដោយ រ៉ាន់ រើយ