ព័ត៌មានអន្ដរជាតិ
ចិន ជម្លៀសប្រជាជនចេញពីលីបង់ជាង២០០នាក់
ប្រទេសចិន បានប្រកាសកាលពីថ្ងៃទី៥ខែតុលាថា ខ្លួនបានជម្លៀសប្រជាជនចំនួន២១៥នាក់ចេញពីលីបង់ ដែលជាកន្លែងអ៊ីស្រាអែលបានធ្វើការទម្លាក់គ្រាប់បែកយ៉ាងខ្លាំង ចាប់តាំងពីខែកញ្ញា ហើយបណ្តាលឲ្យមនុស្សជាង ១ ១០០នាក់បានស្លាប់។
ក្រសួងការបរទេសរបស់ទីក្រុងប៉េកាំង បាននិយាយនៅក្នុងសេចក្តីថ្លែងការណ៍មួយថា៖ «រហូតមកដល់ពេលនេះ ពលរដ្ឋចិនចំនួន ២១៥នាក់ត្រូវបានជម្លៀសដោយសុវត្ថិភាពពីលីបង់ ដោយចែកចេញជា២ក្រុម ក្រោមការរៀបចំ និងការចាត់ចែងរបស់រដ្ឋាភិបាលចិន។ ស្ថានទូតចិនប្រចាំប្រទេសលីបង់ បន្តបំពេញបេសកកម្មរបស់ខ្លួននៅក្នុងប្រទេសលីបង់ ហើយនឹងបន្តជួយពលរដ្ឋចិននៅទីនោះ ក្នុងការចាត់វិធានការសន្តិសុខ»។
ប្រទេសជាច្រើនបានចាប់ផ្ដើមដកជនជាតិរបស់ខ្លួនចេញពីលីបង់ បន្ទាប់ពីមានការវាយឆ្មក់ជើងគោក រួមមាន កូរ៉េខាងត្បូង រុស្ស៊ី បារាំង អេស្ប៉ាញ អាល្លឺម៉ង់ និងចក្រភពអង់គ្លេស។
នៅសប្តាហ៍នេះ អ៊ីស្រាអែលបានបញ្ជាក់ថា កងទ័ពរបស់ខ្លួនបានបើកការលុកលុយជើងគោកចូលទៅក្នុងផ្នែកខ្លះនៃភាគខាងត្បូងលីបង់ ដែលជាបន្ទាយដ៏រឹងមាំនៃក្រុមហេសបូឡាដែលមានការគាំទ្រដោយអ៊ីរ៉ង់ បន្ទាប់ពីការវាយប្រហារទ្រង់ទ្រាយធំតាមដែនអាកាសជាច្រើនថ្ងៃទៅលើតំបន់នានានៅទូទាំងលីបង់។
ថ្មីៗនេះ អ៊ីស្រាអែលបានផ្ដោតការយកចិត្តទុកដាក់នៅព្រំដែនភាគខាងជើងរបស់ខ្លួនជាមួយប្រទេសលីបង់ ដែលជាកន្លែងមានការប៉ះទង្គិចគ្នាជារៀងរាល់ថ្ងៃចាប់តាំងពីក្រុមហេសបូឡាបានបើកការវាយប្រហារគាំទ្រក្រុមហាម៉ាសដែលជាសម្ព័ន្ធមិត្ត បន្ទាប់ពីការវាយប្រហារកាលពីថ្ងៃទី៧ខែតុលាឆ្នាំ២០២៣៕
ដោយ៖ ឈាង
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត