ព័ត៌មានអន្ដរជាតិ

អង់គ្លេស ព្រមានណាតូ មិនត្រូវមើលស្រាលការវាយប្រហារតាមអ៊ីនធឺណិតរបស់រុស្ស៊ីទេ

បានផុស

២ years មុន

នៅ

ថ្ងៃចន្ទ ២៥ វិច្ឆិកា ២០២៤

ដោយ

Chheang

ទីក្រុងមូស្គូ ត្រៀមបើកការវាយប្រហារតាមអ៊ីនធឺណិតប្រឆាំងនឹងសម្ព័ន្ធមិត្តណាតូ ដែលអាចធ្វើឲ្យមនុស្សរាប់លាននាក់គ្មានថាមពលប្រើប្រាស់។ នេះបើយោងតាមរដ្ឋមន្ត្រីនៃទីស្ដីការគណៈរដ្ឋមន្ត្រីរបស់ចក្រភពអង់គ្លេស លោក Pat McFadden កាលពីថ្ងៃទី២៤ខែវិច្ឆិកាឆ្នាំ២០២៤។

លោក Pat McFadden និងលោក វ៉្លាឌឺមៀរ ពូទីន (រូបភាព៖ Alamy)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក McFadden បានប្រាប់ថា នៅក្នុងវិស័យបច្ចេកវិទ្យាអ៊ីនអឺណិត រុស្ស៊ីគឺជាប្រទេសមួយដែលមានការឈ្លានពានខ្លាំង និងព្រហើន។ មន្ត្រីជាន់ខ្ពស់អង់គ្លេសរូបនេះ បានបន្តថា នៅក្នុងសន្និសីទសន្តិសុខតាមអ៊ីនធឺណិតរបស់អង្គការណាតូ នៅទីក្រុងឡុងដ៍នាថ្ងៃចន្ទនេះ លោកនឹងប្រាប់ប្រទេសជាសមាជិក ថាមិនត្រូវមើលស្រាលការគំរាមកំហែងតាមអ៊ីនធឺណិតពីរុស្ស៊ីបាននោះទេ។

ការលើកឡើងនេះ បានកើតឡើងនៅពេលដែលភាពតានតឹងរវាងណាតូ និងរុស្ស៊ី ឡើងដល់កម្រិតខ្ពស់ថ្មី។ ប្រធានាធិបតីរុស្ស៊ី លោក វ្ល៉ាឌីមៀរ ពូទីន កាលពីសប្តាហ៍មុន បានព្រមានថា សង្រ្គាមនៅអ៊ុយក្រែន បានឈានដល់ជាសង្គ្រាមសកល បន្ទាប់ពីចក្រភពអង់គ្លេស សហរដ្ឋអាមេរិក និងបារាំង បានអនុញ្ញាតឲ្យអ៊ុយក្រែន ប្រើប្រាស់មីស៊ីលរយៈចម្ងាយឆ្ងាយ ដើម្បីវាយប្រហារគោលដៅជ្រៅនៅក្នុងប្រទេសរុស្ស៊ី។

លោក McFadden បាននិយាយថា នោះមានន័យថា ទីក្រុងមូស្គូឥឡូវនេះបានត្រៀមខ្លួនរួចជាស្រេចក្នុងការធ្វើការវាយប្រហារ ប្រឆាំងនឹងហេដ្ឋារចនាសម្ព័ន្ធជាតិដ៏សំខាន់របស់ណាតូ រួមទាំងបណ្តាញអគ្គិសនី ដែលអាចបង្អាក់ភ្លើងប្រើប្រាស់សម្រាប់មនុស្សរាប់លាននាក់។

លោក McFadden បានបន្ថែមថា ក្រុមបក្សសម្ព័ន្ធរដ្ឋរបស់រុស្ស៊ី រួមទាំង «កងទ័ពក្រៅផ្លូវការនៃឧក្រិដ្ឋជនតាមអ៊ីនធឺណិត និងក្រុមអ្នកលួចស្តាប់» បានបង្កើនការវាយប្រហាររបស់ពួកគេ កាលពីឆ្នាំមុន ហើយក្រុមទាំងនោះបានវាយប្រហារតាមអ៊ីនធឺណិតយ៉ាងហោចណាស់ចំនួន៩លើកផ្សេងគ្នាប្រឆាំងនឹងប្រទេសណាតូ៕

ដោយ៖ ឈាង