ព័ត៌មានអន្ដរជាតិ
ការស្លាប់របស់តារាស្រីចិនម្នាក់ អាចជាករណីឃាតកម្មទុកមុន
កាលពីថ្ងៃទី ១៧ ខែធ្នូ ឆ្នាំ ២០២៤ សារព័ត៌មានបរទេសបានធ្វើសេចក្តីរាយការណ៍ព័ត៌មាននៃការស្លាប់ភ្លាមៗរបស់តារាស្រីចិនវ័យ២៥ឆ្នាំ ដែលមានឈ្មោះថា Gu Xuan ឬរហស្សនាមថា Live Angel ។ នាងក៏ជាមនុស្សស្រីដែលពូកែលេងហ្គេម និងមានចរិតរួសរាយ ធ្វើឲ្យអ្នកគាំទ្រមានទាំងចាស់ទាំងក្មេងតាមដាននាងជាច្រើន។
រហូតមកដល់ពេលថ្មីៗនេះ មិត្តភ័ក្តិរបស់ Gu Xuan បានចេញមកប្រាប់អ្នកគាំទ្រអំពីដំណឹងដ៏ក្រៀមក្រំថា តារាស្រីបានទទួលមរណភាពក្នុងអាយុ ២៥ជួបឆ្នាំ ក្នុងពេលឧបទ្ទវហេតុតាមផ្លូវ។ សារបញ្ជាក់ថា «ក្នុងនាមមិត្ត Gu Xuan អរគុណអ្នកទាំងអស់គ្នាដែលបានជួយ និងគាំទ្រនាងរហូតមក។ សូមឲ្យនាងទៅកាន់ឋានសួគ៌ហើយសូមឲ្យវិញ្ញាណក្ខន្ធរបស់នាងបានទៅកាន់សុគតិភព។ យ៉ាងណា ក្រុមគ្រួសាររបស់សពនៅមិនទាន់បានបញ្ជាក់ថា តើពិធីបុណ្យសព Gu Xuan នឹងប្រារព្ធធ្វើនៅទីណា និងរបៀបណានោះទេ ដោយប្រាប់ថានឹងជម្រាបជូនអ្នករាល់គ្នាពេលក្រោយ»។
ទោះបីជាមូលហេតុពិតប្រាកដនៃការស្លាប់នៅមិនទាន់ត្រូវបានគេបញ្ជាក់ឲ្យច្បាស់នៅឡើយ ។ ប៉ុន្តែមនុស្សជាច្រើនផ្តោតលើឃាតកម្មច្រើនច្រើនគ្រោះថ្នាក់ ហើយអ្នកដែលត្រូវគេសង្ស័យគឺ អ្នកគាំទ្រម្នាក់ដែលប្រើឈ្មោះគណនីបងប្រុសច្បងគឺជាម្ចាស់ជំនួយ (ផ្ទេរការគាំទ្រ) ទៅ Gu Xuan ឲ្យបានច្រើនតាមតែអាចធ្វើទៅបានក្នុងរាល់ការផ្សាយបន្តផ្ទាល់របស់នាង។ គាត់ជាអ្នកដែលមកសារភាពស្នេហ៍ជាមួយនាង ប៉ុន្តែមិនបានបដិសេធមិនស្រលាញ់ទេ។ ដូច្នេះទើបគាត់ក្លែងខ្លួនជាអ្នកដឹកជញ្ជូន ហើយបានមកមុខបន្ទប់របស់នាង រួចសម្លាប់នាងក៏អាចថាបាន។
ទោះជាយ៉ាងណាក៏ដោយ អ្នកគ្រប់គ្រងផ្ទាល់របស់តារាស្រីរូបនេះបានចេញមុខបដិសេធពាក្យចចាមអារ៉ាមដែលសាយភាយលើបណ្ដាញសង្គម ហើយសុំឲ្យអ្នករាល់គ្នាឈប់ធ្វើការទស្សទាយពីមូលហេតុ និងរឿងក្នុងផ្លូវអវិជ្ជមានបន្តទៀត។ ប៉ុន្តែមិនក៏មិនទាន់មានភាគីណាម្នាក់បង្ហាញពីមូលហេតុពិតប្រាកដនៃការស្លាប់ភ្លាមៗរបស់ Gu Xuan នោះទេ។
បន្ទាប់ពីអ្នកគាំទ្ររបស់ Gu Xuan បានលឺដំណឹងនៃការស្លាប់ភ្លាមៗរបស់អ្នក streamer ដ៏ល្បីម្នាក់របស់ចិន។ គ្រប់គ្នាបានត្រឹមសរសេរសាររំលែកទុក្ខជាច្រើននៅក្នុងនាមជាអ្នកធ្លាប់គាំទ្រនាងកន្លងមកតែប៉ុណ្ណោះ៕
អត្ថបទ៖ សាង ស្រីល័ក្ខ
ចុចអាន៖ តារារ៉េបកូរ៉េ Woodie ធ្លាក់ពីលើអគារ ៣ជាន់ របួសពេញផ្ទៃមុខ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%