ភាពអត់ឃ្លាន និង ការគំរាមកំហែងបង្ខំឱ្យ​គ្រិស្តបរិស័នៅមីយ៉ាន់ម៉ាប្ដូរមកកាន់ព្រះពុទ្ធសាសនា

​របាយ​ការណ៍​មួយ​ បាន​ឲ្យ​ដឹង​ថា គ្រិស្តសាសនិក​ជិត៤០០​នាក់​នៅ​ក្នុង​ប្រទេស​មីយ៉ាន់ម៉ា ត្រូវ​បាន​បង្ខំ​ចិត្ត​ប្តូរ​មក​គោរព​ជឿលើ​​​ព្រះពុទ្ធសាសនា ដោយសារ​តែ​ការ​ខ្វះខាត​ស្បៀង​អាហារ និង​ការ​គំរាម​កំហែង​យ៉ាង​ខ្លាំងពីរបបយោធា​របស់​ប្រទេសនេះ។

គ្រូគង្វាលគ្រិស្តសាសនិកម្នាក់ដែលមិនបញ្ចេញឈ្មោះបានចោទប្រកាន់ថា«ការសន្យាត្រូវបានចុះហត្ថលេខាក្រោមការបង្ខិតបង្ខំឲ្យមានការផ្លាស់ប្ដូរ» នេះបើតាមបានរាយការណ៍​ដែលដកស្រង់របាយការណ៍ថ្ងៃទី​១៨​ខែធ្នូពី Naga News។របាយការណ៍នេះ បាននិយាយអំពីសម្ពាធផ្សេងៗ រួមទាំងតម្រូវការការងារថ្ងៃអាទិត្យជាកាតព្វកិច្ច និងការគំរាមកំហែងដែលនាំឱ្យពួកគេចុះហត្ថលេខាលើការសន្យានេះ។

គួររម្លឹកថា មុនឆ្នាំ១៩៨០ អ្នកស្រុកក្នុងប្រទេសមីយ៉ាន់ម៉ាបានគោរពបូជា «Nat» ដែលជឿលើវិញ្ញាណដូចព្រះ រួមជាមួយនឹងព្រះពុទ្ធសាសនា។ ក្នុងនោះមានតំបន់ស្វយ័ត្ន​ «Naga» ដែលមានទីតាំងនៅតំបន់ Naga Hills នៃតំបន់ Sagaing ប្រទេសមីយ៉ាន់ម៉ា ត្រូវបានបង្កើតឡើងក្រោមលក្ខខណ្ឌនៃរដ្ឋធម្មនុញ្ញឆ្នាំ ២០០៨ នៃប្រទេសមីយ៉ាន់ម៉ា ត្រូវបានអ្នកផ្សព្វផ្សាយសាសនាគ្រិស្តសាសនិកបានមកដល់តំបន់នេះក្នុងឆ្នាំ១៩៨៥ ដែលនាំឱ្យមានការប្រែចិត្តលើជំនឿយ៉ាងទូលំទូលាយ។

ប៉ុន្តែបន្ទាប់ពីឆ្នាំ១៩៩៤ ក្រុមប្រឹក្សាស្ដារនីតិសម្បទានិងសណ្តាប់ធ្នាប់រដ្ឋ (SLORC) ដែលត្រូវបានតែងតាំងដោយរបបយោធានៅពេលនោះបានបញ្ជាឱ្យសាងសង់វត្តព្រះពុទ្ធសាសនានៅក្នុងតំបន់ Naga ដោយមិនគិតពីជំនឿរបស់អ្នកស្រុកនិងផ្តល់ការលើកទឹកចិត្តសម្រាប់ការប្រែចិត្តទៅជឿលើព្រះពុទ្ធសាសនាវិញ។ លើសពីនេះការអន្តរាគមន៍របស់យោធានៅក្នុងភូមិមួយចំនួនបាននាំឱ្យមានការបំផ្លិចបំផ្លាញព្រះវិហារ ការធ្វើទុក្ខបុកម្នេញលើគ្រិស្តបរិស័ទ និងការចាប់ខ្លួនមេដឹកនាំគ្រីស្ទានជាដើម។

គួរបញ្ជាក់ប្រជាជនមីយ៉ាន់ម៉ាប្រហែល ១២៧០០០ នាក់នៅក្នុងតំបន់ភាគច្រើនជាកុលសម្ព័ន្ធNaga ដោយមានគ្រិស្តបរិស័ទមានចំនួន ៧៣ភាគរយ ខណៈ​ដែល​ពុទ្ធសាសនិក​មាន ២៥ភាគរយ ហើយ​ ២ ភាគរយ​ទៀតជា​អ្នក​កាន់​តាម​ប្រពៃណី Nat៕

អត្ថបទ៖ ប៊ុន សុភាព