ព័ត៌មានអន្ដរជាតិ
បើកមិនបានប៉ុន្មាន កូរ៉េខាងជើងលែងឲ្យទេសចរអន្តរជាតិចូលលេងកម្សាន្ត
ប្រទេសកូរ៉េខាងជើង បានផ្អាកជាបន្ទាន់នូវទេសចរណ៍អន្តរជាតិទៅកាន់ទីក្រុងព្រំដែន Rason តិចជាងបីសប្តាហ៍បន្ទាប់ពីវាត្រូវបានបើកឡើងវិញសម្រាប់ភ្ញៀវទេសចរដែលមិនមែនជាជនជាតិរុស្ស៊ីជាលើកដំបូងក្នុងរយៈពេលប្រាំឆ្នាំ។

យោងតាមការចុះផ្សាយរបស់សារព័តមាន BBC ទីភ្នាក់ងារទេសចរណ៍ បានរាយការណ៍កាលពីថ្ងៃទី៥ខែមីនាឆ្នាំ២០២៥ថា ដំណើរទេសចរណ៍ទាំងអស់ទៅកាន់ទីក្រុង Rason ត្រូវបានលុបចោលរហូតដល់មានការជូនដំណឹងបន្ថែម ដោយអាជ្ញាធរកូរ៉េខាងជើងមិនផ្តល់មូលហេតុសម្រាប់ការបិទភ្លាមៗនោះទេ។
ការបិទដែលមិនបានរំពឹងទុកនេះ បង្កើនការព្រួយបារម្ភអំពីស្ថិរភាពនៃឧស្សាហកម្មទេសចរណ៍របស់កូរ៉េខាងជើង ដែលបានប្រឈមមុខនឹងបញ្ហាជាច្រើនចាប់តាំងពីជំងឺរាតត្បាតកូវីដ១៩ ដែលនាំទៅដល់ការបិទព្រំដែននៅដើមឆ្នាំ២០២០។ ការបើកឡើងវិញនាពេលថ្មីៗនេះរបស់ទីក្រុង Rason ត្រូវបានគេមើលឃើញថាជាជំហានវិជ្ជមានឆ្ពោះទៅរកការរស់ឡើងវិញនៃវិស័យទេសចរណ៍បរទេសរបស់កូរ៉េខាងជើង។
មុនពេលជំងឺរាតត្បាត វិស័យទេសចរណ៍គឺជាប្រភពចំណូលដ៏សំខាន់សម្រាប់កូរ៉េខាងជើង ដោយភ្ញៀវទេសចរភាគច្រើនគឺជាជនជាតិចិន។ ក្នុងឆ្នាំ២០១៩ ការប៉ាន់ប្រមាណបានបង្ហាញថា ភ្ញៀវទេសចរចិនរហូតដល់ ១២០ ០០០នាក់បានទៅទស្សនាប្រទេសនេះ ខណៈទេសចរមកពីប្រទេសលោកខាងលិចមានត្រឹម ៥ ០០០នាក់ប៉ុណ្ណោះ។
កូរ៉េខាងជើង បើកទទួលទេសចរឡើងវិញនៅឆ្នាំ២០២៤ ដោយកាលណោះសម្រាប់តែជនជាតិរុស្ស៊ីប៉ុណ្ណោះ មុនពេលបើកឲ្យបណ្ដាប្រទេសលោកខាងលិចចូលទៅទស្សនាកម្សាន្តកាលពីខែកុម្ភៈឆ្នាំ២០២៥កន្លងទៅ។
គួរបញ្ជាក់ថា ទីក្រុង Rason គឺជាតំបន់សេដ្ឋកិច្ចពិសេស (SEZ) របស់កូរ៉េខាងជើង មានផ្ទៃដីត្រឹម៧៤៦គីឡូម៉ែត្រការ៉េ និងប្រជាជន ២០៥ ០០០នាក់ ហើយវាល្បីល្បាញដោយសារអាហារឆ្ងាញ់ៗ ប្រពៃណី និងទីផ្សារដែលមានលក់ទំនិញកម្រៗជាពិសេសផលិតផលរបស់កូរ៉េខាងជើងផ្ទាល់ដែលមិនអាចរកទិញនៅពិភពខាងក្រៅបាន។ ម្យ៉ាងវិញទៀត អ្នកទេសចរក៏អាចទៅមើលចំណុចប្រសព្វនៃព្រំដែន កូរ៉េខាងជើង-ចិន-រុស្សីផងដែរ៕

ដោយ៖ ឈាង
ចុចអាន៖ កូរ៉េខាងជើង បើកទីក្រុងព្រំដែន ទទួលទេសចរ ចូលលេងកម្សាន្ត

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ