ព័ត៌មានអន្ដរជាតិ

នាយក IAEA ៖ បើអ៊ីស្រាអែលវាយបំផ្លាញហេដ្ឋារចនាសម្ព័ន្ធនុយក្លេអ៊ែរអ៊ីរ៉ង់ ដូចរុញអ៊ីរ៉ង់ចូលប្រជែង

បានផុស

១ year មុន

នៅ

ថ្ងៃអង្គារ ១០ មិថុនា ២០២៥

ដោយ

ប្រធានទីភ្នាក់ងារថាមពលអាតូមិកអន្តរជាតិ (IAEA) លោក Rafael Grossi បានព្រមានថា រាល់ការវាយប្រហាររបស់អ៊ីស្រាអែល លើទីតាំងនុយក្លេអ៊ែររបស់អ៊ីរ៉ង់ អាចជំរុញឱ្យទីក្រុងតេអេរ៉ង់ បន្តសកម្មភាពអាវុធនុយក្លេអ៊ែរ ឬចាកចេញពីសន្ធិសញ្ញាមិនរីកសាយភាយនុយក្លេអ៊ែរ។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី១០ខែមិថុនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Grossi បាននិយាយទៅកាន់ប្រព័ន្ធផ្សព្វផ្សាយអ៊ីស្រាអែលថា ការវាយប្រហារបែបនេះអាចពង្រឹងការតាំងចិត្តរបស់អ៊ីរ៉ង់ ជាពិសេសបានផ្តល់ភាពមោះមុត និងការការពារហេដ្ឋារចនាសម្ព័ន្ធនុយក្លេអ៊ែររបស់អ៊ីរ៉ង់ទៅវិញទេ។

ការកត់សម្គាល់របស់គាត់កើតឡើងចំពេលដែលការចរចានុយក្លេអ៊ែរដោយប្រយោលរវាងសហរដ្ឋអាមេរិក និងអ៊ីរ៉ង់ដែលកំពុងបន្តសម្របសម្រួលដោយប្រទេសអូម៉ង់ គោលបំណងដើម្បីស្តារកិច្ចព្រមព្រៀងឡើងវិញបន្ទាប់ពីកិច្ចព្រមព្រៀងឆ្នាំ ២០១៥ ត្រូវបានលុបចោលដោយប្រធានាធិបតីអាមេរិកលោក Donald Trump ក្នុងឆ្នាំ ២០១៨ ។ អ៊ីរ៉ង់ដែលរិះគន់ចំពោះទណ្ឌកម្មអាមេរិកបច្ចុប្បន្ន គ្រោងនឹងដាក់សំណើតបតដោយសង្កត់ធ្ងន់លើតម្រូវការសម្រាប់ការបន្ធូរបន្ថយទណ្ឌកម្ម។

(រូបភាព៖ Reuters) ប្រធានាធិបតីអ៊ីរ៉ង់ Masoud Pezeshkian ធ្វើទស្សនកិច្ចនៅក្នុងការតាំងពិព័រណ៍សមិទ្ធិផលនុយក្លេអ៊ែររបស់អ៊ីរ៉ង់

ទន្ទឹមនឹងនេះ មន្ត្រីអ៊ីរ៉ង់បានច្រានចោលរបាយការណ៍ចុងក្រោយរបស់ IAEA ថាមានភាពលំអៀង និងពឹងផ្អែកលើឯកសារដែលផ្តល់ដោយអ៊ីស្រាអែល។

នៅពេលនេះទិដ្ឋភាពការទូតនៅតែមានភាពផុយស្រួយ ដោយលោក Trump បានផ្តល់ដំបូន្មានដល់នាយករដ្ឋមន្ត្រីអ៊ីស្រាអែល លោក Netanyahu ឱ្យជៀសវាងការកើនឡើង ដែលបង្ហាញថាកិច្ចព្រមព្រៀងជិតមកដល់ហើយ។ ទោះជាយ៉ាងណាមិនទាន់មានការបញ្ជាក់ពីពេលវេលាសម្រាប់ការចរចាលើកក្រោយនោះទេ៕

អត្ថបទ៖ ប៊ុន សុភាព

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា