ព័ត៌មានអន្ដរជាតិ
ប្រធានចារកម្មអ៊ុយក្រែន៖ មីស៊ីលកូរ៉េខាងជើងបាញ់គោលដៅច្បាស់ជាងមុន ព្រោះមានរុស្ស៊ីជួយ
ប្រទេសរុស្ស៊ី បានជួយធ្វើទំនើបកម្មយ៉ាងខ្លាំងលើការអភិវឌ្ឍមីស៊ីលបាលិស្ទិករយៈចម្ងាយខ្លីរបស់កូរ៉េខាងជើង ដែលប្រើក្នុងសង្គ្រាមប្រឆាំងនឹងអ៊ុយក្រែន។ នេះបើយោងតាមលោក Kyrylo Budanov ប្រធានទីភ្នាក់ងារស៊ើបការណ៍យោធាអ៊ុយក្រែន។
ថ្លែងនៅក្នុងបទសម្ភាសន៍មួយដែលបានចេញផ្សាយកាលពីថ្ងៃអង្គារទី១០ខែមិថុនា លោក Budanov បាននិយាយថា ការបញ្ជូនមីស៊ីល KN-23 ឬគេស្គាល់ថា Hwasong-11 របស់កូរ៉េខាងជើងដំបូងទៅកាន់រុស្ស៊ីគឺ «មានគុណភាពអន់» ហើយជារឿយៗមានដំណើរការខុសប្រក្រតីអំឡុងពេលប្រើប្រាស់។ ទោះបីជាយ៉ាងណាក៏ដោយ លោកបានអះអាងថា ចាប់តាំងពីពេលនោះមក អ្នកឯកទេសរុស្ស៊ីបានធ្វើការកែប្រែជាច្រើនចំពោះមីស៊ីលទាំងនោះ ដោយធ្វើឲ្យពួកវាកំណត់គោលដៅត្រឹមត្រូវ និងទុកចិត្តបានជាងមុន។
លោក Budanov បានរៀបរាប់ថា «ដំបូងឡើយ ប្រហែលពាក់កណ្តាលនៃមីស៊ីលទាំងនេះ បានបាញ់ខុសគោលដៅរបស់ពួកវាបន្ទាប់ពីហោះចម្ងាយតែប៉ុន្មានគីឡូម៉ែត្រ ឬបានផ្ទុះនៅអំឡុងពេលហោះហើរ»។ លោក Budanov បានបន្ថែមថា បន្ទាប់ពីត្រូវបានកែសម្រួលដោយវិស្វកររុស្ស៊ី ឥឡូវនេះមីស៊ីលទាំងនោះបានបាញ់ចំគោលដៅយ៉ាងល្អ។
KN-23 គឺជាប្រព័ន្ធមីស៊ីលបាលិស្ទិកចល័តរយៈចម្ងាយខ្លី ដែលមានលក្ខណៈស្រដៀងទៅនឹងមីស៊ីល Iskander របស់រុស្ស៊ី។ កូរ៉េខាងជើង តាមសេចក្តីរាយការណ៍ បានផ្គត់ផ្គង់មីស៊ីលប្រភេទនេះរាប់សិបគ្រាប់ដល់រុស្ស៊ី ចាប់តាំងពីប្រទេសទាំងពីរពង្រឹងកិច្ចសហប្រតិបត្តិការយោធានៅឆ្នាំ២០២៣។
លោក Budanov ក៏បានព្រមានថា រុស្ស៊ី និងកូរ៉េខាងជើង ឥឡូវនេះកំពុងសហការគ្នាលើបច្ចេកវិទ្យាយោធាដ៏ទូលំទូលាយ រួមទាំងមីស៊ីលរយៈចម្ងាយឆ្ងាយ យន្តហោះគ្មានមនុស្សបើក និងអាវុធកងទ័ពជើងទឹកផងដែរ។
វិមានក្រឹមឡាំង មិនបានធ្វើអត្ថាធិប្បាយជាផ្លូវការលើការអះអាងរបស់លោក Budanov ទេ។ ទោះបីជាយ៉ាងណាក៏ដោយ ទាំងទីក្រុងមូស្គូ និងទីក្រុងព្យុងយ៉ាង ធ្លាប់បានអះអាងជាសាធារណៈអំពីការកើនឡើងនូវទំនាក់ទំនងការពារជាតិ រួមទាំងកិច្ចព្រមព្រៀងគាំទ្រគ្នាទៅវិញទៅមក និងការដឹកជញ្ជូនអាវុធ។
សហរដ្ឋអាមេរិក និងបណ្តាប្រទេសលោកខាងលិចផ្សេងទៀត បានថ្កោលទោសម្តងហើយម្តងទៀតនូវការផ្ទេរអាវុធរបស់កូរ៉េខាងជើងទៅកាន់រុស្ស៊ី ថាជាការរំលោភលើទណ្ឌកម្មរបស់អង្គការសហប្រជាជាតិ។ ទីក្រុងវ៉ាស៊ីនតោន ក៏បានសម្តែងការព្រួយបារម្ភផងដែរអំពីផលប៉ះពាល់នៃការទទួលបានបទពិសោធន៍ក្នុងសមរភូមិប្រយុទ្ធរបស់កូរ៉េខាងជើង ដើម្បីបង្កើនកម្មវិធីអាវុធរបស់ខ្លួន។
អ៊ុយក្រែន បានអំពាវនាវឲ្យសម្ព័ន្ធមិត្តរបស់ខ្លួនបង្កើនការអនុវត្តទណ្ឌកម្ម និងផ្តល់ប្រព័ន្ធការពារដែនអាកាសបន្ថែម ដើម្បីទប់ទល់នឹងការគំរាមកំហែងមីស៊ីល៕
ដោយ៖ ឈាង
ប្រធានចារកម្មអ៊ុយក្រែន៖ មីស៊ីលកូរ៉េខាងជើងបាញ់គោលដៅច្បាស់ជាងមុន ព្រោះមានរុស្ស៊ីជួយ
អូស្ត្រាលី និងជប៉ុន ចាប់ដៃគ្នាជម្រុញការនាំចេញគ្រាប់ស្វាយចន្ទីកម្ពុជាទៅកាន់ទីផ្សារអន្តរជាតិ
មកស្គាល់ដៃគូ រិទ្ធី គីងកុង មានប្រភពមកពីណា និងសមត្ថភាពប៉ុណ្ណាដែរ…
ផ្លូវជាតិយុទ្ធសាស្រ្ត ៣ ខ្សែ ស្ថិតក្នុងផែនការអាទិភាព ជំរុញបើកការដ្ឋានសាងសង់
ការវាយប្រហារដ៏សាហាវសម្លាប់មនុស្ស៧នាក់ក្នុងប្រទេសកូឡុំប៊ី
អ្នកនាំពាក្យ៖ សកម្មជនប្រឆាំង អែម ពិសិដ្ឋ ជ្រកកោនដីថៃក្លែងឯកសណ្ឋានទ័ពសម្ដែងវីដេអូ បំបាក់ទឹកចិត្តកងទ័ព ផ្សាយព័ត៌មានក្លែងក្លាយ
សិស្សវិទ្យាល័យសន្ធរម៉ុក បង្ខំចិត្តដើរលើគន្លងយានជំនិះ ខណៈផ្លូវថ្មើរជើងជាប់របងសាលាក្លាយជាចំណតរថយន្ដ
កម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
សម្ដេចតេជោ និងសម្ដេចធិបតី ថាក្រុមប្រឆាំងដែលអួតខ្លួនស្នេហាជាតិ បែរជាចូលដៃចូលជើងជាមួយបរទេសវាយប្រហារប្រទេសខ្លួនឯង
ក្រសួងការពារជាតិស្នើឱ្យចាត់វិធានការលើសកម្មជនប្រឆាំងក្លែងឯកសណ្ឋានកងទ័ព ធ្វើសកម្មភាពបំបាក់ទឹកចិត្តកងទ័ព
-
សន្តិសុខសង្គម៤ ថ្ងៃ agoច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានជាតិ៣ ថ្ងៃ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
នយោបាយ៦ ថ្ងៃ agoកម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៥ ថ្ងៃ agoក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ៤ ថ្ងៃ agoលោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានជាតិ២៤ ម៉ោង agoអ្នកនាំពាក្យ៖ សកម្មជនប្រឆាំង អែម ពិសិដ្ឋ ជ្រកកោនដីថៃក្លែងឯកសណ្ឋានទ័ពសម្ដែងវីដេអូ បំបាក់ទឹកចិត្តកងទ័ព ផ្សាយព័ត៌មានក្លែងក្លាយ
-
ព័ត៌មានអន្ដរជាតិ៦ ថ្ងៃ agoថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានអន្ដរជាតិ៥ ថ្ងៃ agoស៊ីរ៉ែនប្រកាសអាសន្នលាន់ទ្រហឹងទូទាំងប្រទេសអ៊ុយក្រែន នៅពេល ពូទីន សងសឹកចាស់ដៃ