ព័ត៌មានអន្ដរជាតិ
ក្ដៅៗ! ត្រាំ ប្រាប់ថា អាមេរិកនឹងចូលជួយការពារអ៊ីស្រាអែល បើអ៊ីរ៉ង់សងសឹក
យោងតាមការចុះផ្សាយរបស់ Fox News ប្រធានាធិបតីអាមេរិក ដូណាល់ ត្រាំ បានអះអាងថា ទីក្រុងវ៉ាស៊ីនតោននឹងលូកដៃចូលជួយអ៊ីស្រាអែល បើអ៊ីរ៉ង់ហ៊ានសងសឹកវិញ។ ការប្រកាសដូច្នេះ ធ្វើឡើងបន្ទាប់ពីអ៊ីស្រាអែលបានបើកការវាយប្រហារតាមអាកាសយ៉ាងខ្លាំងក្លាលើប្រទេសអ៊ីរ៉ង់នាថ្ងៃទី១៣ខែមិថុនាឆ្នាំ២០២៥នេះ។
អ្នកធ្វើបទបង្ហាញរបស់ Fox News លោក Bret Baier បាននិយាយថា ក្រោយបានជជែកជាមួយលោក ត្រាំ, មេដឹកនាំអាមេរិករូបនេះ នៅតែអះអាងថា ទីក្រុងវ៉ាស៊ីនតោនមិនពាក់ព័ន្ធនឹងការវាយប្រហាររបស់អ៊ីស្រាអែលលើអ៊ីរ៉ង់នោះទេ។ យ៉ាងណាមិញ លោក ត្រាំ បានបញ្ជាក់យ៉ាងច្បាស់ៗថា អាមេរិកនឹងជួយការពារអ៊ីស្រាអែល បើពិតជាមានការវាយបកពីរដ្ឋាភិបាលក្រុងតេហេរ៉ង់។
ទន្ទឹមនោះ លោក ត្រាំ បានលើកឡើងថា «អ៊ីរ៉ង់មិនអាចមានគ្រាប់បែកនុយក្លេអ៊ែរបានទេ ហើយយើងសង្ឃឹមថានឹងត្រឡប់ទៅតុចរចាវិញ។ យើងនឹងរង់ចាំតាមដាន»។
យ៉ាងហោចណាស់ទីតាំងចំនួន៨សំខាន់ៗរបស់អ៊ីរ៉ង់ បានរងការវាយប្រហារដោយភាគីអ៊ីស្រាអែល ដែលមានដូចជា ទីក្រុង Tabriz, Kermanshah, Ilam, Arak, Natanz, Isfahan, Ahvaz និងរដ្ឋធានីតេហេរ៉ង់។ កងឆ្មាំបដិវត្តន៍ឥស្លាមរបស់អ៊ីរ៉ង់ (IRGC) បាននិយាយថា ពួកគេត្រៀមខ្លួនរួចរាល់ហើយដើម្បីវាយបក បើទោះជាមេទ័ពរបស់ខ្លួន លោក Hossein Salami ត្រូវបានសម្លាប់ដោយអ៊ីស្រាអែលក៏ដោយ។
ចំណែកឯក្រសួងការបរទេសអ៊ីរ៉ង់ ក៏ប្រកាសដែរថា ទីក្រុងតេហេរ៉ង់មានសិទ្ធិ «ស្របច្បាប់ និងត្រឹមត្រូវ» សម្រាប់ការឆ្លើយតបទៅនឹងការវាយប្រហាររបស់អ៊ីស្រាអែល ក្រោមធម្មនុញ្ញអង្គការសហប្រជាជាតិ ដោយបន្ថែមថា បើគ្មានការបើកដៃពីអាមេរិក នោះអ៊ីស្រាអែលក៏នឹងមិនហ៊ានវាយប្រហារឡើយ។ ក្រសួងបានចេញសេចក្ដីថ្លែងការណ៍ថា «សកម្មភាពឈ្លានពានរបស់របប Zionist ប្រឆាំងនឹងអ៊ីរ៉ង់ មិនអាចត្រូវបានអនុវត្តដោយគ្មានការសម្របសម្រួល និងការអនុញ្ញាតពីសហរដ្ឋអាមេរិកនោះទេ។ ដូច្នេះហើយ រដ្ឋាភិបាលសហរដ្ឋអាមេរិក ដែលជាអ្នកគាំទ្រសំខាន់នៃរបបនេះ ក៏នឹងទទួលខុសត្រូវចំពោះផលប៉ះពាល់ និងផលវិបាកដ៏គ្រោះថ្នាក់នៃការប្រព្រឹត្តិរបស់របប Zionist ផងដែរ»៕
ដោយ៖ ឈាង
ចុចអាន៖ យ៉ាងហោចណាស់ទីតាំងចំនួន៨របស់អ៊ីរ៉ង់ រងការវាយប្រហារពីអ៊ីស្រាអែល
ក្ដៅៗ! ត្រាំ ប្រាប់ថា អាមេរិកនឹងចូលជួយការពារអ៊ីស្រាអែល បើអ៊ីរ៉ង់សងសឹក
ចំណងសមរភូមិមុខ និងសមរភូមិក្រោយ ជាការបញ្ជាក់នូវស្មារតីប្រកៀកស្មាដ៏រឹងមាំនៃខឿនការពារជាតិ
ក្រសួងសុខាភិបាល ដាក់ឱ្យដំណើរការកម្មវិធីសិក្សាស្រាវជ្រាវ VIRAGE និង RACSMEI ដើម្បីតាមដានជំងឺនៅកម្ពុជា
ភាគីកម្ពុជា សម្រេចបិទច្រកដូងជាបណ្ដោះអាសន្ន
ម្ចាស់ផលិតកម្ម LD ថា ឈប់បញ្ចាំងរឿងថៃជាដំណឹងល្អ ដ្បិតអីភាពយន្តថៃមួយ គ្រាន់តែមានតារាខ្មែរសម្តែង ក៏គេមិនគាំទ្រដែរ
Breaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
ងាកចេញពីព្រំដែនកម្ពុជា-ថៃ ទៅមើលការកសាងផ្លូវក្រវាត់ព្រំដែនកម្ពុជា-វៀតណាម សម្រេចបានអ្វីខ្លះ?
មហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
អគ្គិភ័យគួរឲ្យខ្លាច ឆាបឆេះចំណតយានយន្ត យ៉ាងសន្ធោសន្ធៅ នៅចិន
វាយអ៊ីរ៉ង់រួច អ៊ីស្រាអែលប្រកាសដាក់ប្រទេសក្នុងគ្រាអាសន្ន ខណៈតម្លៃប្រេងសកល ហក់ឡើង
-
ព័ត៌មានជាតិ៥ ថ្ងៃ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
សន្តិសុខសង្គម៦ ថ្ងៃ agoច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានអន្ដរជាតិ២ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
ព័ត៌មានជាតិ១ សប្តាហ៍ agoក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានអន្ដរជាតិ៥ ម៉ោង agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ២ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ៣ ថ្ងៃ agoអ្នកនាំពាក្យ៖ សកម្មជនប្រឆាំង អែម ពិសិដ្ឋ ជ្រកកោនដីថៃក្លែងឯកសណ្ឋានទ័ពសម្ដែងវីដេអូ បំបាក់ទឹកចិត្តកងទ័ព ផ្សាយព័ត៌មានក្លែងក្លាយ