ព័ត៌មានអន្ដរជាតិ

ថៃរឹតបន្តឹងច្បាប់កញ្ឆាឡើងវិញ ក្រោយការរីករាលដាលខ្លាំងពេក

បានផុស

៣៥ វិនាទី មុន

នៅ

ថ្ងៃអង្គារ ១ កក្កដា ២០២៥

ដោយ

បើយោងតាមការចេញផ្សាយរបស់ Time Magazine នាពេលថ្មីៗនេះ ប្រទេសថៃបានរឹតបន្តឹងច្បាប់កញ្ឆាវិញក្រោយរីករាលដាលខ្លាំងពេក ដោយសារចាប់ពីឆ្នាំ ២០២២មក ប្រទេសថៃបានក្លាយជាប្រទេសដំបូងគេនៅអាស៊ីដែលអនុញ្ញាតឲ្យផលិតកញ្ឆា និងប្រើប្រាស់កញ្ឆាស្របច្បាប់។ កត្តានេះបានធ្វើឱ្យមនុស្សជាច្រើននៅជុំវិញពិភពលោកចាប់អារម្មណ៍ក្នុងការទៅលេងប្រទេសថៃដើម្បីសាកល្បងប្រើប្រាស់កញ្ឆា ដែលនាំឱ្យមានការកើនឡើងយ៉ាងខ្លាំងនៃវិស័យទេសចរណ៍ទាក់ទងនឹងកញ្ឆា។

កម្មករចុះពិនិត្យស្លឹកកញ្ឆា និងថែទាំរុក្ខជាតិនៅកន្លែងដាំដុះ។ ( រូបភាព៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែកញ្ឆាក្លាយជាទំនិញស្របច្បាប់ តំបន់ទេសចរណ៍ដូចជា បាងកក ឈៀងម៉ៃ ភូកេត និងប៉ាតាយ៉ា សុទ្ធតែកន្លែងប្រើប្រាស់កញ្ឆាធ្វើអាជីវិកម្មសម្រាប់ភ្ញៀវទេសចរ។ អ្នកទេសចរត្រូវបានទាក់ទាញឱ្យទៅហាងកាហ្វេកញ្ឆា ស្ប៉ាសុខភាព ដំណើរទេសចរណ៍តាមកសិដ្ឋានដាំកញ្ឆា និងបទពិសោធន៍អាហារមានរួមបញ្ចូលកញ្ឆា ដោយជួយកសាងឧស្សាហកម្មដែលមានតម្លៃរាប់ពាន់លានដុល្លារ។

ចាប់តាំងពីពេលនោះមក ការផលិត និងលក់កញ្ឆាបានក្លាយជាឧស្សាហកម្មជាតិដ៏ធំទូលាយមួយ ដែលបង្កើតបានប្រហែល ១១០០០ កន្លែងចែកចាយ ដោយប្រភពមកពីកសិដ្ឋាននៅទូទាំងប្រទេស។ ឧស្សាហកម្មនេះក៏បានជួយប្រទេសថៃឱ្យក្លាយជាកន្លែងទាក់ទាញភ្ញៀវទេសចរសម្រាប់អ្នកដែលកំពុងស្វែងរកសារធាតុនេះត្រូវបានគេប៉ាន់ប្រមាណថានៅឆ្នាំ ២០២២ នឹងឈានដល់ ១.២ ពាន់លានដុល្លារនៅឆ្នាំ ២០២៥ ។

អ្នកទេសចរទិញកញ្ឆានៅហាងមួយក្នុងទីក្រុងបាងកក។ (រូបភាព៖ Reuters)

ទោះជាយ៉ាងណាក៏ដោយ ឧស្សាហកម្មដែលកំពុងរីកចម្រើនយ៉ាងឆាប់រហ័សនេះ បានបង្កឱ្យមានការព្រួយបារម្ភអំពីការប៉ះពាល់ដល់យុវជនសម្រាប់ការប្រើប្រាស់ក្នុងការកម្សាន្តខុស និងកង្វះបទប្បញ្ញត្តិច្បាស់លាស់។ រដ្ឋាភិបាលថៃដែលដឹកនាំដោយគណបក្សភឿថៃបានសម្រេចឱ្យការប្រើប្រាស់កញ្ឆាបែបកម្សាន្ត (លើសពីវិស័យវេជ្ជសាស្ត្រ) ជារឿងខុសច្បាប់ម្តងទៀត។

នៅឆ្នាំ ២០២៥ ច្បាប់ថ្មីត្រូវបានប្រកាស៖ កញ្ឆាអាចប្រើបានសម្រាប់តែហេតុផលវេជ្ជសាស្រ្ត អ្នកត្រូវការវេជ្ជបញ្ជារបស់វេជ្ជបណ្ឌិតដើម្បីទិញផ្កាកញ្ឆា ការជក់បារីនៅទីសាធារណៈមិនត្រូវបានអនុញ្ញាតទេ ហើយអ្នកណាក៏ដោយដែលបំពានច្បាប់ទាំងនេះអាចនឹងត្រូវពិន័យ ឬជាប់គុក។ ទោះយ៉ាងណាច្បាប់នេះកំពុងមានភាពចម្រួងចម្រាសដោយមនុស្សមួយចំនួនគាំទ្រ ខណៈមួយចំនួនមិនគាំទ្រលើហេតុផលប៉ះពាល់ដល់វិស័យទេសចរ និងអាភជីវកម្មជាច្រើន។

គួរបញ្ជាក់ថាការផ្លាស់ប្តូរនេះគឺជាការផ្លាស់ប្តូរដ៏សំខាន់មួយដែលអាចប៉ះពាល់ទាំងអាជីវកម្មក្នុងស្រុក និងភ្ញៀវទេសចរក្នុងប្រទេសថៃ។ ទោះបីការប្រើកញ្ឆាជាឱសថនៅតែស្របច្បាប់ អ្នកទេសចរនឹងត្រូវមានវេជ្ជបញ្ជាត្រឹមត្រូវពីវេជ្ជបណ្ឌិតថៃដើម្បីប្រើប្រាស់៕