គណៈ​រដ្ឋមន្ត្រី​ថ្មី​១៤​រូប ដែល​ស្បថ​ចូល​កាន់តំណែង​ថ្មី​នា​ថ្ងៃ​នេះ​នៅ​​វិមាន​រដ្ឋាភិបាល​ថៃ

នាយករដ្ឋមន្ត្រី​ដែល​​កំពុង​ត្រូវ​បាន​ព្យួរ​តំណែង ផែនថងថាន ស៊ីណាវ៉ាត្រ (Paetongtarn Shinawatra) និង​ក្រុម​គណៈរដ្ឋមន្ត្រី​ថ្មីរបស់លោកស្រី បាន​ចូល​ស្បថកាន់តំណែងជាផ្លូវការនៅព្រឹក​ថ្ងៃ​ព្រហស្បតិ៍​​​ទី​៣​ខែ​កក្កដា​នេះ នៅឯវិមានរដ្ឋាភិបាល ដែលជា​ការ​បើក​ទំព័រថ្មី​​មួយ​សម្រាប់រដ្ឋាភិបាល​​ថៃ ចំពេល​ប្រទេស​កំពុង​កើត​មាន​​ភាពតានតឹងផ្នែកនយោបាយ។

នៅព្រឹកមិញនេះ នាយករដ្ឋមន្ត្រីស្តីទី លោក Suriya Juangroongruangkit បានដឹកនាំគណៈប្រតិភូគណៈរដ្ឋមន្ត្រីទាំងមូលទៅកាន់​ព្រះបរមរាជវាំង ដើម្បីចូលក្រាបបង្គំគាល់​ព្រះមហាក្សត្រ។ លោក​ស្រី ផែនថងថាន ត្រូវ​​បានតែងតាំង​តំណែង​ជា​រដ្ឋមន្ត្រី​ក្រសួង​វប្បធម៌ ខណៈ​គណៈ​រដ្ឋមន្ត្រី​ចំនួន​១៣​រូប​ផ្សេង​ទៀត​រួមមាន៖

គណៈ​រដ្ឋមន្ត្រី​ដែល​ផ្ទេរ​ទៅ​កាន់​តួនាទី​ថ្មី​៖

• លោក Phumtham Wechayachai រដ្ឋមន្ត្រីក្រសួងមហាផ្ទៃ
• លោកស្រី Sudawan Wangsuphakijkosol រដ្ឋមន្ត្រីក្រសួងអប់រំឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍
• លោកស្រី Narumon Pinyosinwat រដ្ឋមន្ត្រីក្រសួងអប់រំ
• លោក Dechit Khaothong អនុរដ្ឋមន្ត្រីក្រសួងមហាផ្ទៃ

រដ្ឋមន្ត្រី​ដែល​ទើប​តែងតាំង​ថ្មី​៖

• លោក Suchart Tancharoen រដ្ឋមន្ត្រីទទួលបន្ទុកទីស្តីការនាយករដ្ឋមន្រ្តី
• លោក Jatuporn Buruspat រដ្ឋមន្ត្រីក្រសួងពាណិជ្ជកម្ម
• លោក Chantawich Tanthasit អនុរដ្ឋមន្ត្រីក្រសួងពាណិជ្ជកម្ម
• លោក Pongkawin Jungrungruangkit រដ្ឋមន្ត្រីក្រសួងការងារ
• លោក Linthiphon Warinwatcharoj អនុរដ្ឋមន្ត្រីក្រសួងអប់រំ
• លោក Attakorn Sirilattayakorn រដ្ឋមន្ត្រីក្រសួងកសិកម្ម និងសហករណ៍
• លោក Tewan Liptapallop អនុរដ្ឋមន្ត្រីក្រសួងអប់រំ
• លោក Anucha Sasomsub អនុរដ្ឋមន្ត្រីក្រសួងសុខាភិបាល
• លោក Chaichana Dechdecho អនុរដ្ឋមន្ត្រីក្រសួងសុខាភិបាល