ថ្មីទៀតហើយ! សារព័ត៌មាន ថៃ ផ្សាយថា ជនកំសាកវាយទាហានកម្ពុជា គឺដោយសារច្រឡំមនុស្ស

បន្ទាប់ពីមេភូមិភាគ២ថៃ Boonsin Phadklang និយាយថា ជនកំសាកលួចវាយទាហានកម្ពុជានៅប្រាសាទតាមាន់ធំកាលពីថ្ងៃអាទិត្យទី១៣ខែកក្កដាឆ្នាំ២០២៥ ប្រហែលជាដោយសារទប់អារម្មណ៍មិនជាប់ ស្រាប់តែសារព័ត៌មាន Thairath បានចុះផ្សាយដោះសារយ៉ាងហួសចិត្តថា ជនដៃដល់ឈ្មោះ Sommai Srisukranan គឺវាយទាហានកម្ពុជា ដោយច្រឡំថាជាទាហានម្នាក់ទៀតដែលចង្អុលមុខទាហានថៃកាលពីប៉ុន្មានថ្ងៃមុន។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Thairath បានចេញផ្សាយនៅថ្ងៃអង្គារទី១៥ខែកក្កដាឆ្នាំ២០២៥ថា ក្នុងនាមជាអ្នកទេសចរមិនមែនទាហានឈុតខ្មៅនៅប្រាសាទតាមាន់ធំរបស់កម្ពុជា, Sommai និងជនកំសាកម្នាក់ទៀត បានវាយទាហានកម្ពុជាច្រឡំមនុស្ស ព្រោះតែរូបរាងនិងភិនភាគស្រដៀងគ្នាទៅនឹងទាហានម្នាក់ទៀត។ 

ជនកំសាក Sommai Srisukranan ត្រូវបានកងទ័ពជើងគោកថៃ អះអាងថាជាអតីតយោធាស្ម័គ្រចិត្ត បច្ចុប្បន្នកាន់តំណែងជាប្រធានក្លឹបយោធាស្ម័គ្រចិត្ត Pak Thong Chai និងជាប្រធានបណ្តាញអតីតយុទ្ធជនខេត្ត Samut Sakhon។

តាមរយៈការលើកឡើងពីខាងភាគីថៃ បានបង្ហាញឲ្យឃើញយ៉ាងច្បាស់ថា ថៃគឺជាជាតិសាសន៍មួយដែលប្រជាជនមួយចំនួនគ្មានការគ្រប់គ្រងក្នុងខ្លួន ងាយនឹងប្រើអំពើហិង្សា មិនចេះបែងចែករកខុសត្រូវហើយមិនចេះអត់ធ្មត់ និងចូលចិត្តលាបពណ៌ខុសពីកម្ពុជាដាច់៕

អត្ថបទ៖ សុខ សុវណ្ណ

ចុចអាន៖ មេភូមិភាគ២ថៃ ថា ជនកំសាកដែលលួចវាយទាហានកម្ពុជា ប្រហែលដោយសារទប់អារម្មណ៍មិនជាប់