ថៃ ស្នើឲ្យកម្ពុជាដោះមីនចាស់ៗ, ចុះហេតុអ្វីថា ទាហានជាន់មីនក្នុងដីថៃ?

អនុរដ្ឋមន្ត្រីក្រសួងការពារជាតិថៃ Nattapon Nakpanich បានស្នើឲ្យកម្ពុជាដោះមីនចាស់ៗនៅតំបន់ព្រំដែន បន្ទាប់ពីទាហានរបស់ខ្លួន៣នាក់ដើរជាន់មីន ​ក្នុងនោះមានម្នាក់របួសធ្ងន់ត្រូវដាច់ជើងម្ខាង។

ថៃ អះអាងរួចមកហើយថា ទាហានទាំង៣បានដើរជាន់មីនក្នុងទឹកដីរបស់ខ្លួន នៅស្រុក ណាំយឿន នៃខេត្ត Ubon Ratchathani ប៉ុន្តែបែរជាអំពាវនាវឲ្យកម្ពុជា ដោះមីនទៅវិញ។ ដូច្នេះគ្មានអ្វីត្រូវសង្ស័យឡើយ នោះគឺជាការទទួលស្គាល់របស់ថៃ ថា ទាហានខ្លួនបានចូលដីរបស់កម្ពុជា ហើយមីនទាំងនោះ គឺសល់ពីសម័យខ្មែរក្រហម។

ការអំពាវនាវរបស់អនុរដ្ឋមន្ត្រីក្រសួងការពារជាតិថៃ ធ្វើឡើងអំឡុងពេលលោកទៅសួរសុខទុក្ខទាហានដែលរងគ្រោះដោយផ្ទុះមីននៅឯមន្ទីរពេទ្យខេត្ត Ubon Ratchathani។

ការអំពាវនាវនេះទៀតសោត កើតឡើងចំពេលភូមិភាគ២ថៃ បានបញ្ជូនក្រុមដោះគ្រាប់បែកទៅកាន់តំបន់មុំ៣ដើម្បីធ្វើកោសល្យវិច្ច័យ និងប្រមូលព័ស្តុតាងបន្ថែមទៀត។

ឥឡូវភូមិភាគ២ថៃ កំពុងរង់ចាំការបញ្ជាក់ថាតើ គ្រាប់នេះនៅសល់តាំងពីសម័យខ្មែរក្រហម ឬទើបបង្កប់ថ្មី៕

អត្ថបទ៖ សុខ សុវណ្ណ

ចុចអាន៖ ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម