ព័ត៌មានអន្ដរជាតិ
ត្រាំ ចោទប្រកាន់មេដឹកនាំរុស្ស៊ី ចិន និងកូរ៉េខាងជើង ពីបទ«ឃុបឃិតគ្នាប្រឆាំងអាមេរិក»
ប្រធានាធិបតីអាមេរិក លោក ដូណាល់ ត្រាំ បានចោទប្រកាន់មេដឹកនាំចិន រុស្ស៊ី និងកូរ៉េខាងជើង ថាបានឃុបឃិតគ្នាប្រឆាំងសហរដ្ឋអាមេរិក ខណៈដែលទីក្រុងប៉េកាំងបានធ្វើព្យុហយាត្រាយោធាដ៏ធំបំផុតមិនធ្លាប់មានរបស់ខ្លួននាថ្ងៃទី៣កញ្ញានេះ ដោយបង្ហាញពីអាវុធជំនាន់ថ្មី និងបច្ចេកវិទ្យាការពារជាតិ។
នៅលើបណ្ដាញសង្គម Truth Social លោក ត្រាំ បានចោទសួរថាតើប្រធានាធិបតីចិន ស៊ី ជីនពីង មានធ្លាប់ទទួលស្គាល់«ទំហំនៃការគាំទ្រ និងញើសឈាមដ៏ច្រើន» ដែលសហរដ្ឋអាមេរិកបានជួយដល់ប្រទេសចិន ក្នុងការធានាសេរីភាពពីការឈ្លានពានបរទេស ដែលជាឯកសារយោងសម្រាប់សង្រ្គាមលោកលើកទី២ដែរឬក៏អត់។
លោក ត្រាំ បាននិយាយថា ជនជាតិអាមេរិកជាច្រើនបានស្លាប់នៅក្នុងការតស៊ូរបស់ប្រទេសចិន ហើយបានសម្តែងក្តីសង្ឃឹមថា ការលះបង់របស់ពួកគេនឹងត្រូវបាន«គោរព និងចងចាំយ៉ាងត្រឹមត្រូវ»។ មេដឹកនាំអាមេរិករូបនេះ បានបន្ថែមថា «សូមឲ្យប្រធានាធិបតី ស៊ី និងប្រជាជនដ៏អស្ចារ្យនៃប្រទេសចិន មានថ្ងៃដ៏អស្ចារ្យ និងយូរអង្វែងនៃការប្រារព្ធពិធី។ សូមគោរពយ៉ាងកក់ក្តៅបំផុតចំពោះ [ប្រធានាធិបតីរុស្ស៊ី] វ៉្លាឌីមៀរ ពូទីន និង [មេដឹកនាំកូរ៉េខាងជើង] គីម ជុងអ៊ុន ខណៈអ្នករាល់គ្នាបានឃុបឃិតគ្នាប្រឆាំងនឹងសហរដ្ឋអាមេរិក»។
សូមជម្រាបថា ក្បួនព្យុហយាត្រានៅទីលានធានអានមេន បង្ហាញអំពីការដើរក្បួនកងទ័ព រថពាសដែក យន្តហោះចម្បាំង និងប្រព័ន្ធទំនើបៗ រួមទាំងអាវុធល្បឿនលឿនជាងសំឡេង ប្រព័ន្ធគ្មានមនុស្សបើក ឧបករណ៍សង្គ្រាមអេឡិចត្រូនិក និងឧបករណ៍ប្រយុទ្ធក្រោមទឹក ដែលផលិតក្នុងស្រុកទាំងអស់។
ការគោរពដោយកាំភ្លើងធំបានបើកព្រឹត្តិការណ៍នេះ បន្ទាប់មកលោក ស៊ី និងជំទាវទីមួយ Peng Liyuan បានស្វាគមន៍ឥស្សរជនដែលមកទស្សនា។ លោក ស៊ី បានប្រកាសថា ពិភពលោកប្រឈមមុខនឹងជម្រើសរវាងសន្តិភាព និងសង្រ្គាម ហើយបានជំរុញឲ្យប្រទេសនានា«លុបបំបាត់ដើមហេតុនៃជម្លោះ»។
មេដឹកនាំបរទេសសំខាន់ៗដែលចូលរួមមាន លោក ពូទីន, លោក គីម, ប្រធានាធិបតីអ៊ីរ៉ង់លោក Masoud Pezeshkian, នាយករដ្ឋមន្រ្តីប៉ាគីស្ថាន Shehbaz Sharif, ប្រមុខរបបយោធាមីយ៉ាន់ម៉ា Min Aung Hlaing, នាយករដ្ឋមន្រ្តីស្លូវ៉ាគី Robert Fico, ប្រធានាធិបតីស៊ែប៊ី Aleksandar Vucic, ប្រធានាធិបតីម៉ុងហ្គោលី Khurelsukh Ukhnaa, ប្រធានាធិបតីអ៊ូសបេគីស្ថាន Shavkat Mirziyoyev និងប្រធានាធិបតីបេឡារុស Alexander Lukashenko៕
ដោយ៖ ឈាង
ចុចអាន៖ ចិន បង្ហាញមីស៊ីលដ៏អស្ចារ្យ មានសមត្ថភាពបាញ់ដល់អាមេរិក
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៦ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
ព័ត៌មានអន្ដរជាតិ៣ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម១ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៤ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៣ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ
-
ព័ត៌មានអន្ដរជាតិ២ ថ្ងៃ agoណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត