ព័ត៌មានអន្ដរជាតិ

អ្នកវិទ្យាសាស្រ្ត សិក្សាឃើញថា បាងកក ជាទីក្រុងនឹងលិចលង់

បានផុស

៩ ខែ មុន

នៅ

ថ្ងៃព្រហស្បតិ៍ ២៥ កញ្ញា ២០២៥

ដោយ

ហេតុការណ៍បាក់ស្រុតដីនៅទីក្រុងបាងកកកាលពីថ្ងៃពុធ បានរំឭកឡើងវិញនូវលទ្ធផលនៃការស្រាវជ្រាវរបស់អ្នកវិទ្យាសាស្រ្តលើការប្រែប្រួលអាកាសធាតុ ដោយហៅ ទីក្រុងបាងកកថា «ជាទីក្រុងលិចលង់ (The Sinking City)» និងប្រឈមបញ្ហាធ្ងន់ធ្ងរបំផុត ដោយសារកត្តាអាកាសធាតុនិងទីតាំងភូមិសាស្រ្តទីក្រុងនេះស្ថិតនៅក្រោមនីវ៉ូទឹកសមុទ្រ។

ទីតាំងបាក់ស្រុតដីនិងថ្នល់នៅទីក្រុងបាងកកកាលថ្ងៃទី២៤ខែកញ្ញា។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពដ៏គួរឲ្យរន្ធត់ខ្លាំងនៅពេលដឹងថា ផ្លូវថ្នល់បាក់ស្រុតទៅក្រោមរហូតដល់ជម្រៅ៥០ម៉ែត្រ គឺជាហេតុការណ៍ដ៏កម្របំផុតនៅលើលោក។ ទិដ្ឋភាពនៅទីក្រុងបាងកកហាក់ដូចជាការបន្ថែមដ៏គួរឱ្យភ្ញាក់ផ្អើលមួយចំពោះបញ្ជីវិបត្តិការប្រែប្រួលអាកាសធាតុ។

អត្ថបទស្រាវជ្រាវដោយ Urban Land Institute ដែលបានផ្សព្វផ្សាយកាលពីខែមិថុនាឆ្នាំ២០១៩ បានហៅទីក្រុងបាងកករបស់ប្រទេស ជា«ទីក្រុងលិច» ដោយសារតែកត្តាអកាសធាតុប្រែប្រួល និងធ្វើឲ្យទីក្រុងនេះជួបស្ថានភាពកាន់តែអាក្រក់។

ករណីសិក្សាមួយពីសន្ទស្សន៍ហានិភ័យអាកាសធាតុ (Climate Risk Index) សកលឆ្នាំ២០១៧ ដោយអង្គការក្រៅរដ្ឋាភិបាល Germanwatch បានពិនិត្យមើលស្ថានភាពរបស់«ទីក្រុងបាងកក» ដោយសន្មត់ថាសីតុណ្ហភាពនឹងកើនឡើង៤អង្សាសេ នាពេលអនាគត។ នៅក្រោមសេណារីយ៉ូនេះ ទីក្រុងបាងកកនឹងជួបប្រទះទឹកជំនន់យ៉ាងធ្ងន់ធ្ងរ ហើយប្រហែល៤០%នៃទីក្រុងនេះ នឹងជន់លិចដោយព្រឹត្តិការណ៍ភ្លៀងធ្លាក់ខ្លាំង និងការកើនឡើងកម្រិតទឹកសមុទ្រ (SLR) ដល់ទៅ១៥សង់ទីម៉ែត្រនៅឆ្នាំ ២០៣០។

បើក្រឡេកទៅមើលកាន់តែវែងឆ្ងាយទៅទៀត ការសិក្សាបានបង្ហាញពីការជន់លិច រហូតដល់ទៅ ៧០ភាគរយនៃទីក្រុងបាងកក ដោយកម្ពស់ទឹកសមុទ្រកើនឡើង(SLR)ដល់ទៅ៨៨សង់ទីម៉ែត្រតាមការព្យាករណ៍ដល់ឆ្នាំ២០៨០។

ការផ្សព្វផ្សាយដោយគេហទំព័រ www.preventionweb.net នៅក្នុងប្រទេសថៃ ឥទ្ធិពលនៃការប្រែប្រួលអាកាសធាតុ ត្រូវបានគេមានអារម្មណ៍ថា នៅក្នុងដីតាមបណ្តោយទន្លេ និងដីសណ្ត ដែលភាគច្រើននៅក្នុងតំបន់ទន្លេចៅប្រាយ៉ា (Chao Phraya) ។ ហើយទីក្រុងបាងកកគឺងាយរងគ្រោះដោយសារទីក្រុងនៃប្រឡាយនេះដែលហៅថា Venice of Asia គឺនៅពីលើនីវ៉ូទឹកសមុទ្រ តិចតួចណាស់។ តាមរយៈវិធានការមួយចំនួន ទន្លេនេះបានធ្លាក់ចុះក្រោមនីវ៉ូទឹកសមុទ្ររួចហើយ។ វាស្ថិតក្នុងចំណោមទីក្រុងដែលលិចលឿនបំផុតរបស់ពិភពលោក។

របាយការណ៍ដែលសិក្សាដោយ Urban Land Institute ក៏រកឃើញថា រាជធានីនៃប្រទេសថៃកំពុងលិចទឹកដល់ទៅ ២ សង់ទីម៉ែត្រ ក្នុងមួយឆ្នាំ ដោយគំរាមកំហែងដល់ទីក្រុងនេះដែលមានប្រជាជនជាង១១លាននាក់ នៅឆ្នាំ២០២៣។

ទន្លេចៅប្រាយ៉ា បានក្លាយទៅជាទឹកជំនន់ជាទៀងទាត់ ដែលធ្ងន់ធ្ងរបំផុតក្នុងឆ្នាំ ២០១១ នៅពេលដែលភ្លៀងធ្លាក់ខ្លាំងបានធ្វើឱ្យផ្លូវទឹកនៅភាគខាងជើង ហូរហៀរ និងលិចទីក្រុងបាងកកអស់រយៈពេលជាច្រើនខែ។ ទឹកជំនន់ឆ្នាំ ២០១១ បណ្តាលឱ្យមនុស្សស្លាប់ជាង ៨០០នាក់ និងការចំណាយប្រាក់ប៉ាន់ស្មាន៥០ពាន់លានដុល្លារអាមេរិក និងប៉ះពាល់ដល់មនុស្ស ១៣លាននាក់។

សន្ទស្សន៍ហានិភ័យអាកាសធាតុសកលឆ្នាំ ២០១៧ បានដាក់ចំណាត់ថ្នាក់ប្រទេសថៃក្នុងចំណោមប្រទេសកំពូលទាំង ១០ នៅលើពិភពលោកដែលរងផលប៉ះពាល់ខ្លាំងបំផុតដោយការប្រែប្រួលអាកាសធាតុ។

ការរស់រានមានជីវិតរបស់ទីក្រុងបាងកកគឺស្ថិតក្នុងហានិភ័យ ខណៈដែលសីតុណ្ហភាពនៅតែបន្តកើនឡើងជារៀងរាល់ឆ្នាំ ដែលរួមចំណែកបន្ថែមដល់ការកើនឡើងកម្ពស់ទឹក។ ធនាគារពិភពលោកបានព្យាករណ៍ថា ៤០ភាគរយនៃទីក្រុងបាងកកអាចនឹងត្រូវបានជន់លិចនៅដើមឆ្នាំ ២០៣០ ដោយសារតែភ្លៀងធ្លាក់ខ្លាំង និងការប្រែប្រួលនៃគំរូអាកាសធាតុ។

ហេតុការណ៍បាក់ស្រុតដី ថ្នល់ក្នុងជម្រៅដ៏ជ្រៅរហូតដល់៥០ម៉ែត្រ គឺជាក្តីបារម្ភមួយរបស់អ្នករស់នៅទីក្រុងបាងកក និងហាក់ដូចពញ្ញាក់ស្មារតីឲ្យដឹងអំពីការសិក្សារបស់អ្នកវិទ្យាសាស្រ្តដែលមើលឃើញអនាគតទីក្រុងបាងកកដែលស្ថិតនៅក្នុងហានិភ័យខ្ពស់៕

Related Topics:Featured ទឹកជំនន់ប្រទេសថៃ ទីក្រុងបាងកក

ព័ត៌មានអន្ដរជាតិ១ សប្តាហ៍ ago

ធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់

ព័ត៌មានជាតិ៥ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

សន្តិសុខសង្គម៧ ថ្ងៃ ago

ត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា

ព័ត៌មានអន្ដរជាតិ៤ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានអន្ដរជាតិ៧ ថ្ងៃ ago

យន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់

ព័ត៌មានជាតិ៦ ថ្ងៃ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា