ព័ត៌មានអន្ដរជាតិ

លោក អានុទីន ទៅទស្សនកិច្ចខេត្តសុរិន្ទ ដោយនាំទាំងរដ្ឋមន្ត្រីការពារជាតិទៅផង

បានផុស

៨ ខែ មុន

នៅ

ថ្ងៃព្រហស្បតិ៍ ២ តុលា ២០២៥

ដោយ

លោក អានុទីន ចានវីរៈគុល (Anutin Charnvirakul) នាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ នឹងទៅទស្សនកិច្ចនៅខេត្តសុរិន្ទរបស់ប្រទេសថៃ ជាប់នឹងខេត្តឧត្តរមានជ័យរបស់ប្រទេសកម្ពុជានៅថ្ងៃទី៣ខែតុលា ស្របពេលដែលបញ្ហាជម្លោះព្រំដែនរវាងកម្ពុជានិងថៃនៅតែអូសបន្លាយ។

លោក អានុទីន ចានវីរៈគុល (Anutin Charnvirakul) នាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ។ The standard

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មានបាងកកប៉ុស្តិ៍របស់ថៃ បានផ្សាយថា នាយករដ្ឋមន្ត្រី អានុទីន អមដំណើរដោយរដ្ឋមន្ត្រីក្រសួងការពារជាតិ នាយឧត្តមសេនីយ៍ Nataphol Nakphanich នឹងទៅបំពេញទស្សនកិច្ចនៅខេត្តសុរិន្ទ។

មិនមានព័ត៌មានលម្អិតអំពីដំណើរទស្សនកិច្ចរបស់នាយករដ្ឋមន្ត្រីអានុទីននោះទេ ប៉ុន្តែមានការលើកឡើងថា ក្រោយទទួលបានអំណាចពេញលេញ លោក អានុទីន ត្រូវទៅកាន់តំបន់ខេត្តដែលមានការគាំទ្រខ្លាំងចំពោះគណបក្សភូមិចៃថៃរបស់លោក ក្នុងការបោះឆ្នោតកាលពីខែឧសភាឆ្នាំ២០២៣។

គណបក្សភូមិចៃថៃ បានឈ្នះឆ្នោតលំដាប់លេខរៀងទី៣ បន្ទាប់ពីគណបក្សឆ្ពោះទៅមុខ និង គណបក្សភឿថៃរបស់លោកស្រី ផែថងថាន ស៊ីណាវ៉ាត្រ។ តាមសេចក្តីរាយការណ៍កន្លងមក គណបក្សភូមិចៃថៃមានភាពខ្លាំងនៅក្នុងខេត្តបុរីរាំ ខេត្តសុរិន្ទ ខេត្ត ណាខនរាជាសីមា (Nakhon Ratchasima (Korat)) និងខេត្តផ្សេងៗទៀតនៅតំបន់ភាគឦសាន្តថៃ ដូចជា ខេត្ត Sisaket ខេត្ត Ubon Ratchathani, និង ខេត្ត Amnat Charoen។

ដំណើរទស្សនកិច្ចរបស់នាយករដ្ឋមន្ត្រីថៃដែលទើបប្រកាសអនុវត្តគោលនយោបាយរបស់ខ្លួននៅមុខសភាកាលថ្ងៃទី២៩និងថ្ងៃទី៣០ខែកញ្ញាកន្លងទៅនេះ ក៏កើតឡើងចំពោះដែលស្ថានភាពជម្លោះព្រំដែនរវាងកម្ពុជានិងថៃមិនទាន់ធូរស្រាល និង មិនទាន់រកច្រកចេញឃើញនៅឡើយ។

នៅថ្ងៃទី២ខែតុលានេះ រដ្ឋាភិបាលថៃដឹកនាំដោយលោក អានុទីន ក៏បានប្រជុំក្រុមប្រឹក្សាសន្តិសុខជាតិ (NSC) ដើម្បីពិនិត្យមើលផ្លាស់ប្តូរក្បាលម៉ាស៊ីនដឹកនាំនៃគណៈកម្មការព្រំដែនចម្រុះ (JBC) ភាគីថៃ ដើម្បីជំនួសតំណែង លោក Prasas Prasasvinitchai ដែលទើបបានដឹកនាំប្រតិភូចរចាព្រំដែនថៃមកប្រជុំនៅកម្ពុជាកាលថ្ងៃទី១៤ខែមិថុនា ២០២៥កន្លងទៅនេះនៅរាជធានីភ្នំពេញ៕

រ៉ាន់ រើយ