Connect with us

សុខភាព

អ្នកជំងឺ​ទឹកនោមផ្អែម​គួរ​ដឹង​ពី​របប​អាហារ​ដ៏​ត្រឹមត្រូវ​!

បានផុស

នៅ

​ទី​១) របប​អាហារ​ជា​អ្វី​?

​រស់នៅ​ដោយ​ផាសុកភាព ជា​កិច្ចការ​ចាំបាច់​ចាំបាច់​សម្រាប់​មនុស្ស​ទូទៅ និង​ជាពិសេស​សម្រាប់​អ្នកជំងឺ​ទឹកនោមផ្អែម​។ សូមបញ្ជាក់ថា​ អាហារ​ដែល​ល្អ​សម្រាប់​មនុស្ស​ដែលមាន​ជំងឺ​ទឹកនោមផ្អែម គឺ​វា​ល្អ​សម្រាប់​មនុស្ស​ទូទៅ​(​មិនមែនជា​អាហារ​តម​ទេ ដូច​ការលើកឡើង​នៃ​មនុស្ស​មួយចំនួន​នោះទេ​)៖

Healthy Food Relationships | Mental Health Treatment
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

– ជៀសវាង​អាហារ​ដែល​សំបូរ​ខ្លាញ់​

– អាច​ហូប​បាន​ច្រើន បន្លែ ផ្លែឈើ​មិន​ទុំ​ខ្លាំងពេក គ្រាប់​ធញ្ញជាតិ និង​បរិភោគ​បាយ​សំរូប​

– ហូប​បរិមាណ​តិចតួច​នូវ​ជាតិ​ស្ករ​កែច្នៃ (​ដំណាប់ និង​ស្ករ​គ្រាប់​)

– រក្សា​បរិមាណ​ជាតិ​ស្រវឹង​សមរម្យ​

– បញ្ចប់​ការជក់បារី​ជាដាច់ខាត​

– បរិភោគ​ឲ្យ​បាន​ទៀងពេល (​ជៀសវាង​ការ​បង្អត់អាហារ​)

​ទី​២) ការពិនិត្យ​ជា​ស្ករ តាមដាន​ជាតិ​ស្ករ​ព្រឹកព្រហាម​មុន​អាហារ ដើម្បី​បញ្ជាក់​ថា ​មាន​ជំងឺ​ទឹកនោមផ្អែម​មែន​ឫ មិនមែន​?

​នៅពេល​បរិភោគ​ចូលទៅ នោះ អាហារ​ត្រូវ​បាន​បំបែក​ជា​គ្លុយ​គូស​(​ជាតិ​ស្ករ​)​។ ជាតិ​ស្ករ​ទាំងនោះ ជួយ​កោសិកា​របស់​អ្នកបង្កើត​ថាមពល​ដែល​អ្នកត្រូវការ​សម្រាប់​សុខភាព​។ អាំង​ស៊ុយ​លីន​ជា​អ័រម៉ូន​សំខាន់​តែមួយគត់​ក្នុង​ខ្លួន​មនុស្ស​យើង ដែលមាន​ភារកិច្ច​ដឹកនាំ​ជាតិ​ស្ករ​យកទៅ​ប្រើប្រាស់​នៅ​គ្រប់​កោសិកា​នៃ​រាងកាយ​ទាំងមូល ដើម្បី​បម្លែង​ទៅជា​ប្រភព​ថាមពល អាចឲ្យ​ជីវិត​អាច​រស់​នៅបាន​។ នៅពេលដែល រាងកាយ​យើង​មិនអាច​ប្រើប្រាស់​ឲ្យ​មាន​ប្រសិទ្ធិភាព​ដូច​ធម្មតា​នូវ​អ័រម៉ូន​ឈ្មោះ​អាំង​ស៊ុយ​លីន នោះ​នាំឲ្យ​ការ​លើស​ជាតិ​ស្ករ​ក្នុង​ឈាម (​ឫ​ហៅថា ជំងឺ ទឹកនោមផ្អែម​)​។ មានន័យថា ឫ​មួយ មាន​អាំង​ស៊ុយ​លីន​គ្រប់​គ្រាន់តែ​គ្មាន​ប្រសិទ្ធិភាព ឫ​មួយ​មាន​អាំង​ស៊ុយ​លីន​មាន​ប្រសិទ្ធិភាព តែ​បរិមាណ​មិន​គ្រប់គ្រាន់​សម្រាប់​ដឹកជញ្ជូន​ស្ករ​យកទៅ​ប្រើប្រាស់ ឬមួយ​មាន​បញ្ហា​ទាំងពីរ (​ដែលជា​ករណី​ទូទៅ​ភាគច្រើន នៃ​ជំងឺ​ទឹកនោមផ្អែម​ប្រភេទ​ពីរ កើត​លើ​មនុស្ស​ធំ​)​។​

Diabetes: The Best Times to Test Your Blood Sugar

​បញ្ជាក់​៖

​ការ​លើស​ជាតិ​ស្ករ​ក្នុង​ឈាម ជា​ក្តីកង្វល់​ចម្បង​ដ៏​ធំ​នៃ​វេជ្ជសាស្ត្រ​យើង​នាពេល​បច្ចុប្បន្ន ពីព្រោះ​ផ្តើមចេញពី​បញ្ហា​លើស​ជាតិ​ស្ករ​ក្នុង​ឈាម​តែមួយ​មុខ នាំទៅដល់​ផលប៉ះពាល់​ស្ទើរ​គ្រប់​សរីរាង្គ​ទាំងអស់ ដែល​អាច​នាំទៅដល់​ទាំង​ពិការភាព និង​អាយុជីវិត​។​

​បើ​មិនបាន​ព្យាបាល​ត្រឹមត្រូវ​និង​ឲ្យ​ទាន់​ពេលវេលា ជំងឺ​នេះ​បណ្តាល​ឲ្យ​មាន​ផលវិបាក​ធ្ងន់ធ្ងរ​ជាច្រើន​ដូចជា​៖

– ផលប៉ះពាល់​បណ្តាល​ខ្សោយតម្រងនោម​

– ការ​ខូច​សាច់ដុំ​បេះដូង ដោយ​មកពី​ស្ទះ​សរសៃ​ឈាម​បេះដូង​

– ដាច់ ឬ​ស្ទះ​សរសៃឈាម​ខួរក្បាល​

– ពិការភាព​ភ្នែក​

– និង​ការបាត់បង់​ការដឹង​ប្រព័ន្ធ​ប្រសាទ​អវយវៈ ដែល​នាំ​ដល់​ការ​ងាយ​មាន​របួស​ជើង និង​ការវះកាត់​ជើង​

​ទី​៣) ការ​ធ្វើ​លំ​ហាត់ប្រាណ​

– អ្វីដែល​អ្នក​គួរ​ធ្វើ មុន​ចាប់ធ្វើ​ហាត់ប្រាណ​៖

• ស្លៀកពាក់​សំលៀកបំពាក់​សមល្មម​មិន​តឹង​ពេក ពាក់​ស្បែក​ជើងមាន​ទ្រនាប់​ស្រួល​ហ្វឹកហាត់​

• យកតាម​ខ្លួន​នូវ​ដំ​ស្ករ សម្រាប់​ពេល​ចុះ​ជាតិ​ស្ករ​ខ្លាំង​

• សូម​ពិនិត្យ​ជាតិ​ស្ករ​មុន និង​ក្រោយ​ពេលធ្វើ​លំ​ហាត់ប្រាណ​

– លំ​ហាត់ប្រាណ​ប្រភេទ​ណាមួយ​ដែល​អ្នក​ចូលចិត្ត (​ហែល​ទឹក ការដើរ ការ​រាំ លេង​តេ​នី​ស វាយ​សី ទាត់​បាល់ និង​ការងារ​ផ្ទះ​

– គួរ​ធ្វើ​ឲ្យ​បាន ៣០​នាទី​ក្នុង​មួយថ្ងៃ និង ៥​ថ្ងៃ​ក្នុង​មួយ​សប្តាហ៍​

– បើសិន​អ្នក​ចាក់​ផ្តើម​ចាក់​អាំង​ស៊ុយ​លីន សូម​ធ្វើការ​ហាត់ប្រាណ​សន្សឹមៗ ដោយមាន​ដំបូន្មាន​ពី​វេជ្ជបណ្ឌិត ឬ​អ្នកជំនាញ​

​បញ្ជាក់​៖ ផលប្រយោជន៍​ពី​ការធ្វើ​លំ​ហាត់ប្រាណ​៖

• ធ្វើ​ឲ្យ​ប្រសើរ​នូវ​ការគ្រប់គ្រង​ជាតិ​ស្ករ​របស់​អ្នក​

• ធ្វើ​ឲ្យ​ប្រសើរ​នូវ​សម្ពាធ​ឈាម និង​ចលនា​សន្លាក់​

• ជួយ​ឲ្យ​អ្នក​ស្រក ឫ​រក្សា​ទម្ងន់​បានល្អ​

• ធ្វើ​ឲ្យ​អ្នកមាន​អារម្មណ៍ល្អ ដែលជា​ផល​វិជ្ជមាន​ប្រសើរ​បំផុត​សម្រាប់​សុខភាព​បេះដូង​

“​ដើម្បី​ស្វែងយល់​បន្ថែម​ពី​របប​ចំណីអាហារ ក៏ដូចជា​វិធី​ធ្វើយ៉ាងណា​អោយ​សុខភាព​ល្អ បងប្អូន​អាចមក​ប្រឹក្សា​ជាមួយនឹង​ក្រុម​គ្រូ ពេទ្យ​ឯកទេស​ជំងឺ​ទឹកនោមផ្អែម​នៅ​មន្ទីរពេទ្យ​កាល់ម៉ែត បានជា​រៀងរាល់ថ្ងៃ​”៕

អត្ថបទ៖ ​រស្មី​

សូមចុចអាន៖ ធាត់ទ្រលុកទ្រលន់ សម្បូរខ្លាញ់ ប្រឈមកើតជំងឺមហារីកច្រើនមុខ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៣ នាទី មុន

ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក

ព័ត៌មានជាតិ២៩ នាទី មុន

ទៅ​លេង​សៀមរាប​ ចាយត្រឹម ៥ ដុល្លារ ទទួល​​បទ​ពិសោធន៍​​ជិះ​កន្រ្តក​វិល​ខ្ពស់​បំផុត​ទី ៣ នៅ​អាស៊ាន

ព័ត៌មានជាតិ៤២ នាទី មុន

គិត​ត្រឹម​ឆ្នាំ ២០២២ កម្ពុជាសម្រេចសាងសង់ផ្លូវសរុបបា​ន​ប្រវែងប្រមាណ ៦៦ ៧២៣​ គីឡូម៉ែត្រ

ជីវិតកម្សាន្ដ១ ម៉ោង មុន

មុនលាចាកលោក តួប្រុសរឿង នាងណាត ថៃ បន្សល់ស្នាដៃធំ ៥ សុទ្ធតែល្បីរន្ទឺប្រចាំប្រទេស

ព័ត៌មានអន្ដរជាតិ១ ម៉ោង មុន

រុស្ស៊ី ថា អាមេរិក គួរតែប្រញាប់ប្រាប់ព័ត៌មានរឿងវាយប្រហារភេរវកម្មនៅ​ក្រុងមូស្គូឲ្យហើយមក

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម