ជីវិតកម្សាន្ដ

នាយព្រីង ត្រូវកាត់ជេីង ដោយសារទទួលទានភេសជ្ជៈប៉ូវកម្លាំងរាល់ថ្ងៃ

បានផុស

១ year មុន

នៅ

ថ្ងៃព្រហស្បតិ៍ ១៦ មករា ២០២៥

ដោយ

តារាកំប្លែង នាយព្រីង ទុំ បានទម្លាយមូលហេតុចម្បងតែមួយគត់ ដែលនាំឱ្យលោកកេីតជំងឺទឹកនោមផ្អែមធ្ងន់ធ្ងរ រហូតឈានដល់ដំណាក់កាលកាត់ជេីងឆ្វេងចោល គឺដោយសារតែទទួលទានភេសជ្ជៈប៉ូវកម្លាំង (Energy Drink) ជារៀងរាល់ថ្ងៃ។ លោកបានបញ្ជាក់មូលហេតុមួយនេះ ទៅកាន់លោក សាវិន ហ្វីលីព នៅក្នុងកម្មវិធីជីវិតតារា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងជើងចាស់ និងជាតួអង្គយក្សល្ខោនបាសាក់ នាយ ព្រីង ទុំ កាលពីថ្មីៗនេះ ទើបតែត្រូវបានក្រុមគ្រួសារបញ្ចូនទៅព្យាបាលនៅមន្ទីពេទ្យ បន្ទាប់ពីស្ថានភាពជំងឺទឹកនោមផ្អែមរបស់លោកធ្វើទុក្ខខ្លាំង រហូតឈានដល់ការវះកាត់ជើងឆ្វេងម្ខាងចោល។

បើតាមលោក ជី ចំណាប់ ដែលត្រូវជាកូនប្រុសតារាកំប្លែងនាយ ព្រីង ទុំ កាលពីពេលកន្លងទៅថ្មីៗនេះ ក៏ធ្លាប់បានប្រាប់ពីស្ថានភាពជំងឺរបស់ឪពុកខ្លួនដែរថា នាយ ព្រីង ទុំ មានជំងឺមួយចំនួនដូចជា ទឹកនោមផ្អែម លើសឈាម ឡើងអាស៊ីដ ហើយធ្វើទុក្ខខ្លាំងរហូតដំបៅជើងរលួយ ដែលក្រុមគ្រូពេទ្យតម្រូវឱ្យកាត់ជើងមួយចំហៀងក្រោមជង្គង់បន្តិច។

សូមរំលឹកថា នាយ ព្រីង ទុំ ជាតារាកំប្លែងជើងចាស់មួយរូប ដែលតែងធ្លាប់តែបង្ហាញវត្តមានសម្តែងជាញឹកញាប់ជាមួយក្រុមកំប្លែងនាយ កុយ និងនាយ ក្រឹម ខណៈកន្លងមក លោកក៏ធ្លាប់បានចូលសម្តែងនៅក្នុងកម្មវិធី “សំណើចចុងសប្តាហ៍” របស់ស្ថានីយទូរទស្សន៍បាយ័ន និងធ្លាប់សម្តែងក្នុងវង់ល្ខោនមួយរូបផងដែរ។ យ៉ាងណា នៅប៉ុន្មានឆ្នាំចុងក្រោយនេះ គេក៏ពុំដែលបានឃើញលោកបង្ហាញមុខមាត់ ក្នុងអាជីពជាតារាកំប្លែងនោះដែរ។

ដោយឡែក ចំពោះស្ថានភាពជំងឺរបស់លោកបច្ចុប្បន្ន ថ្វីបើមានភាពល្អប្រសើរវិញក៏ពិតមែន ប៉ុន្តែជីវភាពតារារូបនេះ ក៏មានការខ្វះខាត និងគ្មានថវិកាដើម្បីទិញរទេះរុញនោះឡើយ៕