សុខភាព

ទម្លាប់អាក្រក់ ៥ យ៉ាង បំផ្លាញសុខភាពដោយស្ងៀមស្ងាត់ គ្រោះថ្នាក់ដូចការជក់បារីដែរ

បានផុស

៥ years មុន

នៅ

ថ្ងៃអង្គារ ១០ សីហា ២០២១

ដោយ

ជារៀងរាល់ឆ្នាំ ឥណ្ឌាគឺជាប្រទេសតែមួយគត់ដែលមានមនុស្សរហូតដល់ ១០ លាននាក់ បានស្លាប់ដោយសារការជក់បារី។ ប៉ុន្តែមនុស្សដែលមិនជក់បារី មិនខ្វល់ ហើយគិតថាពួកគេមានសុវត្ថិភាព។ ទោះបីមិនជក់បារីក៏ដោយ ប៉ុន្តែមានទម្លាប់អាក្រក់មួយចំនួន ដែលបង្កគ្រោះថ្នាក់ដល់សុខភាពដូចការជក់បារីដែរ។

ខាងក្រោមនេះ ជាទម្លាប់អាក្រក់ចំនួន ៥ ដែលអាចបំផ្លាញសុខភាពដូចជាការជក់បារី៖

១ ភាពឯកោ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលដែលភាពឯកោសម្លាប់មនុស្ស វាមិនមែនជាការបំផ្លើសទេ នេះគឺការពិត។ ការស្រាវជ្រាវបានបង្ហាញថា ភាពឯកោរ៉ាំរ៉ៃអាចប៉ះពាល់ដល់សុខភាពទូទៅ។ ផលប៉ះពាល់ធំ ៗ នឹងមានលើខួរក្បាល។ ក៏មានការសិក្សាដែលចង្អុលបង្ហាញពីទំនាក់ទំនងរវាងភាពឯកោ និងជំងឺខួរក្បាល ដូចជាជំងឺវង្វេងវង្វាន់ និងស្មារតី។

២ បរិភោគអាហារដែលគ្មានប្រយោជន៍ដល់សុខភាព

យើងទាំងអស់គ្នាដឹងហើយថា ការហូបអាហារដែលមានសុខភាពល្អគឺជារឿងចាំបាច់។ មនុស្សជាច្រើនមិនញ៉ាំអាហារល្អជារៀងរាល់ថ្ងៃទេ ហើយអ្នកខ្លះថែមទាំងមិនខ្វល់ទៀតផង។ គ្រប់គ្នាច្រើនជ្រើសរើសអាហារកែច្នៃ អាហារឥតបានការ និងអាហារដែលមានអំបិលនិងស្ករខ្ពស់ ដែលបណ្តាលឲ្យមានជំងឺមូលដ្ឋានជាច្រើនដូចជាធាត់ លើសឈាម ទឹកនោមផ្អែម។ ល។

៣ ខ្ជិលច្រអូសម្ងៃៗនៅតែមុខគ្រឿងអេឡិចត្រូនិច

ការសិក្សាមួយពីសាកលវិទ្យាល័យ Regensburg នៅប្រទេសអាល្លឺម៉ង់ បានសិក្សានៅឆ្នាំ ២០១៤ បង្ហាញថាមនុស្សដែលអង្គុយមើលអេក្រង់រៀងរាល់ ២ ម៉ោងម្តង បង្កើនឱកាសនៃការកើតជំងឺមហារីកពោះវៀនធំ ៨ ភាគរយនិងឱកាសកើតមហារីកសួត ៦ ភាគរយ។ ស្ថិតិស្តីពីស្ថានភាពសុខភាពរបស់ប្រជាជនថៃក្នុងរយៈពេល ១០ ឆ្នាំចុងក្រោយរវាងឆ្នាំ ២០១០ និងឆ្នាំ ២០១៩ បានរកឃើញ៖ ជនជាតិថៃមានលទ្ធភាពច្រើនជាង ២.៤ ដង នៃការស្លាប់ដោយសារមហារីកពោះវៀនធំ ហើយប្រជាជននៅតំបន់ទីក្រុងមានលទ្ធភាពស្លាប់ដោយសារជំងឺមហារីកពោះវៀន ២.៤ ដង ដែលជាជំងឺមិនរ៉ាំរ៉ៃជាងមនុស្សនៅខាងក្រៅទីក្រុង ដោយសារតែទម្លាប់អង្គុយយូរនិងកង្វះលំហាត់ប្រាណ។

៤ គេងមិនលក់

ការអង្គុយមើលអេក្រង់ច្រើនម៉ោង វាក៏ប៉ះពាល់ដល់ដំណេកដែរ។ ពន្លឺពណ៌ខៀវពីអេក្រង់ត្រូវបានផ្សារភ្ជាប់ទៅនឹងបញ្ហាភ្នែកដូចជាភ្នែកឡើងបាយ ព្រិលភ្នែក។ មនុស្សភាគច្រើនជួបប្រទះនូវការគេងមិនលក់ រយៈពេល ១ ឬ ២ យប់ ប៉ុន្តែពេលខ្លះវាអាចកើតឡើងជាច្រើនសប្តាហ៍ ខែ ឬរាប់ឆ្នាំ ដោយការគេងមិនលក់។ ជាធម្មតាត្រូវបានគេរកឃើញចំពោះស្ត្រីនិងមនុស្សចាស់ ហើយមនុស្សដែលគេងតិចជាង ៦ ម៉ោងក្នុងមួយថ្ងៃ ក៏ប្រឈមនឹងការស្លាប់ឆាប់ដែរ។

៥ អាកប្បកិរិយាអវិជ្ជមាន

ទុទិដ្ឋិនិយមឬអាកប្បកិរិយានៅផ្នែកអវិជ្ជមាន វាតែងតែអាចបំផ្លាញជីវិតមនុស្ស។ មនុស្សភាគច្រើនដឹងថាអាកប្បកិរិយាប្រភេទនេះ មិនល្អចំពោះសុខភាពផ្លូវចិត្តទាល់តែសោះ ប៉ុន្តែវានៅតែជាបញ្ហាទូទៅ ហើយច្រើនកើតឡើងដោយសារតែគំនិតរបស់យើងផ្ទាល់។ នេះអាចនាំឲ្យមានជំងឺធ្លាក់ទឹកចិត្ត រួមទាំងភាពតានតឹង ដែលមិនចង់បាន ហើយអាចនាំឲ្យមានជំងឺរាងកាយជាច្រើនផ្សេងទៀត ដែលបណ្តាលមកពីភាពតានតឹង៕

ប្រែសម្រួល៖ សាង ស្រីល័ក្ខ

ចុចអាន៖ឧស្សាហ៍ឈឺក្បាលប្រកាំង ត្រូវប្រយ័ត្នក្នុងការហូបអាហារខាងក្រោមនេះដាច់ខាត

ចុចអាន៖ចង់សម្រកទម្ងន់បានលឿនទាន់ចិត្ត កុំមើលរំលងប៉េងប៉ោះឲ្យសោះ