សុខភាព

ប្រយ័ត្នឲ្យមែនទែន ម៉ាស៊ីនសម្ងួតដៃក្នុងបន្ទប់ទឹកតាមផ្សារទំនើប កំពុងក្លាយជាភ្នាក់ងារចែកចាយ Delta

បានផុស

៥ years មុន

នៅ

ថ្ងៃអង្គារ ៣១ សីហា ២០២១

ដោយ

ជាទូទៅនៅតាមផ្សារទំនើបធំៗ យើងគ្រប់គ្នាដែលធ្លាប់ចូលបន្ទប់ទឹកនៅទីនោះ ប្រាកដជាឃើញម៉ាស៊ីនសម្រាប់សម្ងួតដៃ នៅកៀកកន្លែងលាងដៃមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្អែកលើការស្រាវជ្រាវមួយក្រុមនៃសាកលវិទ្យាល័យ Leeds របស់ចក្រភពអង់គ្លេស បានបញ្ជាក់ថា ម៉ាស៊ីនសម្ងួតដៃនៅតាមផ្សារទំនើប កំពុងក្លាយជាភ្នាក់ងារចែកចាយវីរុសបំប្លែងខ្លួន Delta។ ខណៈពេលដែលយើងប្រើរួម ឬក្រោយអ្នកឆ្លងវីរុស។

ក្រុមអ្នកស្រាវជ្រាវក៏បានដាក់ម៉ាស៊ីនអតិសុខុមទស្សន៍ (មីក្រូស្កូប) ពិនិត្យមើលលើដំណើរនៃមេរោគលើម៉ាស៊ីនផ្លុំសម្ងួតដៃ ដោយមានអ្នកស្ម័គ្រចិត្ត១០នាក់ ហើយឲ្យអ្នកទាំងនោះលាងសម្អាតដៃ និងសម្ងួតដៃ ដោយប្រើម៉ាស៊ីនផ្លុំសម្ងួត តាមទម្លាប់ធម្មតារបស់ខ្លួន។ បន្ទាប់មក អ្នកស្រាវជ្រាវបានទៅប្រមូលទិន្នន័យ ដោយពិនិត្យមើលវត្ថុ និងកន្លែងដែលអ្នកស្ម័គ្រចិត្តប៉ះពាល់ក្រោយលាងសម្អាតដៃភ្លាមៗ មានទាំង ដៃទ្វារ កៅអី ទូរសព្ទ -ល- បានរកឃើញថា ការសម្ងួតដៃដោយម៉ាស៊ីន គឺសល់ហានិភ័យមេរោគជាច្រើន។ ជាពិសេសចំពេលដែលវីរុសបំប្លែងខ្លួន Delta កំពុងវាយលុកក្នុងប្រទេសយើង កាន់តែខ្លាំងថែមទៀត។

ក្នុងករណីខាងលើនេះ អ្នកប្រើប្រាស់បន្ទប់ទឹកសាធារណៈគួរមានវិធានការផ្ទាល់ខ្លួន ដោយអាចចៀសបានគួរកុំប្រើម៉ាស៊ីនសម្ងួតដៃ ក្រោយលាងដៃរួច។ យើងអាចប្រើក្រដាសអនាម័យជូតដៃ ហើយត្រូវលាងដៃជាមួយទឹកអាកុលឬជែលបន្ថែមសិន សឹមចាប់កាន់របស់ផ្សេងលើដងខ្លួន៕

អត្ថបទ ៖ សាង ស្រីល័ក្ខ

ចុចអាន៖ប្រកាន់គោលការណ៍ ៣ ធំៗនេះ ធានាថាដូសទីប៉ុន្មានក៏ដោយ សុទ្ធតែមានប្រសិទ្ធភាពខ្លាំងក្លា

ចុចអាន៖មកដឹងពីពាក្យចចាមអារ៉ាមជុំវិញវ៉ាក់សាំងកូវីដ ខុសពីការពិតទាំងស្រុង

Related Topics:កូវីដ-១៩