សុខភាព

ជំងឺមហារីកឆ្អឹង ច្រើនកើតលើទីតាំង ៣នេះ លើរាងកាយ

បានផុស

៥ years មុន

នៅ

ថ្ងៃចន្ទ ៦ កញ្ញា ២០២១

ដោយ

ជំងឺមហារីកឆ្អឹង អាចកើតលើឆ្អឹងគ្រប់កន្លែងនៃរាងកាយ ប៉ុន្តែជំងឺនេះជាទូទៅច្រើនកើតនៅត្រង់ត្រគាក ឬឆ្អឹងវែងនៅដៃ ឬជើង។ ជំងឺមហារីកឆ្អឹង ជាជំងឺកម្រ មានប្រហែលជាមួយភាគរយនៃជំងឺមហារីកទាំងអស់។ ជាក់ស្ដែង ដុំមិនមែនមហារីកនៅឆ្អឹង កើតមានច្រើន និងញឹកញាប់នៅឆ្អឹងជាងដុំមហារីក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យថាមហារីកឆ្អឹង មិនសំដៅដល់មហារីកដែលរាលដាលពីកន្លែងផ្សេងមកដល់ឆ្អឹងនោះទេ។ ជំងឺមហារីករាលដាលទាំងនោះត្រូវគេឲ្យឈ្មោះទៅតាមទីតាំងដែលវាបានកើត។

ប្រភេទមហារីកឆ្អឹងខ្លះច្រើនកើតនៅលើក្មេងៗ និងខ្លះទៀតច្រើនកើតលើមនុស្សពេញវ័យ។ ការវះកាត់យកដុំមហារីកចេញ ជាវិធីព្យាបាលជាទូទៅមួយ ប៉ុន្តែការព្យាបាលដោយគីមី និងវិទ្យុសកម្ម ក៏អាចត្រូវប្រើដែរ ដោយផ្អែកតាមការវាយតម្លៃរបស់គ្រូពេទ្យ។

១. រោគសញ្ញាជំងឺមហារីកឆ្អឹង

រោគសញ្ញាមហារីកឆ្អឹងមានដូចជា៖

ឈឺឆ្អឹង
ហើម និងឡើងតឹងស្បែកជិតកន្លែងឈឺ
ឆ្អឹងខ្សោយ អាចនឹងងាយបាក់
អស់កម្លាំងល្ហិតល្ហៃ
ស្រកទម្ងន់

គ្នាយើងគួរតែគួរទៅជួបពេទ្យ ឬនាំកូនទៅជួបពេទ្យបើមានចេញរោគសញ្ញាឈឺចាប់នៅឆ្អឹងដូចជា៖

ឈឺបាត់ៗ
ឈឺកាន់តែខ្លាំងនៅពេលយប់
លេបថ្នាំបំបាត់ការឈឺចាប់មិនមានប្រសិទ្ធភាព

២. មូលហេតុបង្ក

មូលហេតុបង្កជំងឺមហារីកឆ្អឹងភាគច្រើនមិនដឹងមូលហេតុនោះទេ។ ជំងឺមហារីកឆ្អឹងមួយភាគតូចមានទំនាក់ទំនងទៅនឹងតំណពូជ និងខ្លះទៀតទាក់ទងទៅនឹងប្រវត្តិប៉ះពាល់នឹងវិទ្យុសកម្ម។

ជំងឺមហារីកឆ្អឹងosteosarcoma ជាមហារីកច្រើនកើលើកុមារ និងមនុស្សពេញវ័យអាយុក្រោម២០ឆ្នាំ។ ចំណែកជំងឺ មហារីកឆ្អឹងប្រភេទ Ewing sarcoma ច្រើនកើតលើមនុស្សវ័យចន្លោះពី១០ទៅ២០ឆ្នាំនិងមហារីកឆ្អឹងប្រភេទchondrosarcoma វិញច្រើនកើតលើមនុស្សមានវ័យលើសពី៤០ឆ្នាំ។

មនុស្សក្មេងអាចកើតជំងឺមហារីកឆ្អឹង ព្រោះតែជាវ័យកំពុងលូតលាស់ខ្លាំង ពិសេសពេលដំណាក់កាលវ័យគ្រប់ការ ដែលអាចធ្វើឲ្យមានដុំលូតលាស់នៅឆ្អឹង។ ជំងឺមហារីកទាំងបីខាងលើ មានផលប៉ះពាល់លើកោសិកាផ្សេងៗគ្នា ហើយការព្យាបាលនឹងអាស្រ័យលើប្រភេទនៃជំងឺមហារីកឆ្អឹងដែលអ្នកជំងឺកើតមាន៕

អត្ថបទផ្ដល់ដោយ៖Hello Krupet

ចុចអាន៖គ្រូពេទ្យ ៖ ព្យាបាលទាស់ពេលកូនខ្ចី អ្នកម្ដាយដាច់ខាត កុំប្រើថ្នាំខ្មែរផ្សំពីសត្វព្រៃ

ចុចអាន៖រដូវភ្លៀងតែងឈឺគ្រុនផ្ដាសាយ ការពារខ្លួនតាមតិចនិកនេះ