សុខភាព

អាមេរិករកឃើញករណីជំងឺកម្រទី១ ខណៈជំងឺនេះកំពុងរាលដាលនៅអឺរ៉ុប

បានផុស

៤ years មុន

នៅ

ថ្ងៃព្រហស្បតិ៍ ១៩ ឧសភា ២០២២

ដោយ

មជ្ឈមណ្ឌលគ្រប់គ្រងជំងឺ និងមន្ទីរសុខាភិបាលទីក្រុង Massachusetts របស់សហរដ្ឋអាមេរិកបានបញ្ជាក់កាលពីថ្ងៃពុធម្សិលមិញថា បុរសម្នាក់នៅទី Massachusetts ត្រូវបានរកឃើញមានរោគសញ្ញាជំងឺអុតស្វា (Monkeypox) បន្ទាប់ពីធ្វើដំណើរទៅប្រទេសកាណាដា។

ខណៈពេលទីភ្នាក់ងារកំពុងធ្វើការជាមួយអ្នកព្យាបាលអ្នកជំងឺ និងជាមួយក្រុមប្រឹក្សាសុខភាពមូលដ្ឋានដើម្បីស្វែងរកនរណាផ្សេងទៀតដែលពាក់ព័ន្ធជាមួយ ពួកគេបានទទូចថា ករណីរបស់បុរសនោះមិនបង្កគ្រោះថ្នាក់ដល់សាធារណៈទេ ហើយអ្នកជំងឺត្រូវបានយកទៅព្យាបាលនៅមន្ទីរពេទ្យ និងមានស្ថានភាពល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគឺជាលើកដំបូងដែលរកឃើញនៅអាមេរិកក្នុងឆ្នាំនេះ និងកើតមានឡើងចំពេលដែលប្រកាសអាសន្នរបស់អាជ្ញាធរប្រទេសអេស្ប៉ាញអំពីការផ្ទុះវីរុសនេះក្នុងចំណោមមនុស្ស២៣នាក់នៅទីក្រុង Madrid។

នៅពេលធម្មតាវាឆ្លងតាមផ្លូវដង្ហើម អ្នកនាំពាក្យម្នាក់នៅមន្ទីរសុខាភិបាលទីក្រុង Madrid បានឲ្យដឹងថា ការផ្ទុះនៅមូលដ្ឋានដោយសារតែការទំនាក់ទំនងសារធាតុរាវ ដោយកត់សំគាល់ថា ៨នាក់ក្នុងចំណោមករណីសង្ស័យទាំង២៣នាក់គឺរកឃើញនៅក្នុងបុរសភេទទី៣។

ករណីសង្ស័យប្រហែលជា២០នាក់នៃជំងឺអុតស្វាក៏ត្រូវបានរកឃើញក្នុងចំណោមបុរសវ័យក្មេងនៅប្រទេសព័រទុយហ្គាល់នៅទីក្រុង Lisbon ក្នុងសប្តាហ៍នេះ ហើយករណីសង្ស័យមួយចំនួនត្រូវបានបញ្ជាក់នៅចក្រភពអង់គ្លេស។ ក្នុងចំណោមការបញ្ជាក់នៅអង់គ្លេសចំនួន៧ករណីកាលពីថ្ងៃចន្ទ មាន៤ករណីថ្មីបំផុតគឺជាបុរសស្រឡាញ់ភេទដូចគ្នា ឬបុរសភេទទី៣ និងមានមួយករណីពាក់ព័ន្ធនឹងមនុស្សម្នាក់ដែលទើបតែទៅប្រទេសនីហ្សេរីយ៉ាដែលប្រហែលជាឆ្លងនៅទីនោះ។

ជំងឺអុតស្វាមានលក្ខណៈស្រដៀងគ្នាទៅនឹងជំងឺអុតស្វាយ ដែលជាមេរោគដ៏សាហាវកាលពីឆ្នាំ១៩៨០ ហើយជំងឺអុតស្វា (chickenpox) ភាគច្រើនកើតលើកុមារ។ ជំងឺអុតស្វាមានពីរទម្រង់ ដែលជាអាហ្វ្រិកខាងលិច និងអាហ្វ្រិកកណ្តាល។ ករណីពីរនៃជំងឺអុតស្វាត្រូវបានរកឃើញនៅអាមេរិកកាលពីឆ្នាំមុន។

វីរុសនេះមិនងាយឆ្លងនោះទេ ដោយសារវាឆ្លងតាមរយៈវត្ថុរាវក្នុងរាងកាយ និងដំបៅ សំលៀកបំពាក់មានមេរោគ ឬការប៉ះមុខគ្នាយូរដែលនាំឲ្យកើតមានដំណក់ទឹកក្នុងផ្លូវដង្ហើម៕

ប្រែសម្រួល៖ វីរបុត្រ
ប្រភព៖ RT

Related Topics:សហរដ្ឋអាមេរិក