ទីក្រុង​ Wuhan រកឃើញមេរោគថ្មី មួយប្រភេទទៀត ពេលនេះកំពុងតាមដាន (មានវីដេអូ)

មេរោគ​ថ្មី​មួយប្រភេទទៀត ​ត្រូវ​បាន​គេ​រក​ឃើញ​នៅក្នុង​មន្ទីរ​ពិសោធន៍នៃទីក្រុង​ Wuhan​ ប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវនៅវិទ្យាស្ថានមេរោគវិទ្យា Wuhan បានរកឃើញមេរោគប្រភេទថ្មី ដែលមានឈ្មោះកូដ LsPyV KY187 នៅក្នុងសត្វកណ្តុរ។

មេរោគនេះស្ថិតនៅក្នុងពូជអម្បូរនៃពពួកវីរុស Polyomaviruses ដែលឆ្លងដល់កុមាររាប់លាននាក់ជារៀងរាល់ឆ្នាំ ប៉ុន្តែមានកម្រិតស្រាលជាទីបំផុត។

អ្នកវិទ្យាសាស្ត្រនៅមន្ទីរពិសោធន៍ បានធ្វើការរកឃើញនេះ បន្ទាប់ពីបានធ្វើតេស្តសត្វកណ្តុររាប់រយក្បាលនៅប្រទេសកេនយ៉ាក្នុងឆ្នាំ ២០១៦ និង ២០១៩។

បន្ទាប់មក សំណាកត្រូវបានបញ្ជូនសម្រាប់ការវិភាគ នៅកន្លែងស្រាវជ្រាវជីវគីមីក្នុងទីក្រុង Wuhan ដែលជាចំណុចកណ្តាលនៃការផ្ទុះជំងឺរាតត្បាត កូវីដ១៩។

ពពួកមេរោគ Polyomavirus ថ្មីនេះ ត្រូវបានរកឃើញនៅក្នុងខ្លួនសត្វកណ្តុរស្មៅ ដែលជួនកាលត្រូវបានគេហៅថាជាកណ្តុរបង្កង់។ ការរកឃើញ ត្រូវ​បាន​បង្ហាញ​​ក្នុង​ការ​សិក្សា​មួយ ​ដែល​ចុះ​ផ្សាយ​ក្នុង​ទស្សនាវដ្ដី​ចិន Virologica Sinica នៅ​ខែ​នេះ។

ទោះបីជាយ៉ាងណាក៏ដោយ ក្រុមអ្នកស្រាវជ្រាវនិយាយថា ដោយសារតែមេរោគនេះជាប្រភេទថ្មី ហើយមិនមានទំនាក់ទំនងជិតស្និទ្ធជាមួយភ្នាក់ងារបង្ករោគណាមួយនោះ ឥទ្ធិពលរបស់វាទៅលើមនុស្សគឺនៅតែមិនទាន់ដឹងច្បាស់ ហើយកំពុងតាមដាន និងត្រូវការការវាយតម្លៃបន្ថែមទៀត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ជំងឺឆ្លងខ្លាំងមួយប្រភេទទៀត ផ្ទុះឡើងនៅទីក្រុង Wuhan