សុខភាព
របួសលើរាងកាយ អាចបង្កជាដំបៅក្រពះស្រួចស្រាល់
Curling’s ulcer គឺជាដំបៅក្រពះស្រួចស្រាល់មួយប្រភេទ បង្កឡើងដោយសារកើតអារម្មណ៍ស្មុគស្មាញ នៅពេលណាមួយដែលរាងកាយយើងមានរបួសធ្ងន់ ពិសេសប្រភេទរបួសដោយការរលាកនឹងកម្ដៅតែម្ដង។ ពេលរាងកាយមានរបួសដោយរលាក នឹងបណ្ដាលឲ្យកម្រិតប្លាស្មាក្នុងឈាមថយចុះ ទើបធ្វើឲ្យកោសិកានៃភ្នាស mucosa ក្នុងផ្ទៃក្រពះប្រឈមនឹងការសឹក បង្កទៅជាដំបៅ។
រោគសញ្ញាសំខាន់ៗជំងឺដំបៅក្រពះ
ដំបៅក្រពះ (Curling’s ulcer) ច្រើនកើតឡើងនៅផ្នែកខាងលើ និងខាងក្រោមនៃក្រពះ(ជាប់នឹងពោះវៀនតូច)។ ដំបៅមួយនេះ មិនបង្ហាញរោគសញ្ញាគួរកត់សម្គាល់ណាមួយក្នុងដំណាក់កាលដំបូងនោះទេ ប៉ុន្ដែក្នុងដំណាក់កាលដែលវាវិវត្ដទៅជាធ្ងន់ធ្ងរ មានការហូរឈាមច្រើន នោះនឹងបង្ហាញរោគសញ្ញាដូចជា ការអស់កម្លាំង ក្អួត ករណីខ្លះក្អួតមានលាយឈាម ស្លេកស្លាំង លាមកមានពណ៌ខ្មៅលាយឈាម និង ចុកក្រហាយពោះ។
ផលវិបាកធ្ងន់ធ្ងរនៃដំបៅក្រពះ
ដំបៅនេះប្រសិនជាចេញរោគសញ្ញាហើយមិនបានព្យាបាលឲ្យត្រឹមត្រូវទេ នោះវានឹងវិវត្ដទៅជាស៊ីរូងកាន់តែជ្រៅ ហើយឈានដល់ការធ្លាយក្រពះ។ ករណីនេះអាចមានឱកាសកើតឡើងតិចជាង ២% ប៉ុន្ដែយើងក៏ត្រូវបង្ការជាមុនព្រោះអាចគ្រោះបង្កគ្រោះថ្នាក់បាន។
កត្ដាបង្កឲ្យដំបៅក្រពះ
Curling’s ulcer គឺជាអាការៈដំបៅនៅផ្ទៃខាងក្នុង ប៉ុន្ដែវាមានទំនាក់ទំនង នឹងផ្នែកខាងក្រៅនៃរាងកាយ បូករួមទាំងអារម្មណ៍។ មូលហេតុចម្បងបង្កឲ្យមានដំបៅនេះកើតឡើង គឺបណ្ដាលមកពីកម្រិតគ្រាប់ឈាមប្លាកែត ថយចុះនៅពេលដែលរាងកាយមានរបួសធ្ងន់ធ្ងរដោយការរលាកនឹងអ្វីមួយ។
គ្រាប់ឈាមប្លាកែតមានមុខងារក្នុងការព្យាបាលមុខរបួសលើរាងកាយមិនថារបួសតិច ឬច្រើន។ ក្នុងករណីដែលរាងកាយមានរបួសធ្ងន់ ពិសេសរបួសដោយការរលាកដោយប៉ះពាល់របស់ក្ដៅ នោះបរិមាណប្លាកែតនឹងត្រូវប្រឈមនឹងការថយចុះ បូករួមទាំងអ្នករបួសមានបញ្ហាអារម្មណ៍ស្មុគស្មាញខ្លាំងទៀតនោះ ទើបងាយធ្វើឲ្យក្រពះកើតបញ្ហាដំបៅនេះឡើង។
ការធ្វើរោគវិនិច្ឆយ
រលាកក្រពះស្រួចស្រាល់ Curling’s ulcer សម្រាប់ការធ្វើរោគវិនិច្ឆយគ្រូពេទ្យនឹងត្រួតពិនិត្យ ទៅលើមុខរបួសលើរាងកាយ និងរោគសញ្ញាមួយចំនួនផ្សេងៗទៀត។ ក្នុងករណីរោគសញ្ញាទាំងនោះបង្ហាញ ថាមានដំបៅក្រពះ curling ulcer នោះគ្រូពេទ្យសម្រេចប្រើប្រាស់ ឧបករណ៍សុងក្រពះ (endoscopy ) ដើម្បីធ្វើរោគវិនិច្ឆយវិភាគទៅលើការវិវត្ដនៃដំបៅមួយនេះ។
ការព្យាបាល
ការព្យាបាលគេអាចប្រើប្រាស់ថ្នាំដើម្បីកាត់បន្ថយបរិមាណនៃការបញ្ចេញជាតិអាស៊ីដក្រពះ ដែលនេះគឺជាវិធីសាស្ដ្រមានប្រសិទ្ធភាព បូករួមទាំងការគ្រប់គ្រងរបបអាហារ។ ពោលអ្នកជំងឺត្រូវតមប្រភេទអាហារដែលមាន ជាតិជូរ ហឹរ ខ្លាញ់ និងប្រភទអាហារមានជាតិកាត់ ពិសេសប្រភេទអាហាររឹងតែម្ដង៕
ចុចអាន៖មកដឹងពីជំងឺប្លែកមួយ ធ្វើឲ្យមនុស្សគេងភ្លាមៗដូចសន្លប់
ចុចអាន៖អត្ថប្រយោជន៍ ១០ យ៉ាងពីទឹកអំពៅ ជួយកាត់បន្ថយភាពតានតឹង និងល្អចំពោះសុខភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ