មកដឹងពីជំងឺប្លែកមួយ ធ្វើឲ្យមនុស្សគេងភ្លាមៗដូចសន្លប់

Narcolepsy គឺជាជំងឺរ៉ាំរ៉ៃម្យ៉ាងធ្វើឲ្យអ្នកជំងឺពិបាកក្នុងការដឹងខ្លួនយូរ វាវាយប្រហារដោយការគេងភ្លាមៗដូចសន្លប់។ ពិតណាស់ជំងឺ Narcolepsy បណ្ដាលឲ្យមានការរំខានយ៉ាងធ្ងន់ធ្ងរ សម្រាប់សកម្មភាពប្រចាំថ្ងៃដូចជា ការបើកបរ ធ្វើម្ហូប រត់ ហែលទឹកជាដើម។ ជំងឺរ៉ាំរ៉ៃនេះ មិនអាចព្យាបាលបានទេ ទោះជាយ៉ាងណាក៏ដោយ ឱសថនិងការផ្លាស់ប្តូររបៀបរស់នៅអាចជួយអ្នកក្នុងការគ្រប់គ្រងរោគសញ្ញាយ៉ាងងាយស្រួលជាងមុន។ ការលើកទឹកចិត្តពីអ្នកដទៃ គ្រួសារ មិត្តភក្តិ និយោជក គ្រូបង្រៀន ក៏អាចជួយទប់ទល់នឹងជំងឺ Narcolepsy ដែរ។

រោគសញ្ញានៃជំងឺ Narcolepsy មានដូចតទៅ៖

-ងងុយគេងពេលថ្ងៃខ្លាំង: អ្នកជំងឺនឹងគេងភ្លាមៗដោយមិនមានការឲ្យដំណឹងទុកជាមុន ដូច្នេះហើយអ្នកនៅជុំវិញខ្លួនគាត់ត្រូវតែមានស្មារតីចាំមើលគាត់រហូតកុំឲ្យគាត់មានគ្រោះថ្នាក់ពេលដួល។

-ការបាត់បង់កម្លាំងសាច់ដុំ: ពួកគាត់មានសាច់ដុំខ្សោយ កាន់វត្ថុងាយនឹងជ្រុះណាស់។

-ខ្មោចសង្កត់: ដោយសារតែសរសៃឈាមដើរមិនស្រួល ទើបធ្វើអោយគាត់មិនអាចកម្រើកបានបន្ទាប់ពីភ្ញាក់។

-គ្រលៀសភ្នែកអំឡុងពេលគេង

-និងមានអារម្មណ៍រវើយរវាយ។

ចំណែកឯមូលហេតុនៃជំងឺនោះគឺមិនទាន់រកឃើញនៅឡើយទេ គេដឹងត្រឹមថាអ្នកជំងឺNarcolepsyប្រភេទទី១មានសារធាតុគីមីអ៊ីប៉ូគ្រីទីនកម្រិតទាប។ សារធាតុអ៊ីប៉ូគ្រីទីនគឺជាសារធាតុគីមីក្នុងសរសៃប្រសាទដ៏សំខាន់នៅក្នុងខួរក្បាលរបស់មនុស្សវាជួយគ្រប់គ្រងការភ្ញាក់និងការគេងគ្រលៀសភ្នែក។ ជាក់ស្ដែកជំងឺនេះអាចមានឱាកាសក្នុងការឆ្លងពីឪពុកម្ដាយដូចគ្នាគ្រាន់តែថាឱកាសក្នុងការឆ្លងមានតែ១ភាគរយប៉ុណ្ណោះ៕

ប្រែសម្រួល៖ វារី

ចុចអាន៖អត្ថប្រយោជន៍ ១០ យ៉ាងពីទឹកអំពៅ ជួយកាត់បន្ថយភាពតានតឹង និងល្អចំពោះសុខភាព