អត្ថប្រយោជន៍ ៨ យ៉ាងពី “ផ្លែស៊ូ” មិនត្រឹមឆ្ងាញ់ តែជួយសម្រកទម្ងន់យ៉ាងមានប្រសិទ្ធភាព

ផ្លែស៊ូមានរូបរាងគ្រើមដូចត្របែក ហើយក្រៅ​ពី​ធ្វើម្ហូបដ៏មានឱជារស ផ្លែស៊ូក៏ផ្ទុកទៅដោយអត្ថប្រយោជន៍ចំពោះសុខភាពជាច្រើនដែលយើងមិនធ្លាប់ដឹងថា វាជួយអ្វីខ្លះដល់សុខភាពរបស់យើង។ ជាពិសេសសម្រាប់អ្នកមានជំងឺប្រចាំកាយតែម្ដង។

ខាងក្រោមនេះអត្ថប្រយោជន៍ ៨ យ៉ាង ពីផ្លែស៊ូដែលយើងកម្រដឹងណាស់។

១ ជាប្រភពអាហារដ៏ល្អសម្រាប់អ្នកដែលកំពុងតែ​គ្រប់គ្រង​ទម្ងន់ ព្រោះថាស៊ូ ១០០ ក្រាមផ្តល់​ថាមពលត្រឹមតែ១៣ គីឡូកាឡូរី​ប៉ុណ្ណោះ ហើយ​ក៏​មាន​ជាតិ​សរសៃ​អាហារ​ដែល​ជួយ​ដល់​ការ​បន្ទោរ​បង់​ផង​ដែរ។

២ វាជាបន្លែដែលមានរសជាតិឈ្ងុយឆ្ងាញ់និង​មាន​រសជាតិ​ផ្អែមបន្តិច ដែលមនុស្សគ្រប់វ័យសុទ្ធតែអាចទទួលបានទាំងអស់។ ផ្លែស៊ូក៏ជួយលើសម្រស់បានដែរ។

៣ មាន​ផូស្វ័រ​ដែល​ជួយ​ជួសជុល​ការ​ពាក់ និង​ការ​រហែក​ក្នុង​ខ្លួនដែលយើងមិនដឹង។

៤ អាចយកធ្វើជាភេសជ្ជៈ​ជួយបន្ថយសំពាធឈាម និងរំលាយគ្រួសក្នុងតម្រងនោម។

៥ ជួយបំប៉នបេះដូង និងសរសៃឈាមដែលមានសុខភាពល្អ។

៦ មាន​វីតាមីន C ដែល​ជួយ​កាត់​បន្ថយ​ការ​ក្រហាយ​ទ្រូង។

៧ មានជាតិ folate ខ្ពស់ សក្តិសមសម្រាប់ស្ត្រីមានផ្ទៃពោះ បរិភោគដើម្បីចិញ្ចឹម និងជួយដល់ការលូតលាស់របស់ទារកតាំងពីក្នុងផ្ទៃ។

៨ កាល់ស្យូមជួយថែរក្សាឆ្អឹង និងធ្មេញ។

អាថ៌កំបាំងក្នុងការចម្អិនផ្លែស៊ូឲ្យកាន់តែរសជាតិឆ្ងាញ់និងជួយដល់សុខភាពបានគ្រប់មុខ សូមកុំ​ទុកឲ្យវា​ឆ្អិន​ពេក ព្រោះ​កាន់តែ​នៅលើភ្លើងយូរ​វា​កាន់តែ​បាត់បង់​រសជាតិ​ និងការបាត់បង់តម្លៃអាហារូបត្ថម្ភសំខាន់ៗដែលយើងត្រូវទទួលបាន៕

ប្រែសម្រួល៖ សាង ស្រីល័ក្ខ

ចុចអាន៖តើអាហារខ្លាញ់ប៉ះពាល់សុខភាពបេះដូងបែបណាខ្លះ?

ចុចអាន៖ម្ហូបតាមផ្ទះប៉ុន្មានមុខនេះពេញនិយមណាស់ តែញ៉ាំត្រូវមានកម្រិត