ព័ត៌មានជាតិ

ជាងពីរម៉ោងក្រោយ សម្តេចតេជោប្រាប់ពីសុខភាព ក្រោយចាក់វ៉ាក់សាំងរួច

Published

1 month ago

March 4, 2021

ឆ្លើយតបសំនួរអ្នកកាសែតទាក់ទងអាការៈសុខភាព ក្រោយចាក់វាក់សាំង AstraZeneca រួច សម្តេចតេជោ ហ៊ុន សែន ថ្លែងថា ជាងពីរម៉ោងនេះអត់មានបញ្ហាអីទេ ត្រឹមម៉ោងនេះសុខភាពធម្មតា សឹងតែមិនទទួលអារម្មណ៍ឈឺចាប់អីសោះក្រោយពេលចាក់រួច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោក៏លើកមូលហេតុដែលចាក់វ៉ាក់សាំងដៃឆ្វេងថា បើមានការឈឺចាប់អី សម្តេចអាចប្រើប្រាស់ដៃស្តាំពិិនិត្យឯកសារការងារ ដែលត្រូវចុះហត្ថលេខារាល់ថ្ងៃ។

សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបានទទួលការចាក់វ៉ាក់សាំងប្រឆាំងជំងឺកូវីដ១៩ របស់ក្រុមហ៊ុន Astra Zeneca នៅមន្ទីរពេទ្យកាល់ម៉ែត នៅព្រឹក ថ្ងៃទី ០៤ ខែមីនា ឆ្នាំ២០២១នេះ។

ប្រទេសកម្ពុជា បានចាប់ផ្តើមដំណើរការចាក់វ៉ាក់សាំងប្រឆាំង ជំងឺកូវីដ ១៩ លើកដំបូងកាលពីថ្ងៃទី ១០ ខែកុម្ភៈ ឆ្នាំ ២០២១ ដែលជាវ៉ាក់សាំងស៊ីណូហ្វាមជំនួយរបស់រដ្ឋាភិបាលចិន។

ប្រមុខរដ្ឋាភិបាល ក៏បានជ្រើសរើសថ្ងៃ ៤ មីនា បើកយុទ្ធនាការចាក់វ៉ាក់សាំងទូទាំងប្រទេសលើពលរដ្ឋគ្រប់វ័យ។ រដ្ឋាភិបាលផ្តល់អាទិភាពខេត្តចំនួន ៣ខេត្ត ដែលកំពុងប្រឈមនឹងហានិភ័យខ្ពស់ នោះគឺ រាជធានីភ្នំពេញ ខេត្តកណ្ដាល និងខេត្តព្រះសីហនុ ដើម្បីទទួលបានវ៉ាក់សាំង AstraZeneca ដែលកម្ពុជាទើបទទួលបានពីគម្រោងកូវ៉ាករបស់អង្គការសុខភាពពិភពលោក៕

អត្ថបទ៖ ប៊ុណ្ណារ៉ា