KPT+

វិធី ៥ យ៉ាងដើម្បីដោះស្រាយទុក្ខព្រួយ និងការបាត់បង់ដែលតោងជាប់ខ្លួន

បានផុស

៣ years មុន

នៅ

ថ្ងៃពុធ ១៦ មិថុនា ២០២១

ដោយ

Blue Sky

ទោះសប្បាយយ៉ាងណា មានសុភមង្គល មានភាពសុខស្រួលបែបណាក៏ដោយ តែភាពល្អអស់នោះនឹងត្រូវបាត់បង់នៅថ្ងៃណាមួយមិនខាន។

អ្នកអាចកើតទុក្ខស្ដាយមិនចង់បាត់បង់ ប៉ុន្តែអារម្មណ៍ទាំងនេះនឹងអាចរសាត់ទៅ គ្រាន់តែយូរនិងឆាប់តាមស្ថានភាពមនុស្សម្នាក់ៗ។

យើងអាចមានវិធីដោះស្រាយទុក្ខព្រួយនោះបាន ដោយវិធីខាងក្រោមនេះ៖

១ ទទួលយកអារម្មណ៏

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាចថាមិនអីក្នុងការទទួលយកអារម្មណ៍ពេលនេះ ហើយសូមឲ្យទុក្ខវេទនាអស់នោះរសាត់ទៅចុះ។ កុំធ្វើពុតជាសុខសប្បាយខាងក្រៅ ហើយប្រាប់ថាមិនអីនោះ។ ការរក្សាអារម្មណ៍ទាំងអស់នៅខាងក្នុង នឹងធ្វើឲ្យអ្នកមានអារម្មណ៍មិនល្អតែម្នាក់ឯង។ ដូច្នេះចូរទទួលយកអារម្មណ៍បែបនោះ ហើយរៀនបង្រៀនខ្លួនឯងឲ្យរឹងមាំ។

២ និយាយអំពីវាចេញមុខកុំខ្មាសអៀន

និយាយអំពីវានិងចែករំលែកការឈឺចាប់របស់អ្នកជាមួយអ្នកដទៃ ដែលអាចជួយដោះស្រាយភាពទុក្ខព្រួយនិងការបាត់បង់នេះបាន។ ចងចាំថា អ្នកមិននៅម្នាក់ឯងក្នុងទេក្នុងលោកនេះទេ។

មនុស្សដែលមានទុក្ខលំបាកតែងចង់កាត់ផ្ដាច់ការប្រាស្រ័យទាក់ទងជាមួយអ្នកដទៃ ក្នុងគ្រាលំបាកនេះ ហើយនេះគឺជារឿងធម្មតាទេ។ ការនិយាយប្រាប់អ្នកផងទាំងពួងអាចថាពិបាក ប៉ុន្តែការការចាត់វិធានការដើម្បីចាប់ផ្ដើមព្យាបាលគឺពិបាកជាង។ កុំទុកឲ្យវាក្លាយជាមហារីកឲ្យសោះ។

៣ បរិភោគគេងនិងធ្វើសកម្មភាពប្រចាំថ្ងៃផ្សេងទៀត

មានជីវិតរស់នៅលើផែនដីនេះហើយ សូមកុំទុកឲ្យវាដូចគ្មានជាតិ សូមបន្តឆ្ពោះទៅមុខ។ ចូរបរិភោគអាហារដែលមានសុខភាពល្អ ដើម្បីឲ្យរាងកាយរបស់អ្នកត្រូវបានផ្គត់ផ្គង់ជាមួយនឹងសារធាតុចិញ្ចឹមដែលត្រូវការ។ ការគេងពី ៦ ទៅ ៨ ម៉ោងក្នុងមួយថ្ងៃ គឺចាំបាច់ណាស់ ចូរគេងឲ្យបានច្រើនតាមដែលអាចធ្វើទៅបាន។

ការធ្វើសកម្មភាពប្រចាំថ្ងៃ ទោះយ៉ាងណាក៏ដោយក៏អាចជួយឲ្យយើងយកឈ្នះអារម្មណ៍សោកសៅនិងការបាត់បង់បានដែរ។ ការថែរក្សាខ្លួនគួរតែជាអាទិភាពរបស់អ្នក។

៤ ទទួលយកជំនួយ

កុំខ្លាចក្នុងការទទួលជំនួយ ជាពិសេសនៅពេលយើងកំពុងត្រូវការវា។ ការស្នើសុំដំបូន្មានបែបវិជ្ជាជីវៈមិនមែនជាការបង្ហាញភាពទន់ខ្សោយទេ វាគឺជាផ្នែកមួយនៃដំណើរការនៃការទទួលយកអ្វីដែលបានកើតឡើង។ នេះបង្ហាញពីឆន្ទៈក្នុងការកម្ចាត់អារម្មណ៍ដែលកំពុងលងយើងដែរ។

៥ ទទួលយក

ជីវិតដើរទៅរកអ្នកដែលព្យាយាមទទួលយកគ្រប់រឿង ដែលកើតឡើងក្នុងឆាកជីវិតពួកគេ។ ការជ្រើសរើសទទួលយកអាចពិបាក ព្រោះវាត្រូវការពេលវេលាដើម្បីរៀនស្របជាមួយបញ្ហានេះ។ ការរៀនសូត្រជម្នះនៅភាពសោកសៅ និងការបាត់បង់គឺពិបាក តែវាមិនពិបាកជាងការមិនព្រមទទួលយកការពិតទេ។

ការស្វែងរកខ្លួនអ្នកម្ដងទៀតនឹងត្រូវការពេលវេលា ប៉ុន្តែនេះជាដំណើរការចាំបាច់មួយក្នុងជីវិតមនុស្សម្នាក់ៗ។ នៅពេលដែលអ្នកឆ្លងផុតរឿងនេះ អ្នកនឹងក្លាយជាមនុស្សខ្លាំងជាងមុន ចាស់ទុំជាងមុនមិនខាន៕

ប្រែសម្រួល៖ សាង ស្រីល័ក្ខ

ប្រភព៖practicalhealt

ចុចអាន៖គិតតាមផ្លូវធម៌ ” ចង់ឈ្នះអ្នកដទៃគឺត្រូវយកឈ្នះចិត្តខ្លួនឯងសិន “

ចុចអាន៖ស្រ្តេសរឿងអីក៏អាចកម្ចាត់បាន គ្រាន់តែអនុវត្តគន្លឹះតូចៗទាំងនេះ

Related Topics:សុខភាពផ្លូវចិត្ត