Connect with us

KPT+

រុក្ខជាតិ ៦ ប្រភេទ គួរដាំក្នុងផ្ទះ បង្កើតអុកស៊ីសែន និងមិនពិបាកក្នុងការថែទាំ ចំពោះអ្នកមិនសូវមានពេល

បានផុស

នៅ

បញ្ហាសម្រាប់មនុស្សដែលចង់ចាប់ផ្តើមដាំ​លម្អ​រុក្ខជាតិក្នុងផ្ទះ​ គឺមិនប្រាកដថា ​តើ​ដើមឈើ​ទាំង​នោះ​អាច​រស់រាន​បាន​យូរ​ដែរ​ទេ។ អ្នកខ្លះ ​មិន​ធ្លាប់​មានបទពិសោធន៍​ដាំដើមឈើណាមួយ​ ហើយ​បន្ទាប់ ​វា​​ក៏​ងាប់ដោយបញ្ហាផ្សេងៗ។

ខាងក្រោមនេះគឺរុក្ខជាតិអាចដាំក្នុងផ្ទះបានងាយៗ​ សម្រាប់អ្នកមិនសូវ​មាន​ពេល​វេលា និង​មិន​មាន​តិចនិក​ក្នុង​ការ​ថែរក្សាបានដូចអ្នកជំនាញ។

១ ដើមឈើប្រាក់កាក់ឬ Silver Coin

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើអ្នកកំពុងរកមើលមែកឈើដែលធន់នឹងគ្រោះរាំងស្ងួត ​អ្នក​ក៏​ត្រូវ​មើល​អ្វី​ដែល​ល្អ​បំផុតដែរ។ ការដាំដើម​ប្រាក់កាក់ គួរតែត្រូវបានដាំនៅក្នុងធុងដែលអាចបង្ហូរទឹក​បាន​ល្អ និងងាយទទួលយកពន្លឺព្រះអាទិត្យពីខាងក្រៅ។

២ ដើមឈើ Pylia

មនុស្សមួយចំនួនហៅវាថាដើមឈើផេនខេក ឬដើមឈើ UFO ដែលត្រូវបានគេចាត់ទុកថា ជារុក្ខជាតិ​ប្រណីតសម្រាប់នាំប្រាក់សំណាង និងនាំថាមពលវិជ្ជមានចូលក្នុងផ្ទះផងដែរ។ រូបរាង​របស់ដើមឈើមានរាងមូល ​និងចូលចិត្តពន្លឺព្រះអាទិត្យ​ ដើមឈើ​នេះ​ត្រូវ​យកចិត្តទុកដាក់​លើការស្រោច​ទឹក​តែ​បន្តិច​បន្តួច​ប៉ុណ្តោះ។

៣ ដើម Sula Class

វាគឺជារុក្ខជាតិ​មួយប្រភេទ​ដែលអាចត្រូវបានគេហៅថា រុក្ខជាតិ​ពី​ឋានសួគ៌ឬ​ដើមឈើស្លឹកប្រាក់។ ចរិតលក្ខណៈនៃមែកធាង​វា ​​គឺ​មានស្លឹកពណ៌បៃតងស្រស់ស្អាត និងរលោង។ ផ្អែកលើវិទ្យាសាស្ត្រហុងស៊ុយ ការណែនាំអំពីដើមឈើ SulaClass ត្រូវ​បាន​ដាក់​នៅ​ក្នុង​ផ្ទះ​នៅ​ភាគ​អាគ្នេយ៍។ ដើមឈើ​ប្រភេទ​នេះ​ក៏​អាច​ប៉ះពាល់​ដល់​សំណាង​ដែរ បើ​ដាំ​មិន​ប្រយ័ត្ន។ ទោះ​យ៉ាងណា ​វា​ក៏​ងាយស្រួល​ណាស់​ ហើយវាមិនចាំបាច់ស្រោចទឹក​ញឹកញាប់​ទេ។

៤ ដើមឈើមេអំបៅពេលយប់ ឬ night butterfly

មានដើមកំណើតពី​ប្រេស៊ីល​ ហើយ​ពេញនិយម​នៅ​អឺរ៉ុប។ មែកធាង night butterfly គឺជាដើមឈើដែល​មានស្លឹកដូចម្រាមដៃ ស្លឹកតែងតែបិទនៅពេលយប់ និងមានរាងត្រីកោណឬ​ជ្រុង​រាង​មូល។ ជាទូទៅស្លឹក​មានពណ៌ផ្កាឈូក ​ស្វាយ ប្រែពណ៏តាមកំដៅព្រះអាទិត្យ។ ពេលស្រោចទឹកកុំ​ឲ្យ​ទឹក​ប៉ះ​ជាមួយស្លឹកវាឲ្យសោះ។​

៥ Pearl Necklace

ជារុក្ខជាតិ​ដែលមាន​ពណ៌បៃតង ព្យួរ​ចុះមកក្រោម ជាចង្កោមដូចជាខ្សែកគុជ។ ជាទូទៅ​វា​ត្រូវ​បាន​គេ​ដាំ​ដើម្បី​លម្អ​ឲ្យ​គេហដ្ឋាន​ស្រស់ស្អាត។ នៅពេលដាំ Pearl Necklace គួរតែ​ស្ថិត​ក្នុង​ពន្លឺ​ព្រះអាទិត្យ​គ្រប់គ្រាន់។ ប៉ុន្តែ​មិន​ត្រូវ​ប៉ះពាល់​នឹង​ពន្លឺ​ព្រះអាទិត្យ​ដោយ​ផ្ទាល់​ពេក​ទេ។ ស្រោចទឹក​ឲ្យ​បាន​ញឹកញាប់ ១ ទៅ ២ ដង ក្នុង​មួយ​សប្ដាហ៍​គឺ​គ្រប់គ្រាន់​ ហើយ​ដី​មិន​គួរ​សើម​ពេក​ទេ។

៦ Cactus rabbit

មាន​សណ្ឋាន​ដូច​ត្រចៀកទន្សាយ គឺជាដើមឈើដែលមាន​ដើម​កំណើត​នៅ​ម៉ិកស៊ិក និងអាច​ទប់ទល់​នឹង​គ្រោះ​រាំង​ស្ងួត​បាន​យ៉ាង​ល្អ ចំពោះរូបរាងរបស់ដើម Cactus rabbit មាន​រាង​ពងក្រពើ​ ស្រដៀង​នឹង​ត្រចៀក​ទន្សាយ។ វាជារុក្ខជាតិដ៏​ល្អ​សម្រាប់​អ្នក​មិន​ពូកែ​ថែ និង​សមស្រប​សម្រាប់​ផ្ទះ​ស្ងួត ​ដែល​មាន​សំណើម​ទាប​និង​មាន​ពន្លឺ​ព្រះអាទិត្យ​ច្រើន៕

ប្រែសម្រួល៖​ សាង​ ស្រីល័ក្ខ

ប្រភព៖sanook

ចុចអាន៖រុក្ខជាតិនាំសំណាង ៦ ប្រភេទ ដាំក្នុងផ្ទះទាក់ទាញប្រាក់កាសនិងជួយរក្សាភាពត្រជាក់ត្រជំក្នុងគ្រួសារ

ចុចអាន៖អត្ថប្រយោជន៍ជាច្រើនដែលមនុស្សទទួលបាន នៅពេលបរិភោគដំណាំហូបផ្លែតាមរដូវកាលមិនប្រើគីមី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម