សាកលវិទ្យាល័យថ្លៃបំផុតក្នុងលោក តម្លៃ ១​៥៩,៦៤៤ ដុល្លារក្នុងមួយឆ្នាំ

ការសិក្សា​ គឺជា​ការវិនិយោគ​ដែលឳពុកម្តាយគ្រប់រូបចង់បាន ប៉ុ​ន្តែ តម្លៃ​សាកលវិទ្យាល័យនៅលើលោកនេះ មាន​កម្រិត​ខ្ពស់​ហួសពីអ្វី​ដែលយើង​ធ្លាប់ស្មាន​ពីមុនមក។

មានទស្សនៈថា សាកលវិទ្យាល័យខ្លះ មានតុល្យភាពរវាងតម្លៃនិងសេវាកម្ម ពោលគឺ កាន់តែថ្លៃ កាន់តែផ្តល់មក​នូវសេវាកម្មល្អបំផុត។ តើវាយុត្តិធម៌ឬក៏គួរឲ្យអស់សំណើច? KPTpus មិនធ្វើការវិនិច្ឆ័យទេ យើងគ្រាន់តែសូមជូន​នូវព័ត៌មាន​អំពីតម្លៃ​មហាវិទ្យាល័យដែល ថ្លៃបំផុត​កាលពីឆ្នាំ​ ២០១៩។

យោង​តាម Business insider សាកលវិទ្យាល័យ Columbia ត្រូវបានគេចាត់ទុកថា ជាគ្រឹះស្ថានឧត្តមសិក្សា​ដែលថ្លៃជាងគេបង្អស់ក្នុងលោកជាមួយ​តម្លៃ ១​៥៩,៦៤៤ ដុល្លារក្នុងមួយឆ្នាំ និងជាង​ ៧ ម៉ឺនដុល្លារ​ក្នុងមួយឆមាស។

វិទ្យាស្ថានដំបូងគេនៅញូវយ៉កនេះ ជាស្ថាប័នឧត្តមសិក្សាចំណាស់ជាងគេទី ៥ នៅសហរដ្ឋអាមេរិកដែលទទួល​និស្សិតប្រមាណ ២៧,០០០ នាក់ក្នុងមួយឆ្នាំៗ។ លោក​បារ៉ាកអូបាម៉ា​ក៏បានឆ្លងកាត់ការសិក្សានៅទីនេះ​ដែររួមជាមួយ​ជនល្បីៗក្នុងលោកជាច្រើនទៀតដូចជា លោក Joseph Gordon-Levitt លោក Jake Gyllenhaal តារា Amanda Peet។ល៕

ប្រែសម្រួល៖ សាយ ពេជ្រ

ចុចអាន៖ មនុស្សល្បីៗ ៧ នាក់ដែលធ្លាប់ត្រូវគេរើសមកចិញ្ចឹម ក្នុងនោះមាន Steve Jobs ដែរ

ចុចអាន៖ បណ្ណាគារ​នៅ​អាហ្សង់ទីន​កន្លែង​ប្រមូល​ផ្ដុំ​សៀវភៅ​ដ៏​ស្រស់​ស្អាត​បំផុត​​លើ​លោក